Zer dan HAPO galdetukozue askorek. Hiri Antolamenduko Plan Orokorra da eta bertan definiuko da datozen 20 urtitan gure herriko azpiegiturak zelakuk nahi douen ixan, gure ondorenguai laga bitzauen ONDARRU. Hurreatu batzarrea jakinmiñe badakazu eta aportaziñoiren bat ein bazeinke. Gogoratu otsailak 1 eguena arratsaldeko 7retan Kofrai Zarrin.
Zientziaren giltzak elkartik urtarrilleako antolatu daben hitzaldixe astelehenin 29 arratsaldeko 18:30 eingo da. Hizlarixe J. Antonio Lozano Alonso ixango da (matematikaxe eta informatiku)
Mountainbakerun jaxe hamen dator ate joka, ta aurten eon seguru KKz beteta amatxuko dabela. Mendixe laga euan morun da aurtengo mezo nausixe, basaik ez ekarri herrire diñotzau guk hamendik.
Honez gero jakingo zenuten bezala, aurten Zubi Zahar Herri Ikastola ospakizun giroan murgilduta dago, izan ere, 50. urteurrena bete baitu.
Hori aprobetxatuz, memoria apurtxo bat egiteko tartea hartu dugu, eta Olentzero eta Mari Domingi-ren kalejiraren sorrera historia nolakoa izan zen kontatzera gatoz.
1996arte, Olentzeroren Kalejira Amnistiaren aldeko mugimenduak antolatzen zuen, gaur egun egiten duen bezalaxe iluntzeko orduetan. Ekimen hartan garaiko mezu politiko eta sozialak aldarrikatzen ziren orduan ere, Olentzeroren bisita aprobetxatuz.
Orduko Olentzero hura ilunetan joaten zen, barrote artean, eta azkenean erre egiten zen. Horrek ume batzuei beldurra ematen zien, eta beste batzuei ezinegona sortzen zien. Izan ere, ikastolara etortzen zen Olentzero alai eta hurbil hark ez zuen bat egiten kalejiran ikusten zuten Olentzeroren irudiarekin.
Hori guztia ikusirik, ikastolako guraso elkarteak, Pili Kobeaga-ren ideiari jarraituz, Olentzeroren kalejira eguerdian egiteko erabakia hartu zuen, ikastolak berak antolatuta. Aurrez ere umeek urtero jasotzen zuten Olentzeroren bisita ikastola barruan, eta uste zuten, ekimen hura ikastolatik atera eta herriko ume guztientzat egin behar zela, jai giro eta alaitasun artean, magia eta ilusioa zabalduz.
Horrelaxe bada, 1996an izan zen ikastolak Olentzeroren kalejira antolatu zuen lehen aldia. Pertsonaia printzipalaren aktore lana egingo zuena lortzea ez zen lan erraza izan, baina, azkenean Aitor Urkiza, Lapueblan bizi den ondarrutarra, izan zen. Asto batekin atera zen orduan, eta trikitilari, pandero-jole, txistulari eta ume eta gurasoen kantuek alaitu zuten kalejira. Kamiñazpin hasi eta Alamedarainoko ibilaldia egin zuten, eta bukaeran Olentzero Txori Errekaruntz bakarrik joan zen umeek Alamedatik agurtzen zuten bitartean.
Orduz geroztik kalejira eraldatzen joan da 21 urtetan zehar: astoaren ordez kamioian joaten hasi zen, Mari Domingi pertsonaia gehitu zitzaion, batzuetan bertsolarien kantuak alaitu zuten ibilaldia, azkenaldian joaldunek… Eta horrelaxe iritsi gara 2017arte.
Aurten ere jai honetaz gozatzeko gonbidapena luzatu nahi dizuegu guztioi, elkarrekin euskal kultura hedatu eta ohitura zaharrak partekatzen jarraitu nahi dugulako.
Hitzaldixe: Hitzaldixan izenburu berbera dauken ikerketa lanai buruz hitz egingo dosku Jeannek. Beran ikerketak afrikar jatorriko EAEko emakume migratzailingana hurreatzi dauke helburu, erdigunin jarriaz honek, subjektu eta protagonista latxeik ikuskatzeko, baita inguruniaz erlaziñoin kokatzeko be, eskubidin ikuspegitxik. Eraldakuntza sozialeako tresna praktiko latxeik planteaten dau.
Hizlarixe: Jeanne Rolande Dacougna (Doktorea emakumeak, feminismoa eta genero arloetako ikasketa eta ikerketetan)