Urtarrillak 21 eako mendi buelti antolatu dabe AURRERA MENDI TALDEkuk KURUTZEBERRIre (1.155 mt). Animaten bazaze, ANAITASUNA tabernan emon birde ixena hillan 18 baño lehen. Gabonetako jan edanai buelti emoteko aukera ona da hau, etorri zeube!
Urtarrillan 14 tik Otsailak 4 re ‘Basques in Australia’ erakusketi antolatu dau Ondarruko Udalak Euskal Australiar Alkarteaz batea. Gaur, 12:00 xetan eingo da inauguraziñoi ekitaldixe Udal erakusketa aretun eta besteak beste, Australin egondako ondarrutarrak bertaratuko diz. Geu be emigrantik ixan gazelako, etorri ezautzea nundik noa ibili ixan gazen!
Honek ixango diz asteburu honetan Zaldupe udal futbol zelaxan AURRERAko talde desbardiñak jokatuko dotxuen partidun egun eta ordutegixak.
Beste urte batez Yaalah elkartik saharar errefuxiatun kanpamentuta urtero bideratzen dan elkartasun karabanako elikagaixak batuko dotxuez. Bilketak herriko ikastetxitan eta herriko dendetan ixango diz Urtarrilan 15etik 20re.
-Zubi Zahar ikastolan, Zaldupe eskolan eta Institutun: Urtarrilak 15etik 19re sarreretan ipiniko dizen kajetan ahalko diz laga elikagaixak.
-Gainontzeko herritxarrantzako: Urtarrilak 19 (baixako atsaldin) eta 20an (zapato goxin) herriko denda ezberdinetan egongo diz boluntaxuk.
*Herriko dendetako bilketan bolondresak bir dotxuez. Prest bazaz esko bat botateko idatzi/deitxu 615 721 057 telefonure.
SAREARTIN kontzertun barrun antolatu dabe Urtarrillan 27 rako kontzertu hau, LETAGIN eta NEVADAH taldikin Portuko Ranpan. Betiko lez berta juteko sarrerak ALAI tabernan eta KURIKE dendan topako dozue 6 euron trukin, danak ez balitxake salduko bertan egunin takillan 8 eurotan eukikozue.
Udi aparte xamar ikusten dou (egueldi honeaz gexa) bañe di-da baten etorri be eingo da. Egueldi onakin batea uretan saltoka ibiltxeko sasoi be allako da ta herriko gazte ta ez hain gazte KUKAÑA ingurun dzangaraka ikusteko irrikitan ibiliko gaz. Zerta datorren txapa guzti hau? KUKAÑA barrixe aukeratu eta txukuntzen hasi dizelako. Lengu baño luzetxua eidela esazku Trontxok bañe primeran geatuko dala be, baieztatu dosku. Artisauai biharrin laga eta emaitzan zain geatuko gaz gu!
Fresko xamar euala ezin ezkuta ta halan da guzti han ikusi douz gaur be herriko PENTSIONISTAK pankarta atzin. 2024ko Kurtsuai hasieri emotze gaurko konzentraziñoiaz ta 105 lagun batu dizela esazku antolatzalletako batek. 20 minutuz egon diz bertan eta autobus zerbitzu gehitzearren ingurun dazen etxen kanpañin albistik emotxuez. Datorren astin be han eongo eidiz esanaz amatxu dabe egonaldixe. Jo ta Ke LORTU ARTE!
Urteko lelengoko konzentraziñoi eingo dabe gaur (astelehena) herriko PENTSIONISTAK. 12 xak puntun batuko diz Alamedan beste behin pankarta atzin, PENTSIÑOI DUIÑAN ALDE BORROKAN, eskakizunin. Beste alde batetik, siñadurak batzen jarraitzen dabe Galdakaoko ospitxalea eta Bilboa juteko autobus gehixa ipintxearren. Siñatu dozue zeuek? Herriko taberna eta dendetan dakazue siñadura orrixak. Danon artin gauzak lortu geinkezelako batu Borroka!
Urtero lez, Errege Eguneko bertso saiu eukikou gaur eguerdiko 12:00xetan Beikozinin, udalan eskutik eta Bertsutan Ondarruko bertso eskolin laguntziaz. Bertsolai hauek ixango diz oholtza gañea altzako dizenak: Maialen Akizu, Jexuxmari Irazu, Unai Iturriaga eta Garazi Navarro ta gai jartzalle lez Iñaki Lersundi ibiliko da.
Urte barrixaz batea jun gazku GERARDO GARRAMIOLA AGIRRETXEA 81 urte eukazela. Ogibidez arrantzali eta beran pasiñoi DANTZI. Herriko neska mutil askorek euki dou irakasle lez KRESALA DANTZA TALDIn. Beran ahotik ezautu gendun: Banakuk, kabriolak, zortzikuk, kaxarranki, arin ariñe, ezpatadantzi, fandangu, agurre…dantzak eta berbak. Bixotz handiku bañe jenixodune dantzan erakusteko, dantzako pausuk hobetzeko nekaeziñe. Gazte gaztetatik sartu gakon hainkak mobiuteko ezinegona. Zemat atako banda dantzatu daben ezingo genduke konta, eta andriaz (BEGOÑAz) dantza soltin zemat bidar ikusi douen be ezinkontauk ixango litxake, Lagun artin primerako abeslaxe be ixan da GERARDO (Euskal kantak matxe zitxun bereziki). Bagenkixen makal ebillela, kalin behin baño gexauatan topa ixan dou bañe irrifarri ez dau sekule galdu.
TURRUNE etxen douenon partez gure dolumiñak etxekuai eta lagunai. Ez zatxuau errez ahaztuko GERARDO!
GERARDO agurtzeko, zapatun tanatoxun 11:00 tatik 13:00 ak arte. Eta enterru astelehenin Andra Mari elixan arratsaldeko 7 retan.
