Herri mugimenduk

Lanaren eta enpleguaren bidezko banaketa

turrune

2629984687_6ffc90fdbdEtxeko eta zaintza lanen banaketa feminismoaren aspaldiko aldarrikapena da. Aurrerapausoak eman badira ere, oraindik emakumeon ardura eta betebeharra dela barneratuta dago. Emakumeoi dagokigu umeak eta gaixoak zaintzea. Osasun arlo profesionaletatik kanpo zaintza lanak egiten dituzten 10 pertsonetatik 7 emakumeak dira, gehienak gaixoaren edo ezinduaren alabak.

Kasu gehienetan, emakumeak zaintzera behartuta gaude, ez dago beste aukerarik. Besteetaz arduratzea emakumeon berezko ezaugarria dela pentsatzen duen jendartean bizi gara. Adibidez, ama-senak hori indartzen du. Nolabait emakumeok umeak zaintzeko egokiagoak garela. Emakume gisa errealizatzeko umeak izan behar ditugula.

Irakurtzen jarraitu →

Badator korrika Ondarrure…

turrune
Hamen dakazuez Korrikan inguruko ekimenak Ondarrun. Gitxi falta da, eta hasi berotzen!
• martxoan, KORRIKA DENDA ZABALIK! (hilan 23ra arte). Kantxope errebueltan (lehenako Arriolaneko dendan)

• martxoak 13, eguaztena, 18:30 kofrai zaharreko bigarren pisun. HITZALDI-MUSIKATUA: euskal kantugintza berriaren historia. Andoni Tolosa (Morau)-n eskutik.
• martxoak 15 arratsaldean, kilometroen zozketa (zeinek lekuku nun hartu), korrika dendan
• martxoak 17 korrika txiki eguna
11:30 korrika txikixe Kamiñazpitxik
12:00 Musika Plazan: jolasak, dantzak, bertsuk, kantak…
19:30 gazta zati bat soinu banda (xabi solano, dz, keu…) Kafe Antzokixan. Sarreri aurretik: 8 euro (Zurrumurru eta Kafe Antzokixan)
• Martxoak 23, goxeko 7:45 Azkartzatik Korrika sartuko da Ondarrure (9:05 aldea Katetxin laga)
· Gaztetxin be gauzak egongo diz, bañe konfirmateko daz ondiokan.
img_00021

Martxoak 8. Gora Euskal Herri FEMINISTA!

turrune

BEwPXTHCcAAeXGAPertsona askez osatutako mundu bat nahi douelako, bardinttasune oinarri dauken jendarte bat nahi douelako, patriarkatuk ezartzen dozkuzen katik apurtu nahi douzelako, Euskal Herri euskaldun, sozialista eta feminista bat dakauelako helburu… Iraultzi ezinbestin feministi ixan bir de! Lan asko dakau eitteko, etxetik hasitxe, bazterrak astinddu! Gora borroka feminista! Gora Euskal Herri Feminista!!

Zapatun ikastaru Ondarrun: Sentitu, pentsatu, ekin eta mugitu feminismoan

turrune
Irakasleak: Ana Revuelta Andres eta Edurne Epelde Pagola (Euskal Herriko Bilgune feminista eta Emagineko kideak) 
Feminismoan trebatzeko ikastaro honen bidez, jarrera feminista zer den definitzen saiatu nahi dugu. Gure buruaren jabe izateak zer adierazpen hartzen dituen, zenbait kontraesani aurre egiten diogun feminismoan murgiltzeko hautua egiten dugunean. Ikastaro honetan gorputzari eta mugimenduari garrantzi berezia eman nahi diogu, eta burua eta arrazoia bezainbeste landu nahi ditugu gorputza eta emozioak. Feminismoaren ardatza gorputza delako, gure askapen borrokak gorputzetik abiatzen direlako.
8 ordu. 4 orduko 2 saio.
Egutegia: zapatuetan, otsailak 23 eta martxoak 2
Ordutegia: 10.00etatik 14.00etara.
Matrikula: 5€ (2,5€: 20 urtetik beherako andra gazteentzat)
Tfnoa.: 94 683 36 70
539055_347874128628128_1430372500_n

San balentin egunin… maitasun osasuntsun alde dantzan!

turrune

MAITASUN OSASUNTSUAK BIZIPOZTEN GAITU
Otsailaren 14an san valentin egunak hartu duen itxura kontsumista eta matxistaren aurrean, mundu mailako iniziatiba bat zabaldu dute hainbat emakumek. Maitasun erromantikoak hiltzen gaituela eta, maitasun harreman osasuntsu eta errespetuzkoen aldeko dantza saioak egin dituzte non nahi. Ondarrun ere, emakume talde bat iniziatiba horretara atxikitu eta euren dantza saioa egin dute mundu mailako koreografia eta kantari jarraituz. Ondarrutar izatea ere erantsi die, maunezko erropak eta euskal dantza zati bat gehituz koreografiari. Iniziatiba osoaren berri ondoko web orrian aurki dezakezu;  www.onebillionrising.org