Atzo urten ban Altsasuko gaztin kontrako sententzixik. 2 urtetik 13 urte bitxarteko zigorrak emotzez montaje polizial, mediatiko eta politiko baten ondorixoz urte bat baino gexaua bahitxute dakarrezen gaztiai!
Hau montaje guzti salatzeko eta ABSOLUZIÑOI ez dan beste epairik ez douela onartuko argi lagateko, KONTZENTRAZIÑOI deitxu dabe Ondarrun!
ITZALAK talde Ondarrutarran kontzertu egongo da Markiñako Uhagoneko terrazan.
EKAINAK 2, ZAPATU 20:00etan
Maiatzak 26 zapatu pentsiñoi duinan aldeko manifan parte hartzea deitu dabe Lea Artibai eta Busturiako hainbat herrixetako pentsionistak martxan eta LAB Helduak-eko kidik atzo eman gendun prentsaurrekun.
Astelehenero, herriz herri, manifestazioak antolatzen gabiltzenak bi eskualdeetan atzo batu ginen Ondarroan larunbateko manifestazioari bultzada emateko. Gernika-Lumo, Ondarru, Foru, Natxitua, Mutriku, Aulesti eta Lekeitioko kideak manifestazioak duen garrantzia azaldu eta mobilizatzen jarraituko dugula adierazi genuen.
Azken asteotako elkarretaratze jendetsun ostin, aldarrikapenak kalea atako dou. Eta herritar guztik deitu nahi dou protestetan parte hartzea. Ixan be, pentsiñoi duin publikun gaxe ez dagokie bakarrik pentsiodunai bakarrik, jendarte osuai baizik. “Danon arduri de, eta guztioi eragiten dosku. Gaztiauan etorkizune be jokun da”, azaldu dau Joxe Felix Agilera LAB Helduak-en eta Pentsionistak Martxan-eko Bizkaiko koordinatzailik.
Mobilizaziñoin eskaera nagusixe Europako Gutun Sozialak ipinitxako 1.080 euroko gutxiengo pentsiñoi bermatzi baldin bada be, horreaz batea beste bi eskari egingo douz: alde batetik, %0,25eko “igoera ziztrinan” ordez pentsiñoik KPIaren arabera altzati eta beste alde batetik azkenaldiko erreformak deuseztatzi aldarrikatuko dou kalerik kale.
Hainbat herrixetan autobusak antolatu dotxue manifestaziñoire juteko.
Ixena emoteko lekuk eta irteera ordutegxiak:
* Aulesti. Ubilla taberna. 16:30ean, Herriko Plazatik.
* Lekeitio. Jubilatuen elkartea. 16:15ean, San Andres auzotik.
* Mutriku. Anaiarte Biltokia. 10:45ean, Goiko biribilgunetik.
* Ondarroa. Antiguako Ama jubilatuen elkartea. 16:00etan, Ondarroako portutik (Kamiñazpin ere egingo du geldialdia).
LAB Helduak eta Pentsionista martxanetik mundu guztixai manifestaziñoin parte hartzeko gonbidapena luzatu nahi dotzau.
Gaurko borroki, bixarko garaipena
Badator urtero latxeik gaztetxeko urteurrena!
Ospakizunak aurreko asteburun hasi bazin be, urteurren egune ongoxe astin ixango da, gazte asanbladako kidik antolatute.
Karro-poteuaz hasi, gazte bazkaxe(apunta anaita ero gaztetxin), kantaldixe, karro-poteun jarraipena eta egunai amaieri emoteko kontzertu eta musika jartzaili eukiko douz!
Anima eta parte hartu! 28 urte ez diz egunero beteten eta!
Asanbladako kidik nabarmendu daben modun, bazkalosteko kantaldixe “THE OIERS” eta gabaz egongo dan kontzertuko taldi “DENA” eta “TIME TO ROOTS” musika jartzaili herritxarrak ixango diz! Herriko gaztin taldik inddartzeko eta herriko taldiai estenatokire altzateko aukeri emoteko!
60 urteko aru amatxute eta etorkizunea begire dakauzen erronkai aurre etxeko SORTUk ekitaldi nazionala antolatu dau Bilboko miribillako aretun, BAIETZA SORTZEN ipini dotse lema modun.
Bilbon (Miribillan), 17:30etan.
🚌 Ondarrutik:
*🕒16:00etan*
*📌ZALDUPETIK*
🗒APUNTA: Kulixkan edo-eta Anaitan.
Konpromiso eta ilusioak eraberritzen!
Hau ERNAIk ata daben bideu gaztiai ekitaldire juteko deixe etxen:
Hilebete eskaz falta danin ekainak 10eko GIZAKATEako Ondarruko Gure Esku Dago motorrak aspaldi berotzen hasitxe egon arren, kanpañin azkanengoko txanpan sartu de!
Ondarrutik 1000 bat lagun inguru juti de helburu momentuz gitxike gitxike jenti apuntaten jun bada be, ondio helburu beteteko jentetxu falta da.
Ondarrutarran kilometruk ERMU eta ZALDIBAR tartin toka diz:
Hamen GIZAKATIN ingurun ata daben bideo informatibu:
Ekainak 10eku gizakate sinple bat baño askoz be gexaua ixango da, Euskal herritxarrok gure etorkizun politikuaz zelan, zeatxik… eta erabakitxeko dakauzen arrazoik mahai gainin ipini eta herritxar libre eta zoixontzuk nahi douela ixan aldarrikatuko dou alkarrei eskutik agarrata!
Arrazoi honek batzeko herriko buzoi guztitxa orri bat aia da, paper hori bete eta bakotxan arrazoi ero aportaziñoiaz herriko leko ezberdinetan banatute dazen buzoitxa botateko aukeri eukiko dou.
Eta honek herrixan agertu dizen pankartak gizakateako deixe etxen:
Bidarteko (Lapurdi) erailketa matxisti salatzeko, gaur 19:00etan KONTZENTRAZIÑOI da deitxute alamedan! NAHIKURE! ERASOIK EZ ERANTZUNIK BAIK!
Hamen gaur arratsaldin Alamedan batu gazen herritxarron irudixe
ZUBI-ZAHAR herri ikastolatik mezu hau jaso dou:
Ikastolako 50.urteurrena dala ta, zapatun, maiatzak 5, ekitaldi bat egingo da Ikastolan 20:00etan. 50 urte honetako irudi, kontakizun,… lengo ikasle, langile, guraso, etabarren eskutik. Amaieran luntxe. Gonbidatute zaze danok. Anima!
IBAN URKIZA Athletic Clubeko prestatzaile fisiko ondarrutarrak “Osasuna eta Kirola” ixeneko hitzaldixe eskainiko dau eguenin, 19:00etan, Kofradia Zaharrin.
Bereziki kirolaxan gurasuai zuzendute dan arren guztixok zaze gonbidatute.
Hauxe kartela eta idatzixe bixaldu doskue LAB etik, zapatun (ap28) 13:00etan eingo dan elkarretaratzin ingurun:
LANEAN BIZIRIK ETA OSASUNTSU
Apirilaren 28an, zapatuan, Lan Osasuneko Nazioarteko eguna izango da. 2017 urtean 56 izan ziren lanean hildako langileak; aurton, urteko lehen lau hileetan 16 dira jadanik lanean bizia utzi duten langileak. Lehenik eta behin eman nahi diegu gure besarkada beroena beraien senide eta lagunei.
Aurton lan istripuek eragindako osasun galera eta heriotak salatzearekin batera, arreta egin nahi dugu laneko gaixotasunetan. Ikusezinak eta ahaztuak izaten jarraitzen dute. Lan istripuek eragindako laneko heriotz bakoitzeko 10 langile hiltzen dira lan gaixotasunagatik, baina, berehalako ondorioak ez dituztenez, behar baino gutxiago deklaratzen dira eta jatorrian dauden arriskuei aurre egiteko beharra alde batera uzten da.
Gaixotasun profesionalak ezkutatzeak zer ikusi handia du bajei loturiko planteamendu ekonomikoekin. Gaixotasuna laneko gaixotasun gisa aitortu ala ez, mutuak ala osasun sistema publikoak, batak ala besteak,hartzen du bere gain. Mutuek kontingentzia profesional gisa ez aitortzeko irizpidearekin dihardute, gaixotasuna artatzea eta hari dagokion prestazio ekonomikoa osasun sistema publikora bideratzeko.
Mutuak dira egoera larri honen erantzuleak, eta patronala, egoeraren onuraduna, gaixotasunen laneko jatorria ukatzea aitzakia bihurtzen baita prebentziorik ez egiteko.
Lanean jarraitu behar dugu lakra sozial honen aurkako borroka egin eta gaurko lan osasuneko ereduaren alternatibak garatzeko. Osasunaren babeserako sistema alternatiboa aldarrikatzen dugu, pertsonen bizitza eta osasuna erdian jarriko dituena.
Apirilaren 28an, Ondarroan Kontzentrazioa egingo dugu 13:00etan Alamedan. Herritar guztiak gonbidatu nahi ditugu parte hartzera, “lanean: bizirik eta osasuntsu” lemapean.
Ondarroan, 2018ko apirilaren 23an
LAB
Turrune! 