Haur sahararrantzako Lea-Artibaiko aterpetxin crowdfundingan azkanengoko egunak!

Yaalah elkarteko lagunak mezu hau bixaldu doskue crowdfundingan azkanengoko txanpan sartute dazela esanaz. Zuk bixkat, nik beste bixkat… danon artin aterpetxi aurrea!

Haur sahararrentzako Lea-Artibaiko aterpetxea

⚠️⚠️⚠️1️⃣0️⃣ egun geratzen dira Crowdfunding kanpaina bukatzeko! Helburuaren kopuru erdia lortu dugu, 5️⃣0️⃣0️⃣0️⃣€. Lagunduko diru bilketari azken bultzada ematen???⚠️⚠️⚠️

Sartu https://labur.eus/Crowdfunding eta bertan bilatuko duzu proiektuari buruzko informazio guztia.

Ekarpena kontu korronte bidez egin nahi dutenek aukera dute kontu hauetan:

Laboral kutxa: ES20 3035 0021 13 0210047022

Kutxabank: ES90 2095 0058 10 9119733535

Mila esker proiektua posible egiten laguntzearren!

Ume sahararrantzako udako aterpetxik danon bultzadi bihir dau!

Yaalah elkarti, euskadiko saharar ordezkaritziaz batea proiekto barri baten da murgilddute. 2020ko uda ko hile bixin saharar errefuxiatun kanpamentutako umik hartukotxuez Lea-Artibaiko aterpetxin. Proiektu honen helburu nauzixe, eskualde mailan dan harrera familixa kopuru urrixai irtenbidi emoti de eta Euskal Herrixan dazen beste aterpetxik eredu hartute darue aurrea proiektu hau.

Hau dana aurrea eruteko eskualdeko udalan laguntzi dauke, baine ez da nahiku proiektuk dakarren gastu guztiai aurre etxeko. Horretako CROWDFUNDING KANPAINI ipini dabe martxan Itsulapikoa.eus atarixan. Herritxar askoren eskariz, bankuko kontu korronte zenbakixe be zabaldu dabe nahi dabenak ekarpena bankutik zuzenin etxeko. Hamen dakazue ekarpenak etxeko era ezberdinak azaltzen daben kartela

https://www.itsulapikoa.eus/eu/proiektuak/haur-sahararrentzako-lea-artibaiko-harrera-aterpetxea/embed-full

Saharar Errepublika Arabiar Demokratikun 44. urteurrena!

Gaur, Otsailak 27xe, 1976an Saharar Errepublika Arabiar Demokratiku aldarrikatu eben. Españolak Mendebaldeko Sahara abandona eta hurrengoko egunin aldarrikatu eben errepubliki Bir Lehlu herritxik radixo bidez. El Uali 28 urteko buruzagixe ixan zan SEAD aldarrikatu bana, handik denpora gitxire hil zan Mauritanian aurkako ekintza armatu baten.

Gaur egun, herri sahararrak Marokoko estatuandik zapaldute jarraitzen dau. Herrixan beste zati handi batek exilixun, 45 urte baino gexaua Argeliko errefuxiatu kanpamentutan.

Egun hau dala eta Ondarruko saharan aldeko Yaalah elkartik kartel hau ata dau eta Ondarruko Udalak saharar banderi ipini dau mastan. SAHARA ASKATU!

Saharar errefuxiatun kanpamentuta eruteko janari bilketi martxan!

Yaalah elkartik, Udalan laguntziaz martxan ipini dau beste urte batez Euskal Herriko 16. elkartasun karabanako janari bilketi.

Bilketa honetan zeuen aportaziñoi nahi badozue ein aukera bi dakazuez. Bat utarrilan 24re arte herriko ikastetxitan (ikaslintzako) edo baixako eta zapatun (urtarrilak 24-25) herriko denda ezberdinetan.

Dendetan bolondresak egongo diz janarixe batzen eta esko bat botateko prest dazen herritxarrak yaalahelkartea@gmail.com helbidea edo 628986839 telefonure idatzi eta bertan emongo dotse txandan xeetasunak.

Saharan aldeko janari bilketan laguntzeko prest?

Hauxe mezu zabaldu dabe Yaalah elkarteko kidik herritxarrai janari bilketako laguntzi eskatzen:

Badator beste urte batez Saharar herrixan aldeko 16. Euskal Herriko elkartasun karabani!

PREST ZA ESKO BAT BOTATEKO?

Urtarrilak 20tik 24re batuko douz elikagaixak herriko ikastetxitan, eta hilan 24 atsaldin eta 25 goxin, herriko dendetan egongo gaz jateku batzen.

Elkarteko kidikandik aparte herritxarrai be laguntzi nahi dotsau eskatu, eta egun horretan dendetan bolondres modun egotea gonbidatzen zatxuau!

Laguntzeko prest bazaz, idatzi yaalahelkartea@gmail.com helbidea edo 628986839 telefonure.

Eskerrik asko!

Yaalah elkartea🇪🇭

TURRUNE kanpamentu Saharauixetan

Egun batzuk pasa diz herriko YAALAHko kidik Argeliko lurretan dazen Saharar kanpamenduta jun zile laguntza materiala erunaz ta babesa emonaz.

ENEKO PAPARDO Sahararuntz LOIUn 2019-12

Sahararuntz mateixalak 2019-12

Erun daben mateixalan artin ordenadorak erun zitxuezen ta bertan monta daben informatika geli erakusten dosku gaur bertan jaso douen argazkixan, bertan TURRUNEko orrixe agertzen da.

TURRUNE on-line SAHARAn 2019-12-02

Yaalah elkarteko kidik saharar errefuxiatun kanpamentuta duz

Saharar errefuxiatun kanpamentuta bidaiatuko dau Ondarruko Yaalah elkartik bertan gauzatzen hasitxako proiektuai jarraipena emoteko eta saharar herritxarran burrukiai babesa emoteko. Azkanengoko ordutan zabaldu dizen albistin ingurun mezu hau bixaldu doskue saharar herrixan launan herriko elkartetik:

Ondarruko Yaalah elkartik Españiko gobernun mezun ingurun:

Gaur Saharar errefuxiatun kanpalekun inguruko albistiaz hasi dou egune, zoritxarrez normalin ixilddute eta oihartzun mediatiko gitxi eukitxen daben gaixe da Mendebaldeko Saharan gatazki. Españiko gobernuko atzerri ministeritzik Argeliko Tinduf zonaldin kokatute dazen errefuxiatun kanpalekuta ez bidaiatzi gomendatzen daben oharra ata barri dau. Zonalde edo leko horretako desestabilizaziñoi politiku, talde terroristan aktibidadi, edo ta estatutik berta guzen ehunke lagunek eraso terrorista bat jasateko arrisku dakauela nabarmendu dau.

Beste behin be gatazka hau ixilarazi eta ezkutun mantentzen daben Españiko komunikabide handixak interes mediatiko handixe emon dotse gobernun ohar honei. Zein de honen danan helburu?

WhatsApp Image 2019-11-28 at 15.16.55.jpeg

Kontun euki bir dou datozen astitan Saharar herrixan ordezkarixe dan Frente POLISARIOk kongresu burutuko dabela errefuxiatun kanpamentutan, kongresu horretan mundu osoko ordezkari politikuk hartuko dabe parte, alarma mezu honek eragin handixe euki leike bertaratuko dizen ordezkaxan gain. Nabarmendu bir de abendun lehenengoko astin hainbat herritxarrek parte hartzen douela Saharar ordezkaritzik antolatutako elkartasun bidai honetan. Bertan bixi dizen erefuxiatun errealidadi ezagutzea duzenak, elkartasun proiektu ezberdinak gauzatzea guzenok, udan oporrak bakean programan harreran hartu dabezen umin familixak bisitatzeko aprobetxaten dabenak…

Kasualidadi de Marokoko atzerri ministruk Espaini bisitxatu eta astebetea alerta mezu hau zabaltzi? Edo Marokon estrategixa politiku de eta honen helburu Saharar herrixaz elkartasunin biharrin gazenok bildurtzi de? Hau danau kontun eukitxe, argi da gobernutik datorren larritxasun mezu hau Españik Marokoko estatuaz historikoki euki daben eta dakarren konplizidade politikuaz zer ikusi badaukela.

Guk, Yaalah elkartetik elkartasun bidai honeaz aurrea jarraitzeko asmu dakau eta konfixantza osuaz bat etxen dou Euskadiko Saharar Ordezkaritzik einddako adierazpenaz. Ez guz hasitxako bidi etetea eta gitxia estatu Marokoarran interesetako sortutako mezu eta oharrak kontun eukitxea. Beraz, bixar (azaroak 29) urtengo dou Bilbotik Saharar errefuxiatun kanpamentuta aurreko biajitan hasitxako “Bir Ganduz” proiektuaz jarraitzea eta Saharar errefuxiatuai eta orokorrin herritxarrai euran albun gazela erakustea burruka zilegi honetan.

SAHARA ASKATU!

Prest dakarre dana elkarteko kidik biajin parte hartzeko:

WhatsApp Image 2019-11-27 at 19.03.49.jpeg

Hamen lagaten dotsuau aurreko biajetik bueltan Yaalah elkartik einddako bideu:

Yaalah elkarteko elkartasun zozketako zenbaki saritxuk!

Azkanengoko astitan Yaalah elkarteko kidik errifak saltzen ibili diz kalin, tabernetan… eta gaur eguerdixan (Azaroak 23) an einddabe zozketi. Hauxe da sare sozialetan zabaldu daben mezu:

Yaalah elkarteko zozketako zenbaki sarituk! Zenbaki saritxun jauik hilebete eukiko dau sarixe jasoteko, bestelan ordezkuntzako ixango da!

Millesker parte hartu dozuen guztioi!

Zozketa honetan atatako diru Saharar errefuxiatun kanpamentun dakauen proiektuaz jarraitzeko ixango da.

Euskal tsunamia martxan! Behobia blokeateko deixe! Gaur (Az12) 16:00etan Zaldupetik!

Tsunami democratik mugimenduk katalunia eta estatu frantsesa batzen dotxuzen mugi itxi ban atzo, gaur polizixa frantsesa biolentzixiaz desalojaten ahaleginddu de.

Euskal Herrixan, mugimendu honek estatu frantsesaz lotzen gatxun mugi kotxikin itxitxeko ero blokeateko deixe einddau! Ondarrutik hasi diz berta jenti bideratzeko:

*Arrenca el Tsunami a Euskal Herria!*

Behobiako muga inposatua kolapsatu dezagun!

ONDARRUtik urteneri: 16:00etan ZALDUPETIK.

Ekarri zeuen kotxik 🚘🚖🚘🚖🚘

#OcupemBehobia

#TsunamiDemokratikoa

#OcupemLaJonquera

#LaForçaDeLaGent🌊