Memoria historikoa

ESTEBAN MURUETAGOIENA SCOLA, TORTURIn biktima lez aitortu dau EUSKO JAURLARITZAK!

turrune

Ondarruko herrixak lelengoko momentutik ekixen ESTEBAN MURUETAGOIENA SCOLA (mediko Ondarrutarra) TORTURIk eraindako ondorixoz hil zala. Hil eta 44 urte geruaua Eusko Jaurlaritzak aitorpena ein dau hori onartuaz, TORTURIn biktima lez aitortuz.

1982ko Martxoan 15in GUARDIA ZIBILAk atxilotu ban ESTEBAN eta hamar egunez euran eskutan egon zan inkomunikatute, Terrorismun aurkako legi aplikatzen, Komisaxatik libre urten ban kargu baik eta handik eta hiru egunea hil zan. “Infarto” baten ondorixoz hil zala esan ban bertsiñoi ofizialak, autopsixik beste gauza bat esan baban be (TORTURI jasan ebala kuartelillun). Zertzuk pasa ete zitxun 10 egun horretan pikoletun eskutan egon zan bittartin jakingou egunen baten?

Herrixak memoixi dauke ta urti jun eta urti etorri salatu ixan dou TORTURIn ondorixoz hil zala ESTEBAN.

EGIARI ZOR fundaziñoik ein dako baloraziñoi horren ingurun:

Berandu dator errekonozimentu hori, bañe pozten gaz aitormenaz. Zertako balixoten daben memoixik? Ba holako gauzetako. Ondioik badaz gure herrixan argitxu beharreko gauza asko, ta hortan jarraitzen dou. ESTATUKO INDAR POLIZIALAN INPUNITATI AZALERATU BIHIR DE, BAI ALA BAI! ESTEBAN HIL BENAK ERRUDUNAK DIZ!

JOKIN URAIN LARRAÑAGA “KIXKUR” lagun eta kidik agur esazku!

turrune

Kolpe gogorra jaso gendun jakin gendunin pasan domekan KIXKUR jun zala gure artetik. Idazli (IZAINA, GATIBU SORTU NINTZEN, ERROTARRIA, EZ DAGO EZER ETXEAN, URRUN DA ZERU URDIÑA, ADLOTSE, TXOMIN “AURRERA BOLIE” diz besteak beste berak idatzitako liburu batzun ixenburuk), preso ohie (27 urtin euki ben preso Estatu Españoleko espetxe desberdiñetan) eta gexenbat, Memoixi gordeten ibili dan kidi. Mendaron jaxo, Lasturren eta Deban ikasi ta Euskal Herrixan aldeko borrokan hezi gure ingurutan, horren ordaiñin hainbat kartzela ezautu ixan ban. Batek baño gexauarek galdetuko dozue ea Ondarruaz ze lotura euki ban berak. Lehen esan latxeik idazle ixatiaz aparte Memoixi gordeteko eta trasmisiñoi lantzeko lan izugarrixe eiban AMETSEN LIBURUA (2015) lana koordinaten. Bertan, 426 euskal preso, iheslari eta erbesteratun ahotsak, ametsak eta esperientziak biltzen diz, bakotxak orrialde zuri baten idatzitxe edo marraztutaku oinarri hartute. Testigantza-liburu itzela da, Angela Davisek berak goratu ban lana. Ta hor kokatzen da KIXKUR eta gure herrixan arteko kidetasun hasieri. Denporan ibili zan gure herrixan harremanak lantzen, gertaerak ezautzen, jentiaz egoten…

*Ikusten zazen irudixak Ondarruko Txokun atatakuk diz, egunetan ibili zin grabaketak eta elkarrizketak etxen berak hala eskatute.

Betirarte LAGUN!

Gaur, Apirilak 17 (baixaku) GERNIKA BATALLOI askatasunaren ametsa, liburun aurkezpena Kofrai Zaharrin!

turrune

II. Mundu gerran GERNIKA BATALLOI sortu ben Euskaldunak Frantzi aldin Hitlerren gudarostin aurka borrokatzeko ta batalloi horren barrun hainbat Ondarrutarrek (15 lagun baño gexa ei zin) bertan parte hartu benak. Horren guztin harire, FRANCK DOLOSOR HALTZAk Eitbko kazetari ezagunak, liburu bat idatzi dau gai horren bueltan eta Gaur, Apirilak 17 (baixaku) liburun aurkezpena eingo dau Kofrai Zaharrin arratsaldeko 6:30xetan. Ekitaldixe,GUDARI Ondarrutarran senidik antolatu dabe. Hurreatu entzutea!

Apirilak 16 (eguena) SORGIÑAK, PUTAK, TERRORISTAK liburu aurkezpena Kofrai Zaharrin!

turrune

TORTURA atzo, gaur eta bixar da. Horixe da liburu honen abiapuntuetako bat. Lehenaua aitortu nahi ez, eta on iraganeko kontu dala sinestarazi nahi dosku; ez ikusixanak eitxi, ordea, miñe eta indarkeixi iraunkor bihurtzen ditu. Torturak indarkeixa matxistin beste ertz bat ixanik, liburun, Euskal Herriko gatazka politiko-armatun borrokatu dizen emakume torturatuk pairatutako bortxa berezitu hori aztertzeko eta kokatzeko marko feminista bat eraiki dabe, elkarlanin eta on arte egindako aitortza eta osatze bidin beste pauso bat emonaz, erreparazio pertsonal eta kolektiburu helburuz.

Beraz badakixue, datorren eguenin (16an) Kofrai Zaharrin aurkeztuko dabe liburu arratsaldeko 6:30xetan SORGIÑAK, PUTAK, TERRORISTAK. Antolatzalli, Ondarruko Torturatun sarea.

Martxoak 18 (eguaztena) Mahai-inguru Etxelilan, EMAKUMIK 36ko gerran Ondarrun!

turrune

Mahai-inguru interesgarrixe eukikou datorren eguaztenin (M-18) Etxelilan arratsaldeko 6:30xetatik aurrea. Gai lez, EMAKUMEAK 36ko GERRAN ONDARRUn eta hizlari lez, KRISTINA ARANTZAMENDI OSA, IKERNE ALKORTA ARTETXE eta JABIER R.”URRUTXE” SOLABARRIETA eongo diz berbetan.

“1936ko Urrixan 4an tropa frankistak Ondarrun sartu zinin herrixan emakumik eta umik geatzen zin bakarrik., Geroa ezarri ben errepresiñoi giru batez be eurak jasan ben. Hitzaldi honeaz gogoratuko dabe euran gurasuk bixi ixandako momento latzak, Ondarruko Euskal WikiEmakumin taldin laguntziaz”.

Sasoi zan gai honei adarretatik heltzeko eta Emakumin papera ezautzeko sasoi horretan. Hurreatu entzutea!