Jaxai begire herriko txosna ezberdiñak montaketa lanetan hasitxe daz, gaur arratsaldin adibidez Kafeko atzeku guz montatea. Auzolanan bidez ataten diz aurrea herriko jaxak eta horretako esko asko bihir ixaten diz. Animaten bazaze gaur arratsaldin hurreatu Kafeko atzea arratsaldeko 4 ak aldea! Danon artin eingou!
Abuztun sartu gaz eta motorrak berotzen hasi gaz PLAZAGAÑIn ingurun. Montaje egune dala, garbitxasun egune, txandak beteten…danon partaidetziaz atakou aurten be gure jantokixe. Atun erri, sardiñak, entsaladak, marmitxakuk…jateko prest egoten gaz danok ta hori aurrea atateko pillo bat lagunek botaten dabe esko bat. Hurreatu zeube laguntzea azpixan dakazue auzolaneko egitarau.
MARABILLI 6ren AURKEZPENA Pandemixik eragindako etenaldixe eta gero badator osteabe Marabilli Festibala Ondarrure. Marabilli festibalak sormenin jartzen dau arreti, sormenan fase desberdinetan. Ez da bakarrik amatxutako lana erakusti, prozesuaz be berba etxen da. Horrek etxen dau berezxei jaialdi hau, sortzailik euran kezkak, zalantzak, pozak partekatzen dituzte berta datozenakin. Eta gero, jakiñe, emaitzan gozamena da: hitzaldixak, kontzertuk, zini, antzerkixe…
Marabilli ez da jaialdi profesionala, irabazi asmoik gabeku baño. Antolatzen douenok herriaxn eta kulturin alde lan etxn dou, gure helburu espiritu kritiku sortzi de. Marabillik Ondarruko herrixaz lotura estu dauke. Ez diz soilik famako diren sortzailik gonbidatzen (horrek be bai), herritarren leku dauke haien sormena landu eta azaltzeko eta herriko elkarte, kolektibo eta banako guztixak gonbidatzen dou horreta, euran arti libreki eta irudimenez azal dezatela.
Aurtengo Marabilli ixango da Festibal formatun eingo dan azkana. Euskerik eta emakumik eukiko dabe presentzixa nausixe, eta Queer munduai be keinu bat einde. Sei ediziñoi hauetan nazioartin eta Euskal Herrixan puntako dizen egilik ekarri douz Ondarrure (zerrendi ikusgarrixe da) eta herrixak magixaz erantzun dau. Etorkizunin ekintzak ez diz mugatuko asteburu batea, denboran barreiatute jungo diz. Aurkezpenin aurtengo programi aurkeztuko dou.
Gure ahalegin guztik egingo dou azkan Marabilli Festibal hau berezixe eta partehartzaili ixan dadin. Mundu barri bat (eta politxe) daruauelako bixotzin, gora Marabilli!
Antolatzallik aspaldi daz hasitxe aurtengo PLAZAGAÑEko biharrakin. Atzeko lan asko ein biharra egoten da Plazagañi aurrrea atateko, urtero egoten dizen aldaketak zuzendu beharra, zein hobekuntza ein birdan aztertu, mateixalan kontaketak, baimenak eta abar. Aurtengo lelengoko deialdixe be hamen da, ongoxe zapatun (uztailak 15) goxeko 9 xetan Plazagañin batuko gaz barruko gelak preparateko. Hurreatu esko bat botatea!
Uztailan 3 an TOURe herritxik pasako da ta hori dala ta koloreztatu daigun gure balkoik eta leihuk gure ikurraz!! Herri bat gazelako eta erabakitxeko eskubidi dakauelako, ipini IKURRIÑE danan bistan. Ta ez badakazu ikurriñik etxin eskuratu KURIKE dendan bost euron trukin.
Ondarruko GURE ESKUk hainbat ekimen prestatu dotxu EUSKAL HERRIXAK ERABAKI! kanpañin barrun. Hasteko, Ekainan 22 xan (eguena) arratsaldin Alde Zaharrin GURE ESKUko furgoneti eongo da euran mateixalan salmenti etxen. Ekainak 24 an (zapatu) eguerdiko 12 xetan bizikleta kalejiri antolatu dabe ume ta nausixantzako ikurriñak lepun hartute Kamiñazpitxik- Alameda, bittartin Alamedan txosni eongo da, kamisetak, globuk , pegatinak..saltzen. Ta Uztailak 3an (astelehena) TOURe pasako da herritxik eta Danok ikurriñakin kalea urteti proposatu dabe, Gure mallota, IKURRIÑE!
Ekainan 28 xan ospatzen da mundu guztin SEXU ASKAPENAREN NAZIOARTEKO EGUNE ta horreaz egunaz lotute herrixan hainbat ekimen eingo diz. Beheko kartelin dakazue egitarau osu, ipuin kontalaxak, mahai inguru, poteu….Ospakizune ta borroki uztartuz mundu aske baten ametstu!
10 urte bete diz, 2013ko maiatzak 10 in hasi eta 15a bittartin burutu zala HERRI HARRESIXE deitxu gentzan herri mobilizaziñoi erraldoiai. Kartzelak hustutzeko sasoi zala pentsaten gendun eta konponbide garaixe martxan jarri birzala sinistute hasi gendun borroka ekimen berezixe, helburu bakarraz, URTZA ALKORTAn atxilotzi saihesti.
Eta ONDARRUko herrixak erantzun bikaine emotzan, egunez ta gabaz, Alamedan batu giñan ASKE GUNIn pilla bat herrittar, kanpaleku antolatu gendun, kantaldixak prestatu genduzen, jolasak, dantza saiuk ein zin, jantokixe antolatu zan herrittarran ekarpenakin, prentsa bulego bizixe monta zan (sare sozialan jaun eta jabe ixan giñan (twitter, facebook..), millaka argazki eta bideo ata genduzen)…
Eskualdeko jenti hurreatu zan babesa emotea, sindikatutako zuzendaritzak hurreatu zin ekimenaz bat etxea, Euskal Herri osotik etorritxako abeslaixak, bertsolaixak… bat eiben geuaz.
6 egunez egon giñan, 117 ordu, hotza ta eurixe , euzkixe… bañe ez ga damutu ein gendunaz eta osteabe eingo genduke.
Jakiñmiñe geunkan nundik noruntz ixango zan IBILALDIko ibilbidi eta gunik, eta tzast, halako baten argitxu doskuz, ta zeuek be jakitun egoteko argitaratzen dou.
Horreaz batea egitarau osu be argitaratu dabe. Egun ederra pasateko falta gazkun bakarra, egueldixan laguntzi de, ia suerti dakauen!
Turrune! 