EUSKERA PLUS IKASTARU Ondarrun!

EUSKERAZ ez dakixenentzako da ikastaro hau eta debaldeku ixango da. Zeindde Ikastarun helburu? Zaintzan, zerbitzun arlun edo arrantza mundun dabizen bihargiñantzako edo ta biharra billatzen dabizenantzako herrire etorri barrixai gutxieneko euskera malli lortzi de. Ezautzen badozue baten bat gustakoletzakena ikastaro honetan parte hartzi, Irailan 6 tik 20 re zabalduko da udaletxeko harrerako bulegun ixen emotik.

Txomin Agirre 28. Zelan alla gaz hona?

2007ko apirilean PNV-EAJk kudeatzen zuen Ondarroako Udalak Pixape plazaren zati bat saldu zion Urresti 2001 S.L. enpresari 90.000 euroren truke. 2007ko maiatzean Ondarroako Udalak Pixapeko plaza bitan zatitu zuen (zati bat ordurako Urresti 2001 S.L.ri salduta zuen). 2007ko azaroan Urresti 2001 S.L. enpresak bi orube batu zituen: bata, Txomin Agirre 28a, eta bestea udalak saldu zion Pixape plazaren zatia. 2007ko ekainean Ondarroako Udalak Txomin Agirre 28an eraikina egin ahal izateko lizentzia eman zuen.

Orduan agintzen zuen PNV-EAJk ardurarik barik jokatu zuen. 1997ko hirigintza udal arauek argi esaten dute Alde Zaharrean ezin dela etxe berririk eraiki eta etxea barritzeko PERI edo plan berezi bat derrigorra dela. Gainera, 1997ko udal arauetako memorian ez da aipatzen Txomin Agirre 28an etxe berririk egiterik. Halan da be, PNV-EAJk eraikina egin ahal izateko xehetasun azterlana tramitatu zuen.

Gertaera horiek legez kanpokoak izan zitezkeela eta, herritar batzuk udalean bertan salatu zuten egoera. Orduko udal arduradunek ez zieten kasurik egin, eta auziak epaitegietan amaitu zuen. Gogoratu behar dugu urte horietan ezker abertzalea ilegalizatuta zegoela, eta udalean ez zegoela inongo kontrol politikorik.

Urteak pasa dira eta epaiak etorri dira. EAJ-PNVk udalean emandako pauso guztiak bertan behera geratu dira:

2008an xehetasun azterlana bertan behera laga zuten epaileek. 2011ko otsailean lizentzia ere bertan behera laga zuten epaileek. Eta 2014ean otsailaren 27an bertan behera geratu dira behin-betiko Pixape plazaren segregazioa eta salmenta.

Beraz, Txomin Agirre 28an eraikina egiteko pauso guztiak bertan behera geratu dira epaileen aginduz. Ez legezkoa izan zen prozesua osorik.

Goiko Kalean egindakoak argi erakusten du Espainar Estatuan eta Euskal Herrian zelako hirigintza eredua garatu den azken urteotan. Interes ekonomiko garrantzitsuak egon dira eta interes horiek bultzatzeko astakeria handiak egin dira.

Orain Ondarroako Udalak egoera kudeatu behar du derrigorrean, Ondarroako herriari ahal denik eta kalterik txikiena eraginez. Txarto egindakoa zuzentzea ez da erraza izango. Agian ezinezkoa. Garestia behintzat bai. Herritarren dirutik.

150.000€ eraikin horretan etxea erosteko dirua aurreratu zutenei, kalte ordain gisa.

Ia 400.000€ konstruktoreari.

150.000€ eraisketa lanetan.

Epaitegietan eta abokatuekin egindako gastua.

Ta zer esanik ez euren bizi proiektua bertan egitea pentsatuta zeukaten ondarrutarrei sortutako kalte morala eta bizilagunei sortutako gorabehera guztiak.

IA MILIOI BAT EURO HERRITARREN DIRUTIK ESPEKULAZIORA ETA KORRUPZIORA

Uste dou astakeria hau egin zuten politikariek euren ardurak argitu behar dituztela.

49 urte diz Gotzon Ibarloza Zubikarai erbestin hil zala

Gaur 49 urte diz Gotzon Ibarloza Zubikarai Ondarrutar errefuxiatu politiku auto istripu bat eta gero Bordelen hil zala.

1969 urtetik aurrea ETA erakundeko militanti zan (erakundik baieztatute) eta 1971 an ihes ein bihir ixan ban Iparraldea.

Herixotza honen urteurrena Euskal Memoria fundaziñoik gogorarazi dau beran sare sozialetan. Memoixa kolektibun aldeko lan handixe etxen dau talde honek, batzuk inposatu nahi daben memoixa bakarran aurrin.

Errotxapeako gaztetxin alde kontzentraziñoi 19:30 etan Alamedan

Atzo, Irailak 2, Iruñako Errotxapea auzuko gaztetxi hustu ben polizixa españolak. Aginddu emonda euan aurretixaz eta goxeko ordutako hainbat lagun batu zin bertan( tartin hainbat Ondarrutar) ingurun gaztetxin defentsan. Polizixan erantzune betiku, pelotak, porrak, eritxuk, atxilotuk…

Hau danau salatzeko eta errotxapeako gaztetxiai elkartasune adierazteko, Ondarruko Gazte Asanbladik kontzentraziñoi deitxu dau.

Irailak 25 (zapatu) TONTORRAMENDIko VIII. igoera bertikala

TONTORRAMENDIko igoera bertikalan antolatzallik (Ondarruko gazte asanbladi eta AURRERA mendi taldi) sare sozialetan zabaldutako mezu de azpixan irakurriko dozuena:

EUNON MENDIZALE!!
Badatorrela tontorramendiko igoeri. Udan nahiko entrenaza?
Ixen emoti bixar hasikora eta AURRERA mendi taldeko web orritxik ixangora, bertan dan inprimaki bat betez. Gogoratu epin barrun emon bidela ixena, Irailak 1 etik 21 ea.

41 urte eta gero ANGEL ETXANIZ OLABARRIA ez dou ahazten!

41 urte pasa diz Ondarruko herrixai sekule ahaztuko ezgakon gaba horretatik. Kanpai eta turrun hotsa, giro nahasixe, lehenengoko manifak, jenti kalin… Angel Etxaniz edo herrixan ezaunaua ixan dan hogetahamalauko Angelei 1980ko abuztuko gaba honetan kendutzen bixitxi estatun aginddupin biharra etxen ben mertzenaxo faxistak.

Herri batasunako militanti, Aurrera kirol elkarteko kidi, herrigintzan pixo handixe eukan pertsoni… ezkertiarra eta abertzali. Errepresiñoi lehenengoko pertsonan ezautu ban Angelek, atxiloketak, torturak, negozixuai erasuk… eta berak esaten eban modun “DEMOKRATAK” kendutzen bixitxi.

40. urteurrenan harire, Wikipediako horri hau sortu zan ixez, bertan Angelen inguruko informaziñoi guzti da ikusgai.

https://eu.wikipedia.org/wiki/Angel_Etxaniz_Olabarria

https://issuu.com/turrune/docs/angel_diptikoa

Aurrera kirol elkartik 100 urte beteten dotxuzen urte honetan, argazki ezin aproposaua da ondorengo hau:

Futbolzale amorratu zan Angel eta urte askun egon zan herriko futbol klubin inplikata.

Ondorengo argazkixak, herrixak Angelen erailketin ondoren eukitxako reakziñoi islatzen dabe:

Ixez, 40. urteurrena bete zan egunin, Ondarruko Ezker Abertzalik ekitaldi xume baine berezixe eitzan Angelei eta beran senidiai. Hamen lagaten dotsuau ixezko irudi batzuk.