Euskal PRESO ta IHESLAXAN aldeko enkarteladak baixakutan!

Ez darua kontoik noiz hasi giñan kalea urteten baixakutan herriko PRESO ta IHESLAXAN alde. Len umik zinak on gaztik diz, len gaztik giñanak on helduk gaz ta len helduk zinak gaur asko eztaz, bañe hor jarraitzen dou baixakuko enkarteladakin, gaur be hor eongo gaz arratsaldeko 7:30 tan Alde zaharretik urtengo daben enkarteladan, ikurriñan eta gure herrixan falta dizen kidin atzetik. Ta zu?

JO TA KE DAN DANAK ETXERATU ARTE!

ELKARTASUN zozketi!

Atzo goxetik hasi eta eguerdirarte egon zin kalekutzeko eskillaretan ELKARTASUN zozketako boletuk saltzen, irabazlik otzara eder bat etxeratzeko. Zer helburuaz? kartzelan eta ihesin dazen herrikidiai laguntza ekonomiku lortzeko. Azpixan agertzen dan zenbakixe daukenai, Zoixonak!

Otsailak 20 (domeki) konzentraziñoi Alamedan, MIKEL ETXEA!

ETXERAT ek (Preso ta Iheslaxan senidik) jakiñarazi daben lez, MIKEL OTEGI euskal presuai birikixetako tuberkulosise diagnostikatze. Lendik be larri dazen euskal presun zerrendan euan sailkatute Itsasondoko euskal preso politiku, urgentzixaz erun ben Iruñako ospitalea ta bertan ingresata geatu de.

MIKEL eta larri gaxoik dazen presuk ETXEA! ekarri birdouzela aldarrikatzeko, ongoxe domekan (Otsailak 20) elkarretaratzi eingou Alamedan eguerdiko ordu batetan. DANAK ETXEA!

MIRENTXINen beharra amatxu de!

EUSKAL PRESO POLITIKUK Euskal Herrire hurreatzen duzen heinin, MIRENTXIN furgonetan eta bolondresan beharra amaitxutzat emon dabe ta hori dala ta, ETXERATek (PRESO ta IHESLAI POLITIKUN SENIDE eta LAGUNEN ELKARTI) idatzi hau ata dau ekimen honetan parte hartu daben guztiai esker ona emoteko:

Mirentxinen parte hartu dugun pertsona denok, senideek pairatzen zenuten egoera gogorraren aurrean, elkartasuna era aktibo baten gauzatu behar genuela erabaki genuen.

Urte guzti hauetan, argi izan dugu, guretzat protagonista nagusiak presoen senide eta lagunak izan zaretela, eta bereziki, seme-alaba, senar-emazte zein gurasoak.

Zuen duintasuna eta kemena ezinbestekoak izan dira guretzat gau ilunenei aurre egin ahal izateko edo eta bazkal ondorengo eguzki distirek eragin diguten logalea alde batera uzteko.

Horrez gain, beti izango dugu gogoan bidaia luze hauetan nola zaindu gaituzuen; besteak beste, etxean egindako tortila, bizkotxoa eta kafe goxoa eskainiz. Zuekin izandako solasaldi luze bezain sakonak ere, betirako izango ditugu oroimenean, bidaia luzeek hizketaldi luzeak egiteko tartea eskaintzen baitziguten: kartzela barruko egoeraz, marrazki bizidunez, eskola edo laneko kontuez, kirolaz, parrandaz, musikaz edo baita istorio pertsonalez ere.

Gure artean betirako iraungo duen konplizidade bat sortu da kilometroz kilometro, eta zuentzako lagungarria izan den bitarteko bat sortu eta mantendu ahal izateak, benetan bete gaitu.

Badirudi guretzat azken bidaia heldu dela eta gure desiorik sakon eta indartsuena helarazi nahi dizuegu, gurearen bukaera heldu den bezala, zuentzat ere, azken bidaia laster hel dadin.

Etxean nahi ditugu, zuen alboan.

ONDARRUko herrixan lagun askok hartu dabe parte proiektu honetan era batea edo bestea (Furgonak erosteko zozketak antolatzen, Furgonak erosteko sardiñak erreten, Furgonako txoferrak ixaten, batzarrak antolatzen…) ta guk argazki bidez jasoteko aukeri euki dou.

DANOK KALEA! DANAK ETXEA!

Euskal presun eta iheslaxan eskubidik aldarrikatzeko, Baxona eta Hego Euskal Herriko 200 herrixetan mobilizaziñoik eingo douz gaur. Urteroko irudirik (Bilbon) ikusteko aukeraik ez dou eukiko aurten be Covid 19 dala ta, bañe kalin eongo gazela argi dakau. Ondarruko hitzordu Zaldupeko zubixan, arratsaldeko 5 etan, ixango da.

Bidi etxen guz, etxetik gerua ta hurria daz, len eurak ikusteko astero millaka kilometro etxen genduzen, gaur ehundaka etxen douz bañe DANAK ETXIN ikusi arte GUK eztou errieik emongo, eta ZUK?

Imanol Miner Villanuevan urtebetetze egune! Zoixonak!

Urte barrixe hasiaz batea Imanol Miner Villanuevak urtik beteten dotxuz gaur (46)! Turrunetik zoixonak emon eta besarkadaik estuena nahi dotsau bixaldu El Duesoko espetxea! Badakiau gaur bisitxa berezixe daukena, disfruta!

19 urte kartzelan, nahikurela ereisten gazku. Hurrengo urtebetetzi Hernani eta Ondarruko kalitan ospatzeko inddarrez jarraitxuko dou burrukan! DANAK ETXEA ekarri arte Jo Ta Ke!