Gaur goxin Kalekutzeko eskillaretan mariskada eder bat zozketatzen egon diz KRESALA K.E.ko kidik. Azpixan agertzen dan zenbakixe da irabazli.
Zoixonak irabazliai!!
Martxoak 4 (domeki) MERKATU TXIKIA Alamedan
Bertoku bultzatu bihir douelako, etxe ondun dakauzelako eta denda txikirik baik herrixak hiltxen duzelako, hurreatu MERKATU TXIKIre.
AURRERA K.E. taldin asteburuko partiduk
Honek diz AURRERAko taldik gaur eta bixar jokatuko dotxuen partidun tokixak eta ordutegixak:
Martxoak 3 (zapatu) ekitaldixe monolito aurrin (Alamedan) GASTEIZko sarraskixe gogoratzeko
Behian entzungo dozuena, Lluis Llach abeslari katalanak ‘Campanades a morts’ kanti konposatu ban 1976ko martzun 3an Gasteizko Zaramaga auzun Espainiko Polizixa nazionalak bost langile hil zitxuzenin.
Martxoak 4 (domeki) 29. LITATOIre juteko autobusan ordutegixe
Iñoizko herriko korrikalai kopuroik handixena batuko da aurtengo LILATOIko karreran, 93 emakume Ondarrutar ixan diz euran ixenak emon dabenak aringaingan parte hartzeko. Berta juteko autobuse ata dabe eta nundik eta ze ordutan urtengo daben azaltzen dau azpiko kartelak. Zorte on danoi eta argazkixak zeuen konture ahaztu baik eh!
Ondarruko ahotsak, BIREN
[IRUDIXAK] Ondarru zuri esnatu de!
Gaur behingoz ikusi dou edurre gure herrixan, nabarixe da errepiditako lasaitxasune, eta seguru jente asko biharrea ezin junde geatu dana…
Biharrea, eskola, kalea gixuzela argazki honek ata douz:
Martxoak 1 (eguena) film proiekziñoi Etxelilan: FIGURAS OCULTAS
Filmai buruz: 60ko hamarkada hasieran NASAn lan egin ben hiru emakume zientzialai afroamerikarren inoiz kontatu gabeko istoixi.
Ordutegixe: 17:00etan Leku: Etxelila Antolatzaili: Boga-Boga Elkartea
SAHARAR ERREPUBLIKA ARABIAR DEMOKRATIKUn 42. Urteurrena!
1976ko Otsailak 27 xan El Uali saharar nazio askapen mugimenduko buruzagixak eta herritxarrak SAHARAR ERREPUBLIKA ARABIAR DEMOKRATIKU aldarrikatu ben Bir Lehlunen. Handik ona hainbat eta hainbat eraso eta eskubide urraketa jaso dotxuz saharar herrixak…
Gaur aldarrikapen hortik 42 urtea be, gure posiziñoi garbixe da! Gaur, egun hau ospatu eta Saharar errepublikako banderi ipini dabe Udaletxin Ondarruko Udalak eta Yaalah Elkartik:
Eta hamen lagaten dotsuau Yaalah Elkartik ata daben kartela eta idatzixe egun honen harire:
SAHARAR ERREPUBLIKA ARABIAR DEMOKRATIKOAREN 42.URTEURRENA
Otsailaren 27a ospatzeko, aldarrikatzeko eta salatzeko eguna da aldi berean. Ospatzeko, 42 urte igaro direlako jadanik herrialde Sahararra Saharar Errepublika Arabiar Demokratiko gisa aldarrikatu zenetik. Eta aldarrikatzeko eta salatzeko, historian zehar behin eta berriz Saharar herriak bizi izandako eta oraindik ere bizi dituen zapalkuntzak gogora ekarri behar ditugulako.
Hasteko, Espainiarren kolonizazioa pairatu behar izan zuten.
Ondoren, burujabe nahiz aske izango zirela zirudienean, marokoarrek Hassan II.ak hala aginduta “martxa berdea” burutu zuten, sahararren aske izateko ametsak guztiz zapuztuz.
Martxa honen bidez, Marokoarrek indarra eta errepresioa bidelagun zituztela, 300.000 zibil eta 30.000 soldadu marokoar Sahararren lurraldean sartu ziren. Kanpo aliatuen laguntzaz nahiz Espainiaren jarreraz baliaturik, herri Sahararraren aurkako izugarrizko zapalkuntza burutuz.
Tamalez, milaka eta milaka sahararrek bakea bilatu nahian euren bizitokiak utzi eta Algeriako desertura ihes egin behar izan zuten. Ihesaldi horretan ordea, herritar batzuek ez zuten ihes egiteko aukerarik izan eta ondorioz gaur egun familia desberdinek oraindik ere 2000km baino gehiagoko harresiaz banaturik jarraitzen dute, Marokoarrengandik etengabeko presioa jasoz.
Bizi izandako zapalkuntzaren arrastoak oraindik ere agerian daude. Saharar herritarren zati handi batek desertuan normalizatuegia bilakatu den errefuxiatu egoeran jarraitzen dute oraindik ere, euren lurrak berriz lortzeko esperoan.
GORA SAHARAR ERREPUBLIKA ARABIAR DEMOKRATIKOA! SAHARA ASKATU!🐪🇪🇭🐪🇪🇭
-YAALAH ELKARTEA Ondarroa-
Eta hau Ondarruko udalak Otsailan 22an onartutako adierazpen instituzionala:
Saharar Estatuaren 42.urteurrenari buruzko erakunde-adierazpena
Itsasoratzeko sasoi
Portu aldin ibili bazaze azkanengoko ordutan konturatuko ziñen erbesteko txalopak agertu dizela herrixan. Portosin, Aguiño, Cambados…aldetik datoz, urtero lez. Martzu hurreatzen, berdela usaintzen. Halan da guzti gure zarrak diñue aurten bi kostera batuko dizela zihur, berdela eta antxoi. Datozela, ia ixezkun lakoxik dizen, iñoizko antxoadaik onenetaku ixan zalako.
Turrune! 