Gaur eguerdixan batu diz beste behin Ondarruko pentsionistak Alamedan. Gaur 174 lagun batu dizela esazku antolatzalletako batek, tartin alkati eta zinegotzi bat. Argazkixan ikusten dan latxeik esku orrixan bittartez, kanta be eindabe. Datorren astelehenin be han eongo eidi, Jo ta ke LORTU ARTE! esanaz amatxu dabe.
Ukraniko egoeri hobeto ulertzeko Txente Rekondo nazioarteko analistiaz hitzaldixe antolatu dabe Sortu eta Ernai taldik.
Hitzaldire etorteko aukeraik ez badakazu, zuzenin ikusteko aukeri egongo da TURRUNEko Facebooketik.
Zer da pasaten Ukrainan? Nundik dator gatazka hau?…
🌍🌍🌍🌍🌍🌍
Txente Rekondo nazioarteko analistiaz hitzaldixe.
🗓️Martxoak 14, astelehena
🕖19:00etan
📍Kofrai Zaharreko 2. solairun
Ukraina eta Errusiako gatazki sakonaua ezautzeko eta telebistak esaten doskunetik harutza hausnartzeko aukera ezin hobi!
Hitzaldire ezin bazaz etorri, TURRUNEko Facebooketik zuzenin jarraitzeko aukeri egongo da: https://www.facebook.com/TurruneOndarroa/
Zuzenin gozateko aukeri eukikou Beikozinin martxoan 20an arratsaldeko 20:0etan. HILAK. Album honeaz bueltan dator KEROBIA. Zortzi abestin bidez taldik etorkizun baten bille lurretik urten ben misioetako tripulatzailin istorixi kontaten dau. Kerobia estiloko lana ehuneko ehunin, inor axolagabe utzi nahi ez dabena, letran gordintasunagatik edo samurtasunagatik dala ta, beran musikin soinu urratzaili edo harmonikoengatik dala ta. Disko bat, edozein plataformatako serie bat ixan daitekena.
Datorren astelehenin Beikozinin beste hitzaldi interesgarri bat eukikou JERONIMO LOPEZ MARTINEZ geologun ahotik. Gaxe, aldaketa klimatikun eragiñak izoztutako inguruetan. Gogoratu hitzaldixe arratsaldeko 6:30 tan hasiko dala eta bertaratu ezin bazaze beste aukera bat dakazuela youtuben bittartez ikusteko. Beti lez, gogoratu antolatzalli Zientziaren giltzak elkarti dala.
Pandimixi dala eta bi urteko etenaldixan ostin, martxan da OPORRAK BAKEAN egitasmu Euskal Herri mailan. Ekimen honei esker errefuxiatun kanpamentutan bixi dizen ume saharrarrak Euskal Herrixan uda hobe bat pasateko aukeri eukitxen dabe.
Ondarrun Yaalah elkartik koordinata eta Udalan laguntziaz familixa barrixak lotzeko kanpañi hasi dabe.
Informaziñoi errezteko ekimen bi antolatu dotxuez. Batetik, harrera familixak ixan dizenakin solasaldixe eta alamedan ipiniko daben informaziñoi guni.
Informaziñoi nahi ixan ezkeo elkartiaz harremanetan jarteko aukeri da eta eskuorri honetan agertzen diz datu guztik.
Udalbiltzan “Geureik Sortuak” proiektun parte hartu dau Ondarruko udalak eta bide horretatik dator herrire Metrokoadroka sormen laborategixan “BIDAIDE” antzezlana.
Antzezlana 14 urtetik gorakuntzako ixango da. Sarrerak zozketa bidez ahalko diz lortu eta horretako Turismo bulegun emon bidiz ixenak hillan 12-13 edo 15 in. Martxoak 16 xin jakiñaraziko dabe irabazlin ixenak. Zubi-Zahar herri ikastolako aretun ixango da emanaldixe eta arratsaldeko 7:45 etatik aurrea iraiko diz atik berta sartzeko. Gozatu antzerkixaz!
Honek diz asteburo honetan AURRERA K.E. talde desberdiñak Zaldupe udal futbol zelaxan jokatuko dotxuen partidun egun eta ordutegixak.
Ongo domekan ( M-13) dokumental interesgarri bat ikusteko aukeri eukikou Kofrai Zaharrin 2. solairun arratsaldeko seiretan Z zinezalik taldik antolatute. 87 minutuko iraupenaz, erderaz eta Euskal herrixan eindaku 2021. urtin. Arratsalde pasa etxeko aukera ederra, ziniaz gozatute.
Gaur junde gure artetik KARMELE BIZKAIA 91 urte eukazela, egun berezixin jun be eindde, Emakumin nazioarteko egunin. Gauza asko esango genduke beratxik, emakume konprometitu arlo askotan, Preso ta iheslaxan aldeko mobilizaziñoi guztixetan lelengoko lerrun bardin zan Frantzia aldeko kartzeletako martxetan edo Espainiakutan, herriko mobilizaziñoitxan, kultura arluko mugimendutan Kresalan, Artelanen, karrozak antolatzen… hezkuntza mundun, Zubi Zahar herri ikastolin sorreran, politika mallan, Ezker abertzaleko lan talditan lanin, herri mugimendutan, herri harresixin, gure esku dagon esko bat botaten….beti prest biharreako. Sasoi baten (edadekuk akordako diz) herriko argazki atatzalli, zemat argazki ata daben Karmelek, herriko gertaera guztixetan kamari soñin, ederra artxibu laga dau. Guk, beran onarpenaz ikusteko aukeri euki gendun eta kopixak ataten lagazkun. Ez zatxuau ahaztuko KARMELE! Urri ziñan, dana emoteko prest beti! Betirarte!
Ondarruko Mugimendu Feministik 19:00etan jarri dau elkarretaratzerako hitzordu Alamedan. 17:00etatik aurrea be ekintzak egongo diz bertan.
Turrune! 