Urteko atzanengoko zozketi eindabe KRESALA K.E.ko kidik. Beste behin be kalekutzeko eskillaretan egon diz mariskadako boletuk saltzen. Honek diz zenbaki irabazlik.
Zoixonak irabazliai eta gozatu janarixakin!
Herri mugimenduk
[IRUDIXAK] Maridomingi eta Olentzero Ondarruko kalitan!
Honezkeo opari eta ikatz guzti banatute eukiko dabe Maridomingik eta Olentzerok! Atzo (Abenduak 25) goxin Zubi Zahar Herri ikastolik antolatute aia zin lehenengoz herrire; iluntzin ostea, herrixan faltagazkuzenan alde ibili zan Olentzero kalez kale!
Iluntzin, Olentzero falta dizenak gogun hartute!
Ta bideo honetan Picassenteko kartzelan einddako ekimena. Bertan bahitxute dazen preso eta haurrai Olentzero eta herrixan berotasune erutzen!
Preso ta iheslaxak etxea ekarti ez doskue erregalako, ez Olentzerok, ez Maridomingik eta gitxia estatu Frantsez eta Españolak! Beraz, danon konpromiso eta burrukiaz, iraganaz ikasitxakuaz eta etorkizunan goguaz, geure helburuk lortzea!
Zelan lagundu herriko komertzixu, gabonetan kontsumismu bultzatu baik?
Idatzi hau zabaltzeko eskatu dosku herriko EGUZKI ekologista taldekuk:
Emoteban azkan urtitan gabon argixan erabileri arrazionalizaten euala Ondarrun, egun gutxiauatan bizten zilako. Bañe aurten inoiz baino lehenaua biztu diz, azarun amaieran.
Badakiau gaur egungo LED argixak askoz be gutxiaua kontsumitzen dabela, bañe gure kezka argi horren balixo sinbolikuai buruzku de. Argi horren bidez jende normala baño gehixaua kontsumitzea bultzatu nahi de, eta badakiau horrek ze ondorixo edukitzen daben urtero: behar ez dizen gauzak erostea, hondakin kopuru pillu sortzi…
Merkatal zentru handixak eta enpresa handixak kanpaña gogorrak etxen dotxue gabonetan jendik gexaua erosteko. Eta ulertzen dou herriko dendak eta herriko udalak olatu horretan itto nahi ez ixati, eta herrixe argiz beteti jendik gabon egun horietan herrixan kontsumi dezan. Bañe azkanin danok dinamika kontsumistetan sartute amaitzen dou. Gure ustez gauzak beste modu batea egin leike, urte osun tzir.
Herriko denda txikixetan kontsumitzearen alde gaz, eta horretako urtin tzir etxen dizen kanpañak oso ondo ikusten dou. Udalak eta dendari elkartik lan handixe etxen dabe herritarrengan kontzientzixi sortzen. Gure babes osu dauke. Bañe gabonetan bultzatzen dan kontsumo eredu irrazionala ez gazku gustaten.
Horreatxik, Ondarruko udalai eta herriko dendaxai eskatzen dotzau hurrengo urtitan gabon argixak ipintxekotan, beranduaua ipintxeko, eta ez hilabete lehenaua. Adibidez, argixak abendun 15etik urtarrilan 7re biztute nahiku dala uste dou. Helburu gabonak iragartzi bada, egun horrekin nahiku de. Horren ordez, urte osun herriko komertzixutan kontsumitzeko kanpaña gexaua ein daiteke.
Espero dou gure iritzixak balixo ixati gai honi buruz eztabaidi zabaltzeko eta danon artin irtenbide egoki bat topateko.
ONDARRUKO EGUZKI
ETXELILAK badauke abestixe!
Etxelila Ondarruko emakumin topalekun 5. urteurrena ontxe-ontxe pasata, gaur altza dabe sarea “ETXELILA” ixeneko abestixe! Urteurreneko ekitaldixan ein ben abestixan zuzeneko aurkezpen akustiku. Entzun, altza bolumena eta askatu gerrixak!
Hauxe da sarin, abestixaz batea zabaldu daben mezu:
[ETXELILA ABESTIA]
Orain dela bost urte sortu zen Etxelila Emakumin Topaleku, mugimendu feministaren, emakume elkarteen eta udalaren lanari esker. Eskerrak eman nahi dizkizuegu hau erein eta hazi duzuen guztioi, nolabait proiektuaren parte izan zaretenoi eta proiektuari bizia jarri diozuenoi. Espazio goxo, seguru eta eder bat sortu dugu zuei esker; konplizitatetik, ahizpatasunetik eta zaintzatik. Plazer bat izan da, plazer bat zarete. Eskerrik asko!
Hori dela eta, egindako ibilbideari musika eta hitzak jarri dizkiogu elkarrekin buruak, hankak eta eskuak mugitzeko asmoz. Azalera taldeak sortu du abestia, Nerea Larrinagaren, Goretti Serranoren eta Alba Idoiagabeitiaren kolaborazioekin, eta Uxue Alberdi Estibaritzek jarri dio letra. Igo bolumena eta askatu gerriak, hau da ‘Etxelila’ abestia!
Abenduak 22 (zapatu) Santo Tomas egune ospatukou
Nahiz eta Santo Tomas egune abendun 21a (baixaku) dan, guk zapatun ospatukou jaxe. Zubi-Zahar herri ikastolakuk txozni ipiniko dabe alde zaharrin urtero lez eta bertan ezta faltako txistorraik, taloik, sagardau, txarrixan zozketaik…Hurreatu eta gozatu!
Herriko PENTSIONISTAN konzentraziñoi gaur be!
Gaur eguerdiko argazkixe da beheku. 300 bat lagun batu diz Alamedan PENTSIÑOI duin bat eskatzen. Ez dauke gelditzeko esperantzaik bañe urte amaieri datorrela ta hurrengo deialdixe URTARRILLAK 7 rako eindabe.
Ondarruko PENTSIONISTAK borrokan!
Euskal Herriko herri askotan latxeik Ondarrun be PENTSIONISTAK kalea urten dabe euran eskubidin defentsan. 1.080 euroko gutxieneko pentsiñoi ordaintzeko diru badala diñue, bañe borondateik eza salatzen dabe gaur kalea urten dabenak.
YAALAH ELKARTEKO sudaderak eskatzeko aukeri zabalik!
Yaalah elkartik sare sozialetan jakinarazi daben modun, zabalik da, urtarrilan 1ea arte, elkarteko sudaderak eskatzeko epi.
https://labur.eus/YAALAH
Eskarixak formulaxu beteta ein bihir diz, bertan loturan sartute da informaziñoi guzti:
“Jertsan ingurun jente askorek gelditxu gatxu kalin, ia sudaderak atateko beste deialdirik baguzen etxea, jerts gexa atateko animaten… hau ikusitxe jertsak eskatzeko aukera barri bat egongo da 🗓 ⚠️URTARRILAN 1earte!⚠️
📝 Jertsak formulaxo hau beteta eskatu bihir diz! Bertan agertuko gatzue eskarixe etxeko bete beharrekuk. Behin eskarixe eindde korreoz abisako dotsuau noix eta nun jaso bihir dizen sudaderak.
Sudaderakin ataten dan diru elkarteko gastu orokorreta eta urtintzir antolatzen douzen ekimeneta bideratuko da.”
Abenduak 15 (zapatu) PENTSIÑOI DUINAN ALDEko manifi
Herriko Pentsionistak dei zabal bat ein dabe zapatun eingo dan manifestaziñoire juteko. Gaur egun, eurai ikutu etxen dotzen gaxe da, bañe bixar beste guztioi ikutu eingozkule azaltzen dabe euran mezun, horretxeatxik deixe etxen dotze herrittar guztiai manifestaziñoin parte hartzea. Gogoratu Alamedan eguerdiko 12 xetan hasi eta Zubi Zaharrin amatxuko dala eta Pentsio duinak eta publikuk, 1.080 minimo pankarti jungo dala aurretik.
Abendun 14 (baixaku) ETXELILAn bosgarren urteurrenan ospakizune
2013an martxan ipini zan Etxelilan proiektu, herriko mugimendu feministin eskaeriai erantzunez, beraz aurten 5. urteurrena beteten da eta hori ospatzeko jaialdixe antolatu dabe. ETXELILAk bixitxa oparu euki dau urte hauetan (TURRUNE testigu), hitzaldixak, erakusketak, ikastaruk,…..herriko emakume askoren tokixe bihurtu de berau.
Jaialdixan egitarau : Andrabanda batukada feministik emongotza hasieri eta Beatriz Egizabal Ollokiegi klownak eingo dotxu aurkezle lanak. Egun horretako abestixe sortu daben Azalera taldeko Lorea Zulaika Arriagak, Susunkordan taldeko Goretti Serrano Akarregik eta Nerea Larrinaga Sanchezek kontzertu akustiku eskainiko dabe, eta Amaia Cabero Saizar dantzaixe eongo da ostin. Jaialdixan tzir, herriko emakume talde eta mugimendu feministako kidik be hartuko dabe berbi, eta tarte guzti horretan Artestura Feministan erakusketi ikusteko aukeri eongo da.
