Aisialdixe

Regueibertso ekitaldixan irudixak

2017/05/02turrune

Domekan Galiziko regueifak entzun genduzen Ondarrun. Galiziko ikasle batzuk eta euran irakaslik etorri zin Ondarrure, herrixe ezautu eta regueifak kantatea (bertso inprobisauk, galizieraz). Eurakin batea etorri zin Arratixako institutuko ikaslik, bertso eskolan dabizenak.
Ondarruko bertsolaritzako ikaslik ongi etorrixe emotzen Kofrai zaharrin, euskerazko regueifak kantata. Ondarrun bixi dizen galleguk be urreatu zin Kofraire.
Gero Ondarruko kalik ezautu zitxuezen, eta Ondarruko gallegun histoixi be bai: Ondarrure 700 gallego etorri zile biharrea, Ondarrun zer dan “enbarka peixe”… Tartin barre etxeko esketxak be ikusi zitxuezen.
Momento hunkigarrixak be egon zin: Ondarrun 60 urtin bixi dan gallego batek, beran histoixi kontatzen, zelan hasi zan itsosun biharrin 8 urteaz, eta zelan aila zan ondarrure 14 urteaz.
Eguerdixan Casa de Galician bazkaldu ben Galiziko eta Arratixako ikaslik, Ondarrun bixi dizen gallegukin batea. Eta giro ederra sortu zan: regueifak, bertsuk, Galiziko eta Euskal Herriko kantak…
Hamentxe bideun ahal dozue ikusi egunan laburpen bat:

Udal musika eskolin entzunaldi didaktikuk (Maiatzin)

Irudia 2017/05/02turrune

Unanuen ekintzak maxatzin

Apirilak 30 (domeki) MIREN GORROTXATEGI idazli Arrigorri ostatun

2017/04/29turrune

ORRIGORRI ekimenan barrun bixar MIREN GORROTXATEGI idazli eongo da Arrigorri ostatun. Gogoratu 11:00tan hasiko dala ta irakurti gustaten gakuen danai dala zabalik.

orrigorri

Ondarruko GAZTETXIn 13+14= 27. Urteurrena

2017/04/272017/04/27turrune

27. urteurrena ospatzeko Ondarruko gazte asanbladik apirilak amaierako ta maxatz osurako presta daben egitaraun aurkezpen prentsaurreku eta ekintzan kartela.

GAZTETXIk 27 urte 2

Apirilak 30 (domeki) Regueibertso herrixan tzir. “Hizkuntzik etxen gatxu, No caminho da lingua”

Irudia 2017/04/262017/04/25turrune

apirilak 30 bertsolai galleguk

Apirilak 24 (astelehena) hitzaldixe Beikozinin: Kantabriar mendikateko HARTZAK

Irudia 2017/04/17turrune

2017-04-24 Hitzaldixe BEIKOZININ

Apirilak 14 (baixaku) II. Zahar Berri AZOKI kantxope errebueltan

Irudia 2017/04/12turrune

APIRILAK 14 II. HERI AZOKI

Apirilak 29 (zapatu) ESKILANTXARRI SUP RACE 2017

Irudia 2017/04/092017/04/07turrune

sup race lasterketako kartela apirilak 29

Apirilak 8 (zapatu) KONPOST egune

2017/04/082017/04/07turrune

Urtin tzir Ondarrutar askok etxin jaso ixan douzen organikun etekiñakin eindako konposta banatuko da zapatun Alamedan eguerdiko 13:00tan. Horreaz batea tomate landarak be ahalko douz erun etxea.

APIRILAK 8 konpost egune

HARA! taldin diskun aurkezpena BILBOn

2017/04/072017/04/07turrune

HARA! Musika taldik beran lelengoko disku aurkeztu ban atzo Bilboko Erronda kalin dan BIBA antzokixan. 7 kantaz dator “Adikzioak, minak eta desirak” euran disko barrixe (AGIAN/ OLIBONDOAK/ AZKEN ARGIA ITZALTZEAN/ ZURRUPATZEN/ EZEZAGUNA/ HIZTEGI MUTUAK/ KITZIKAN).

Hara! taldi (2016ko martxoa, Ondarroa) hirukote ondarrutarra da (Gorka Ruiz Etxano “Epi” bateixi, Julen de Diego Arrizabalaga baxu eta Jon Kirru Iparragirre gitarri eta ahotsak). Ez diz musikari barrixak, besteak beste Keike, Xarma… talditan jo ixan dabe. Hara! taldin estreinako disku 2016ko urrixan grabatu dau Axular Arizmendik Mutrikuko AME Estudixutan. Masterizaziñoi Estanis Elorzak ein dau Donostiko Doctor Master estudixutan. Keu Agirretxek (UEK), “Agian” abestixan amaierako gitarra konponketi ein dau. Juan Sangrek (Governors) “Hiztegi Mutuak” abestixan ahotsa sartu dau. Garoa Arizmendik, “Azken Argia Itzaltzean” abestixan kantatu dau. Aritz Sagarmendik, “Azken Argia Itzaltzean” abestixan baxu jo dau. Diseinu Andere Etxegarai Zubiaurrek egin dau eta argazkixak Josu Trueba Leivak.

Hara! taldin lelengoko disku (Adikzioak, minak eta desirak), hara nolakoa dan: inddarra melodixiaz uztartzen danin Hara! dakau. Rock trinkun ezaugarrixe. Rock itxura sakona, askotan zikiñe, gogorra eta latza.

Hara! rockaren itsaso zakarrin jaxotako taldi de, batzutan hard, bestitan core, grunje eta punk zertzelak, bortitz eta gehixenetan melodiaz lepo. Musikin oinarrixetan garraztasuna agertzen dau Hara! taldik kantetan, eta gero ahotsan melodixakin zipriztindu ondoren zapore mikatzak desagerrarazten dotxu, bañe euskarrixan trinkotasune galdu baik. Hara! taldin abestixak gogorretik daukena melodixetan kontrapuntu jarritxe amaitzen diz.