MAIATZAK 1 mundu osoko langillin egune aldarrikatzen dou egun honetan. Aurten EUSKAL LANGILLIOK Gerriai eta gerrin fakturi ordaintziai EZETZ esangotzau deitxute dazen mobilizaziñoitxan. Lea-Artibain be, Langillin aldeko neurrixak eskatzen dou: Etxebizitza eskubidi, Kalitatezko zerbitzu PUBLIKUK eta Soldata eta PENTSIÑO DUIÑAK, besteak beste. Gure eskualdeko deialdixe LEKATXOn ixango da baixakun, Maiatzak 1 eta hitzordu Eskolapin eguerdiko 12:30xetan da ipinitxe. Kalik jazten be hasi diz propaganda bidez ta geube han eongo gaz. GORA LANGILLE BORROKA!
Bizkaiko Arrain Kontserbetan 16 hilabete pasa diz hitzarmeneko mahai negoziatzalli eratu benetik bañe gaur egun negoziaketi erabat blokeatute da. NAHIKURE! Feminizatutako eta Arrazializatutako sektoritan be, baldintza duinak bihir diz ta horretako ezta beste bideik mobilizaziñoik baño. Hori dela ta sektoreko langile sindikato guztik bat eindabe kalea urteteko. Azpixan dakazue mobilizaziñoin barri.
Martxan hasitxe daz osteabe herriko PENTSIONISTAK Pentsiñoi duiñan alde. 12xak puntun batu diz gaur be Alamedan eta pankarti zabaldu dabe ta beran atzin 102 lagun ipini diz, tartin herriko EHBilduko hiru zinegotzi eta alkati.
Gogoratu dabe zapatun, apirilan18xan, EAEko hiriburutan manifestaziñoik ein dizela Osakidetzan dazen arazuk salatzeko eta Euskal Herriko Pentsionisten Mugimenduk (EHPM) babestu eitxuzela horrek mobilizaziñoik. Ixan be, pertsona nagusixakin lotutako eskabidik dazelako tartin, esate bateako Geriatria zerbitzu bat egoti edo bularreko minbizixan baheketa frogak 74 urtera arte luzatzi, beste batzun artin.
Azaldu dabe be bai martxoko KPIaren igoeri %3,4 ixan dala eta horrek euren eros ahalmenin zelako eragiñe eukiko daben. Horretxeatxik urte amaieran hori orekatzeko “ordainsaritxo” bat eskatzen dabela.
Amaitzeko, gogoratu dabe maxatzan 7xan Gasteizen manifestaziñoi eingo dala “Hemen eta orain: Gutxieneko pentsioa = Gutxieneko soldata”
Euran bertsuk kanta eta JO TA KE LORTU ARTE!!! oihukatute amaitxu dabe. Datorren astelehenin be Alamedan eongo dizela ziurtatu dabe.
Gaur be Alamedan batu diz herriko PENTSIONISTAK asteleheneroko ekimenin. Gaurkun pankarta atzin 111 lagun ipini diz, tartin alkati ta EH Bilduko bi zinegotzi.
Komenta dabe bankuk eta energixa enpresek izugarrizko benefizixuk eukitxuezela eta gaiñetik Sozietate Zergan eingotzen rebajiaz gitxia jasoko dala zergetan bañe pentsionistak aldiz, eros ahalmena galtzen duzela urtetik urtea.
Horrez gaiñ, eguazteneko KORRIKAn parte hartzeko gonbidapena ein dabe; ixan be, iluntzeko 20:18xan aillako da herrire Mutrikutik.
Apirilaren 13rarte “oporrak” hartzi pentsa dabe eta euran bertsuk kantata amatxu dabe elkarretaratzi. JO TA KE LORTU ARTE!!!
Beste astelehen bat, eta ahaztu gazku zenbat duzen, han egon diz Alameda erdixan herriko PENTSIONISTAK. 12xak jota zabaldu dabe pankarti eta beran atzin 107 lagun ipini diz, tartin alkati eta EH Bilduko hiru zinegotzi.
Gogoratu dabe bixar, martxoak 17xan, greba orokorra dala deitxute eta eurak bat datozela egun horretako aldakarrikapenakin eta deixe eindabe parte hartzeko arratsaldin eingo dan manifestaziñoin, Zaldupetik arratsaldeko18:00etan urtengo dabenak.
Gaiñea eguenin Korriki hasiko dala esan dabe eta Ondarrutik datorren eguaztenin, martxun 25in, iluntzeko 20:18an pasako dala. Pentsionistak be hantxe egongo dizela baieztatu dabe!
Datorren astelehenin opor txikixak hartukotxuez Aste Santu dala ta.
Euran bertsuk kanta eta JO TA KE LORTU ARTE!!! oihukatute amaitxu dabe elkarretaratzi.
Martxun 17an GREBA OROKORRA da deitxute Hego Euskal Herrixan. Lanbide arteko gitxieneko soldati 1500€, soldatak hobetzi, aberastasunan banaketieta hau danau HAMENTXE erabakitxi diz gexengo sindikalak greba honetan exijiuko dotxuezen aldarrikapenetako batzuk.
Herriz herri lanketa ezberdinak etxen dabiz greba egune antolatzeko sortutako greba batzordik eta Ondarru ez da atzin gelditxu. Propagandiaz, informaziñoi banaketiaz, eragile ta talde ezberdinan lanketan buru belarri dabiz. Horren adibide herriko paretak eta giru!
Inguruko lantoki handixenetan, Cikautxon eta Kiden adibidez, bozketak ein dotxuez grebin ingurun eta Martxun 17 an grebi eingo dabe.
Greba eguneako honetxek deialdixak ein dabe greba batzordetik.
Zahartzaro duin bat eukitxeko PENTSIÑOI duin bat euki birde ta gauzak berez ez doskunetik emoten BORROKATUZ lortzen diz, ezta besteik. Aurrez idatzi douena ondo be ondo ulertzen dabe Ondarruko PENTSIONISTAK eta euzkixe egon edo aterkin azpixan egon ez dabe hutsik etxen astelehenetako enkarteladai. Gaur be, han ikusi douz pankarta atzin eta han batu diz 121 lagun, tartin EH Bilduko hiru zinegotzi eta herriko alkati.
Gogoratu dotxuez aurreko astin ixandako mobilizizañoik eta pentsionisten mugimenduk babestutakuk; alde batetik; Martxoak 3ko Gasteizko ekitaldi jendetsu eta hunkigarrixe, eta, bestetik, atzoko Emakumin Eguneko manifestaziñoi jendetsuk Euskal Herrixan luze zabalin ein zinak, geure herrixan be bai.
Horrez gain, esan dabe datorren MARTXOAK 17ko greba deialdixak zuzen zuzenin ikutzen dotxuzela pentsionistak. Ixan be, aldarrikapen nagusixe Gutxieneko Soldatin igoeri eskatzen dalako eta eurak eskatzen dabe gutxieneko soldata hori gutxieneko pentsiñoiaz parekatzi. Beraz, eskatu de era aktibo baten parte hartzeko eingo dizen mobilizaziñoitxan, goixin (12:30xetan) Bilbon eingo dan manifestaziñoin eta arratsaldin Ondarrun Zaldupeko zubitxik hasitxe (18:00etan) eingo dan manifestaziñoin.
Martxoak lelengoko astelehena ta herriko PENTSIONISTAK ez dabe hutsik ein Alamedako konzentraziñoin. Gaur be 12xak puntun zabaldu dabez pankartak (gaur aspaldiko partez, egun eguzkitsuaz) GUTXIENEKO PENTSIÑO=GUTXIENEKO SOLDATI eta 8 URTE ALAMEDAN JO ta KE! ta euran atzin 115 herrittar, tartin alkati eta EH Bilduko bi zinegotzi.
Azaldu dabe Euskal Herriko Pentsionisten Mugimendu (EHPM) estatuko beste pentsionisten mugimendutako taldikin batea Espaniko Legebiltzarreko ordezkari batzukin batzartu dizela euran aldarrikapenen barri emoteko. BNG, EH Bildu, ERC, Sumar eta Podemoseko parlamentaixukin batu zin.
Horrez gain, gogorazi dabe bixar 50 urte beteten dizela Martxoak 3ko sarraskixana, eta arratsaldeko 7retan monolitun aurrin eingo dan ekitaldire juteko deixe be ein dabe.
Gaiñea, esan dabe domekan, Martxoak 8, Emakumin Eguneako Ondarrun hainbat gauza dazela antolatute: 11etan mahai inguru Etxelilan; ondoren, 13:00etan manifestaxiñoi bertatik Etxelilatik hasitxe etab.
Amaitzeko, aitxatu dabe abendu eta urtarrilin saltzen eon zin txartelen zenbaki saritxuk urten dabela. Otsailan 28xan ein zala zozketi eta 8302 zenbakixe ixan zala saritxu, Portugaleten toka dala azaldu dabe.
Euran bertsuk kanta eta elkarretaratzi amaitxu dabe JO TA KE LORTU ARTE!!! ohiukatute.
Eurixe gelditxu baik euki dabe gaur Alamedako PENTSIONISTAK etxen daben enkarteladan astelehenero. Zumardi etxeko aterpin zabaldu dabe pankarti hamabixak puntun eta hogei minutoz egon diz bertan. Nahiz eta Egueldixak jente bat atzea bota daben 79 herrittar egon diz bertan. PENTSIÑOI DUIÑAN ALDE, JO TA KE! Datorren Astelehenin be Alamedan egongo dizela ziurtatu dabe!
Jo ta Su dabiz borrokan gure herriko PENTSIONISTAK eskubide sozialan alde, danontzako PENTSIÑOI DUIÑAK eskatzen, gutxieneko pentsiñoi gutxieneko soldatiaz parekatzeko eskatzen. Gaur be han egon diz betiko lez Alamedan, puntualak, 12xak puntun zabaldu dabe pankarti, GUTXIENEKO PENTSIÑOI=GUTXIENEKO SOLDATI eta beran atzin 95 herrittar ipini diz (herriko alkati tartin).
Gogoratu dabe Euskal Herriko pentsionistak mobilizaziñoikin jarraitzeko prest dazela eta azalduko dabela hurrengo astitan zer ekintza proposaten daben.
Bañe hortik aparte, dana ezta ixango elkarretaratzi eta manifestaziñoi eta hilan 23an bazkaxe etxeko asmu erakutsi dabe. Ondarruko Alamedako pentsionistak 8 urte beteko dabe Alamedan batzen eta hori ospatzeko Antiguako aman bazkaxe etxeko asmu dakarre. Horretxeatxik, datorren astelehenin ixenak emoteko aukeri eongo da eta bazkatxako diru be aurretik bertan jasoko dabe (18€). Ixez be giro onin bazkalduben eta ia aurten be taldetxu eder bat batzen dan.
Turrune! 