Feminismu

ETXELILAK badauke abestixe!

turrune

Etxelila Ondarruko emakumin topalekun 5. urteurrena ontxe-ontxe pasata, gaur altza dabe sarea “ETXELILA” ixeneko abestixe! Urteurreneko ekitaldixan ein ben abestixan zuzeneko aurkezpen akustiku. Entzun, altza bolumena eta askatu gerrixak!

Hauxe da sarin, abestixaz batea zabaldu daben mezu:

[ETXELILA ABESTIA]

Orain dela bost urte sortu zen Etxelila Emakumin Topaleku, mugimendu feministaren, emakume elkarteen eta udalaren lanari esker. Eskerrak eman nahi dizkizuegu hau erein eta hazi duzuen guztioi, nolabait proiektuaren parte izan zaretenoi eta proiektuari bizia jarri diozuenoi. Espazio goxo, seguru eta eder bat sortu dugu zuei esker; konplizitatetik, ahizpatasunetik eta zaintzatik. Plazer bat izan da, plazer bat zarete. Eskerrik asko!

Hori dela eta, egindako ibilbideari musika eta hitzak jarri dizkiogu elkarrekin buruak, hankak eta eskuak mugitzeko asmoz. Azalera taldeak sortu du abestia, Nerea Larrinagaren, Goretti Serranoren eta Alba Idoiagabeitiaren kolaborazioekin, eta Uxue Alberdi Estibaritzek jarri dio letra. Igo bolumena eta askatu gerriak, hau da ‘Etxelila’ abestia!

Abendun 14 (baixaku) ETXELILAn bosgarren urteurrenan ospakizune

turrune

abenduak 14 etxelilan 5. urteurrena

2013an martxan ipini zan Etxelilan proiektu, herriko mugimendu feministin eskaeriai erantzunez, beraz aurten 5. urteurrena beteten da eta hori ospatzeko jaialdixe antolatu dabe. ETXELILAk bixitxa oparu euki dau urte hauetan (TURRUNE testigu), hitzaldixak, erakusketak, ikastaruk,…..herriko emakume askoren tokixe bihurtu de berau.

Jaialdixan egitarau : Andrabanda batukada feministik emongotza hasieri  eta Beatriz Egizabal Ollokiegi klownak eingo dotxu aurkezle lanak. Egun horretako abestixe sortu daben Azalera taldeko Lorea Zulaika Arriagak, Susunkordan taldeko Goretti Serrano Akarregik eta Nerea Larrinaga Sanchezek kontzertu akustiku eskainiko dabe, eta Amaia Cabero Saizar dantzaixe eongo da ostin. Jaialdixan tzir, herriko emakume talde eta mugimendu feministako kidik be hartuko dabe berbi, eta tarte guzti horretan Artestura Feministan erakusketi ikusteko aukeri eongo da.

Ezautzen dozu SILVIA FEDERICIn lana?

turrune

SILVIA FEDERICCI

Azarun 16 xan eta 23 an Silvia federici ekintzaile feministin lana ezautzeko aukeri eukikou  Etxelilan, Amaia Astobiza Uriarten eskutik.
Horretako, ‘Soldataren patriarkatua’ (Katakrak, 2017) liburu erabiliko dau. . Bertan ikusten da zelan hasierako urte haietan plazaratutako kontzeptuai esker eztabaidatzen dan on hainbat gairi buruz, feminismun barrun (etxeko andrin sorreri, zaintza lanan krisise, amatasun eredu barrixak…). Era berin feminismutik marxismure eindako kritikak ezautzeko aukeri eongo da.

Emon ixena eta animatu!

Urriak 23 (martitzena) ARINGAINGAN aurkezpena Etxelilan

turrune

Aringaingan

Kirola boteretzeko tresnatzat hartute, parte-hartze gune honek emakumin ahalduntzi bultzatuko dau gorputz mugimendun bitxartez. Alde batetik, koordinaziñoi, oreki, erresistentzixi, indarra, bizkortasune, malgutasune, norbere gorputzan ezagueri, mugimendu gaitasunak… landuko diz. Bestetik, emakumik espazio pribatutik publikoa irtetea bultzatuko dotxu, partaidin arteko harremanak eratzi ahalbidetuz, erraztuz eta indartuz.

Gune honetan parte hartzeko ez da ezinbesteku maila jakin bat izati. Edozeinek hartu dezake parte, irekixe da, eta entrenamendu pertsonalizatuk eskainiko diz dinamizatzailin eskutik. Animatu!!!

AURKEZPENA: Urriak 23, 19:00etan Etxelilan