Antxustegi familixakun bidez jakinddou Bilboko itsas museuk ze errezoi emon dotxuzen txalopi museutik kentzeko.

Museun esanetan, antzeako beste txalopa batzuk be ba eidaz Euskal Herrixan, hobeto zainddute. Antxustegi txalopi, ostea, oso egoera txarrin dala dinue (argazkixetan ikusten da), eta gainea eztaukela balixo artistiko edo etnografiko handirik. Hasierako egur gexenak be aldatute ei daukez. Eta konpontzi oso gatxe ei de.

Baine museuk txalopi erakusketan ipini banin, balixo historiko handixe eukala esaben museuko arduradunak. Eta on, balixu galdu dau? Hoixe da Antxustegi familixakuk galdetzen dabena.

Argi dana da ondarrutarrontzako balixo handiko txalopi dela, herriko egurrezko atunero zaharrena dalako. Hamendik eskatzen dotsau museuai ahalegin bat etxeko txalopi konpondu eta dan lekun eukitxeko! Eta bestelan alternatiban bat eskeintzeko, txalopi zainddu ahal ixateko. Seguro ondarrutarrok be laguntzeko prest egongo gazena.

Ahaztute bazaze be, aurten be ZAPATO AZULE ospatuko dou. Beraz kalendaxun gorriz margotu eta hasi armaxutik mahunezko erropak ataten. Hauxe da aurtengo ZAPATO AZULEko  kartela.

Ondarruko Antxustegi familixik euran bajurako txalopi emotsan Bilboko Itsas Museuai, bertan gordeteko. Urte askun egon da Bilboko Olabeagako portun, eta on museuk erabaki dau handik kentzi, egoera txarrin dalako. Antxustegi familixik, ostea, salatu dau museuk eztabela bir dan morun zainddu txalopi, eta halan dala gaur egun ugarrak janda eta egurrak usteldute. Gure ingurun dakauen egurrezko bajurako txalopaik zaharrenetaiku ixango da Antxustegi, gorde bir dan altxor bat, duda baik.

EH Bilduk be eguaztenin eskari bat sartu ban Gasteizko parlamentun, museuai eskatzeko txalopi ez kentzeko dan lekutik  eta ahal dan ariñen konpontzeko, usteldu aurretik.