ESKALADA ESKOLI 2020-2021 ikasturti
2020-2021 ETXELILAn Ikasturteko Programaziñoi
Emakumintzako Jabekuntza Eskoli + Eztabaidagune feministi + Parte hartze gunik + erakusketak
Etxita allako gatzuen liburuxka hau Etxelila Emakumin Topalekun 2020-2021 ikasturteko programaziñoi de. Aurten, egoera barrixan aurrin, berritute gatoz geu be. Ixan be, ohiko Emakumintzako Jabekuntza Eskoliaz gain, Eztabaida Gune Feministi be eukikou Etxelilan.
Emakumintzako Jabekuntza Eskolako IKASTARUTAN apuntatzeko epi baixaku honetan (urriak 2) zabalduko da!!! Ixena emoteko matrikuli fitxa bete eta ordainketa ein bihir de. Goxetan, Udal Diru-Bilketa bulegun (Kantoipe 3an) etxeko aukeri eongo da, eta arratsalditan, Etxelilan (Artibai 3, goiko pisun). Matrikuli ez da onartuko matrikula fitxa bete eta ikastaru ordaindu arte. Eta behin matrikuli einde, baja emonaz gero, ez da dirurik itzuliko.
Geure buruk eta elkar zaintzi dagokigu, eta horreatxik, momentu bakoitzin indarrin dazen neurrixak hartu beharko diz.
Momentuko aforun mugak errespetatu beharko diz; horreatxik, hitzaldi eta tailer irekietara ordurako etortzi eskatzen dotzuau, eta aforu betetzen bada, errespetatzi.
Bestetik, beharrezku danin, egoerin arabera baloratu eta jakinaraziko diz ein beharreko moldaketak. Aurrez aurreko jarduerak ezingo balitxake ein, era telematikun eta plataforma digitalin bitartez eskaintzen saiatuko ga, posible dan kasutan.
ALDAKETA GARRANTZITSU: Egueldi eskasa dala ta Urriak 3 ko TONTORRAMENDIko irteeri atzeatu eindde
Urriak 3 an 650 tontor ekimena atzeratzi erabaki dabe antolatzallik egueldixak okerrea eingo dabelako eta mendi igoerak era segurun etxeko aukeraik ez dalako. Ondarrutarron asmu TONTORRAMENDIre juti zan (mendi xuabi) bañe beste askok zailtasun handixauak euken, beraz.. hurrengokun ixango da. Ekimen honei beire sortutako ilusiñoi, lan izugarrixe eta anima dan herrittar kopuru aintzat hartute, 2021 eko maiatzan 8 re atzeatzi erabaki dabe mendi tontorren igoera historiko hau baldintza egokixetan etxeko aukeri eukikouela ziurtatzeko.
Zapato honetan (U-3) ezingo douenez mendixeta altza, herrixetan elkartzeko deixe luzatu dabe, argazkixak ata eta sare sozialetan ipintxeko. Ondarruko deialdixe Kalekutzeko eskillaretan eguerdiko ordu batetan.
Zapatun geu be TONTORRAMENDIRE guz, ta zeu?
Udaleko EH Bilduko zinegotzixak eta AURRERA ko jokalaxak Urrian 3 an (zapatu) TONTORRAMENDIre juteko deixe eindabe
Hauxe zabaldu dau Ondarruko EH Bildun udaleko taldik:
ONDARRUKO EH BILDUKUK BE TONTORRAMENDIRE GUZ ZAPATUN!
10:30xetan Alamedatik. #IzanBidea
ETXERAKO
ELKARBIZITZARAKO
BAKERAKO
Euskal Preso eta iheslaixak etxea!
AURRERAK.E. futbol taldeko jokalaixak be bat ein dabe zapatuko Tontorramendiko deialdixaz!
Danok ixan bir ga bidi!
Elkarbizitzako bidi, bakeako bidi, etxeako bidi!
Arrantzalin eskubidik defendiutearren langile bat kaleratute!
LAB sindikatuk jakinarazi dabenez, Ondarruko arrantza enpresa batek langile bat kaleratu dau langilin eskubidik defendiutearren. Batez be langile etorkinan eskubidin alde mobilizatzearren emon dala kaleratze hau dinue sindikatutik.
Hamen publiko einddaben idatzixe:
Batzuai grazi handirik eztotze ein salaketa pankarta honek eta hauxe ixan da emaitze.
Urriak 2 (baixaku) POTOTOi omenaldixe Lekatxon
Azkan agurre emongotzau POTOTOi Lekatxon baixakun Urriak 2 arratsaldeko 6 retan Maderas de Lekeitio aurrin (eurixe baleo, Berdura plazan). JUAN LUIS NATXIONDO ARRIZUBIETA gutzako “POTOTO” uztailan amaieran jun zan gure artetik. Lekatxon bixi bañe ingurutako herrixetan ezaune gendun Pototo. Eskuzabala, beti laguntzeko prest. Eskubide sozialan defentsan lelengoko lerrun, nazionaletan militante sutsu, espetxitan dazen kidin askatasunan eskakizunetan tinko. Pertsona lez lagunan lagun. Agur eta ohore POTOTO!
Hamen artxibun topa douzen beran argazki batzuk. Irudixak Ondarrun mobilizaziñoi desberdiñetan atatakuk diz. Faltan botakozatxuau lagun!
TXAPIN junde gure artetik!
JESUS MARI BEDIALAUNETA VERGARA gutzako TXAPINek agur esasku gaur, 76 urteaz. Txikitasunin handixe, baikorra, umorez betetako pertsoni… lagunan lagun. Plazagañeko marmitxakun kipuli doraten maxu, Preso ta Iheslaxan aldeko mobilizaziñoi guztixetan parte, kaleko lagunak beran hutsuni faltan botako dabe, bañe Patxiaz, Imanoleaz, Rafaeleleaz, Mauroaz… honezkeo kantaldiren bat edo beste botatxuz. Ez zatxuau ahaztuko, lagun!
PENTSIONISTAK Alamedan gaur be!
Astelehen bat gexa gaurkuaz, Ondarruko PENTSIONISTAK Alamedan batu diz eguerdiko 12 xetan PENTSIÑOI DUIN BAT eskatzen, gaur 193 lagun kontatxue antolatzallik.
Nahizu ANDRABANDAN jo?
Etxelilak hauxe zabaldu dau:
Perkursiñoi eta ahotsan bitartez emakumeok bistaratzi eta kalik eta eremu publiku geureganatzi helburu dauken talde feministi de Ondarruko Andrabanda Feministi. Eta on, kalitan eta Etxelilan ez ezik, sare sozialetan be bada! Nahiko zeunke Andrabandan jo? Ikasteko eta parte hartzeko aukeri eukikozu udazken honetan, urria eta azaroa bitartin antolatu daben ikastarure gerturatute. Animatu eta etorri parte hartzea!Urriak 17 eta 31, azaroak 14 eta 28 | 10:00 – 14:00 Etxelilan.Informaziñoi gehiagorako eta ikastarun apuntatzeko, galdetu Etxelilan.
ITZIAR GARALDE LARRAÑAGAn irudi eta margolan erakusketi udal aretun
Azken hillabetitan eindako irudi eta margolanan erakusketi zabalduko dau Itziarrek Udal erakusketa aretun Urriak 2 xan (baixaku) illuntzeko 7 retan. Astegunetan arratsaldeko 6 etatik 9 ta, asteburutan eguerdiko 12:00 xetatik 14:00 ta eta arratsaldin 6 tatik 9 zabalik eongo da, prebentziñoi neurrixak hartute noski.
