Month: maiatza 2022

EULOGIO ALKORTA BADIOLA be jun gazku!

turrune

Aurtengo Maiatzan amaieri eztou errez ahaztuko, atzo Donato agurtu gendun ta gaur EULOGIOi agur esan bitzau (90 urteaz). Monutarra ehuneko ehunin, gixon serixun arpexan atzin dana bixotza, kastaku esatetzau guk. Portun lanin ogibidez, beti esko bat botaten handik kanpun, Zubi-Zahar herri ikastolin sorkuntzan dana emoten, Kresala Kultur Elkartin zuzendaritzan, Antifrankista borrokalaxe (sarekada baten kuarteletik eta gero kartzelatik pasataku), Plazagañeko atun erretzaille ofiziala, Preso ta iheslaxan aldeko ekimen guztixetan kalik apurtzen, parrandetan be atzin ez zana geatzen… Suertez, zure bizipen zati handi bat guaz geatuko da, grabaziñoi bidez jasoteko aukeri euki gendulako. Gorantzixak emon zero zabalin topako dozun lagun guztiai! Agur EULOGIO, faltan botako zatxuau! Senidiai gure besarkadaik estuena!

DONATO LASARTE GARALDE junde gure artetik!

turrune

Toxutar peto petu zan DONATO, baikorra, berritsu, eintzalli, dana emoten bana. Lagun artin gustoa egoten zana, kantati gustoku bana, bazkaldute gero mus partidi jokatzeko beti prest, mendi eta perretxiko zali, maskulo hartzen artisti, solun famau…Saregilli lanbidez, zenbat txikot ibili douen berak ekarritxakuk … herrixan iseitxen zin eta dizen pankartak berai esker diz.

Preso ta iheslaxan aldeko MILITANTE sutsu, zenbat kartzelata jun etorri ein ete dau? Mugi zenbat bidar zeharkatu ete dau kotxi arrañez beteta iheslaxantzako? Astelehenetako preso ta iheslaxan aldeko konzentrako pankarta arduradune, baixakutakun hutsik ez bana etxen… Plazagañin be lelengoko lerrun, AURRERAko harmalletako sarik konpontzen be, hantxe, Udal hauteskunditan zerrendan juteko be prest. TURRUNE egunero jarraitzen bala esan ixazku baten baño gexauatan.

Guk lagun handi bat galdu dou, ezin sinistute gaz gehixa eztouela ikusiko. Besarkadi eta animuk bixaltzen dotzauz etxekuai TURRUNE etxen douenon partetik.

* Ekainak 1 (eguastena) Donatoi agur esangotzau tanatoxun goxeko 11:00 etatik eguerdiko 13:00tak bittartin

Agur LAGUN!

Alamedako PENTSIONISTAK ekiñin!

turrune

Gaur be han ikusi douz herriko PENTSIONISTAK pankartin atzin. 12 xak puntun zabaldu dabe pankarti eta 20 minutun egon diz Alameda erdixan “danon” aldarrikapenak etxen. Gaur 153 lagun batu eidiz enkarteladan esazku antolatzalletako batek.

Beste alde batetik, ekainak 14 an allako da Ondarrure PENTSIONISTAN BIZIKLETA MARTXI eta horren antolakuntzan dabiz on herriko pentsionistak, hori finantzateko boletuk ata diz eta danak saldu eidotxue ta pozik euazen arduradunak.

Ekainak 13tik 25ea Bizikleta martxi PENTSIÑOI DUIÑAN ALDE!

turrune

Hego Euskal Herriko Pentsiodunan Mugimenduk bizikleta martxa bat antolatu dau ekainan 13tik 25ea Hego Euskal Herrixan tzir (Ondarrun be geldialdixe eingo dabe), pentsio duinan aldeko kontzientzixi pizteko eta ilusiñoi zabaltzeko. 1.080 euroko gutxieneko pentsiñoi, zerbitzu publiko ganorazkuk eta zaintza lana partekatzeko eskatzen ibiliko diz bizikleta gañin lau urte baño gexaua borrokan dabizen pentsionistak. Martxi herrire hurreatu ahala honen barri gexa emongo dou.

Ondarruko GAZTETXIn 13+19 urteurrena!

turrune

Zemat belaunaldi pasa dizen Gaztetxetik ba ete daki iñork? 32 urte jun diz gaztik lokal baten beharra eukela konturatu ta batzen hasi zinetik (bi eraikin desbardin euki douz herrixan). Gaur eziñezku ixango litxake herrixan gaztetxek ez egoti, kontzertuk etxeko, jaxak antolatzeko, hitzaldixak emoteko, parrandak botateko… Aurten GAZTETXIn urteurrena ospatzeko egun pasa itzala antolatu dabe ongoxe zapatun (M-28), jolasak engotxue, bazkaxe ta musika kontzertuk. Beste 32 baietz ein!

Maiatzak 28 (zapatu) KANTU KALEJIRI Gure eskuk antolatute!

turrune

Ongoxe zapatun (M-28) eguerdiko 1 etan hasitxe Likona dorrin azpitxik KANTU KALEJIRI antolatu dau Gure eskuk. Kalejiri Ondaru osu zeharkatuko dau eta danok alkarreaz kantateko deixe eindabe. GURE ESKUk ekitaldi barri hau, uztailan 2 xan eingo dan PIRINEOTAKO BIDEA ekimenaz lotute eongo dala ta, gogoratu Ondarrutarrok BIZKARTZE mendixe argiztatuko douela. Euskal kantak gustokuk badozuz, etorri alkarreaz kantatea eta Pirineotako erronkan ixena emon ez badozu, emon ixena lelengotik http://www.gureeskudago.eus web orrialdixin. Zure zain gaz, danon artin etxea guzena handixe da ta!

Gaurko egunez, on dala 47 urte erail ben Koldo Arriola

turrune

1975. urteko Maxatzan 23tik 24re bitxarteko goxaldin institutuko ikasle talde bat kurtso bukaerako afatxatik 34re ixuzela, Guardia Zibilan koartel paretik pasaten zin bitxartin, Guardia Zibil batek Koldo Arriolai koartelea sartzeko aginddu emotzan. Koartel madarikatu horreta sartu eta segundu gitxire entzun zan 19 urteaz Koldoi bixitxi kendutzan tirun soinu. Plastikozko poltsa baten sartu eta zamarran kamioin altza eben Koldo kanposanture. Familixiai ixe argirik esan ez eta handik ordu batzuta lortuben euran semin gorputze etxea eruti…

Etsipen handiko egunak ixan zile esaten dabe testigantzak. Hileti herri guzti txakurrak hartute euala burutu zan, protesta bat edo beste ein zan, Guardia Zibilan kontrako pankarta batzuk be ipiniben herrixan… Futbol partiduk bertan bera laga, herriko denda eta tabernak zarratute egon zin… Orokorrin herri guztik sentiu ban tristura handiko egunak.

Koldon herixotzin ingurun 2010in argitaratutako liburu PDFin eskuragarri da ondorengo lotura honetan: Ondo lotutako hilketa baten istorio beltza bezain sakona .

Koldon lagun, irakasle, herritxarran… sasoi horretako testigantza eta dokumentoz da osatute Imanol Oruemazagak hainbat lagunen alkarlanaz batea argitaratutako lan hau.

Argia aldizkaxan efemeridin atalak gogorarazi dau gaur Koldon herixotzi. Bertan esaten dau Itoiz taldik Hilzori II kanti eskeini dotsanela euran ikaskidi zan koldoi.