M30 in lanuzte eta mobilizaziñoik egingo douz estatalizaziñoin kontra,
hamen lan ein ta hamen erabakitzeko eskubidin alde.
Estatalizaziñoiaz, urte eta borroka askon ondoren lortutako gure lan
hitzarmen eta eskubidik kendu nahi doskuz beste lan hitzarmen
okerrauak eta prekaixuk inposatu. Nahiku de! Horreatxik urtengo ga
M30 eguaztenin kalea. Hamen lan egin eta hamen erabaki nahi douelako.
Gure hitzarmen eta lan baldintzak galtzik, gure bizitzan prekarizaziñoire
eruten gatxuelako.
Herri mugimenduk, Lan mundu atalean
Hauxe kartela eta idatzixe bixaldu doskue LAB etik, zapatun (ap28) 13:00etan eingo dan elkarretaratzin ingurun:
LANEAN BIZIRIK ETA OSASUNTSU
Apirilaren 28an, zapatuan, Lan Osasuneko Nazioarteko eguna izango da. 2017 urtean 56 izan ziren lanean hildako langileak; aurton, urteko lehen lau hileetan 16 dira jadanik lanean bizia utzi duten langileak. Lehenik eta behin eman nahi diegu gure besarkada beroena beraien senide eta lagunei.
Aurton lan istripuek eragindako osasun galera eta heriotak salatzearekin batera, arreta egin nahi dugu laneko gaixotasunetan. Ikusezinak eta ahaztuak izaten jarraitzen dute. Lan istripuek eragindako laneko heriotz bakoitzeko 10 langile hiltzen dira lan gaixotasunagatik, baina, berehalako ondorioak ez dituztenez, behar baino gutxiago deklaratzen dira eta jatorrian dauden arriskuei aurre egiteko beharra alde batera uzten da.
Gaixotasun profesionalak ezkutatzeak zer ikusi handia du bajei loturiko planteamendu ekonomikoekin. Gaixotasuna laneko gaixotasun gisa aitortu ala ez, mutuak ala osasun sistema publikoak, batak ala besteak,hartzen du bere gain. Mutuek kontingentzia profesional gisa ez aitortzeko irizpidearekin dihardute, gaixotasuna artatzea eta hari dagokion prestazio ekonomikoa osasun sistema publikora bideratzeko.
Mutuak dira egoera larri honen erantzuleak, eta patronala, egoeraren onuraduna, gaixotasunen laneko jatorria ukatzea aitzakia bihurtzen baita prebentziorik ez egiteko.
Lanean jarraitu behar dugu lakra sozial honen aurkako borroka egin eta gaurko lan osasuneko ereduaren alternatibak garatzeko. Osasunaren babeserako sistema alternatiboa aldarrikatzen dugu, pertsonen bizitza eta osasuna erdian jarriko dituena.
Apirilaren 28an, Ondarroan Kontzentrazioa egingo dugu 13:00etan Alamedan. Herritar guztiak gonbidatu nahi ditugu parte hartzera, “lanean: bizirik eta osasuntsu” lemapean.
Ondarroan, 2018ko apirilaren 23an
LAB
Gaur be astelehenetako mobilizaziñoiai jarraipena emonaz pilo bat pentsionista batu diz alamedan. %0,25an kontra eta gutxieneko pentsiñoi duinak 1080eurotan aldarrikatzen!
Herri mugimenduk, Lan mundu atalean
Euskal autonomi erkidegoko hezkuntza publiko ez unibertsitaxun langillik grebi eindabe bi egunin jarraixin lan baldintza hobik aldarrikatzeko, eta herriko ikastetxin jarraipen zabala euki dau. Atzo Gasteizen eta gaur Bilbon egon diz euran aldarrikapenak zabaltzen .Hamen bertatik bixalduzkun irudixak.
Herri mugimenduk, Lan mundu atalean
Behian entzungo dozuena, Lluis Llach abeslari katalanak ‘Campanades a morts’ kanti konposatu ban 1976ko martzun 3an Gasteizko Zaramaga auzun Espainiko Polizixa nazionalak bost langile hil zitxuzenin.
Portu aldin ibili bazaze azkanengoko ordutan konturatuko ziñen erbesteko txalopak agertu dizela herrixan. Portosin, Aguiño, Cambados…aldetik datoz, urtero lez. Martzu hurreatzen, berdela usaintzen. Halan da guzti gure zarrak diñue aurten bi kostera batuko dizela zihur, berdela eta antxoi. Datozela, ia ixezkun lakoxik dizen, iñoizko antxoadaik onenetaku ixan zalako.
Gaur eguerdiko 12 xetan herritxar ugari batu gaz alamedan “Bizkaiko Pentsionistak Martxan” mugimenduk deitxute. Beste herri askotan modun PENTSIÑOI DUINAK eskatu, %0.25 igoeri miseixa bat besteik eztala salatu eta segurtasun sozialeko erakunde propixun aldarrikapena einddou!
Mobilizaziñoik jarraitxu eingo dabe helburuk lortu arte eta bertan mobilizaziñoin parte hartu daben jentik erabakitxe: astelehenero 12:00etan alamedan batzi erabaki de!
Pentsionistak, jubilauk, alargunak…. BURRUKAN!
Eskubide sozialak, Lan mundu atalean
