Bixar (domeki) eguerdiko 13:00etan batuko ga Itsasaurren Ibonen benetako askatasune eskatzen eta ibon etxin, beran senide eta lagunakin egon bihir dela aldarrikatzen!

Hauxe mezuau zabaldu dabe IPARRA GALDU BAIK plataformatik sare sozialetan, Ibonen egoerin ingurun:

IBONEN INGURUAN IPARRA GALDU BAIK HERRI PLATAFORMAREN PRENTSA OHARRA 

Azken orduotan, Ibonen inguruko hainbat berri zabaldu dira:  jadanik Arrasateko Aita Meni ospitalean dagoela, gaur arratsaldean iritsiko dela bertara…jada etxean dagoela ere zabaldu da.

Horren inguruan esan dezakeguna hauxe da:

1. Ibon, atzo, Alcalá-Meco-ko espetxetik atera zuten.Hasiera batean, trasladoa ostiralean izango zela iragarri zioten eta ez zioten denborarik ere eman bere pertenentziak jasotzeko.Kontutan izan behar dugu, Ibonek HIESA C estadioan izateaz ezezik, ikusmen arazo larriak dituela burmuinean duen orbanarengatik.

2. Ez dakigu Ibonek gaua non pasatu duen ere, beste espetxe baten izango zen, seguruena, baina ez dakigu non. Aurreko traslado guztietan, “transito”-ko ziegetan egunak eman izan ditu ditu eta ez daukagu arrazoirik oraingoan baldintza hobeago batzuetan egongo dela pentsatzeko. “Transito”-ko ziega hauen baldintza higieniko-sanitarioak tamalgarriak baino tamalgarriagoak dira, gune aproposak edozein infekzio hartzeko, hain justu, une honetan Ibonentzat hilgarria suertatu daitekeen egoera.

3. Espainiar administrazioak, Ibonen trasladoa anbulantzian izango zela hitz emanda zuten eta, ez zen horrela izan, ibilgailu polizialetan baizik. Aurretik izandako lekualdaketa gehienetan oso egoera bortitzak jasan izan ditu Ibonek ( mehatxuak, isekak, eskuburdinak gerriaren atzekaldean, muturreko beroa edo hotza…) eta oraingoan ere egoera hori bizitzen ari den ala ez ziur ez badakigu ere, senide eta lagunok kezkatuta gaude.

4. Ibon Aita Meni Arrasateko zentrura eramateko agindua, duela aste batzuetakoa da (iazkoa jada) baina, antza denez, epaitegitik kartzelara bidali behar zuten agindua “traspapelatuta” egon omen da. 

Ibonekin egiten ari direnak ez dauka hitzik. Epaileak agindutako mediku inpartzielek egindako 3 txostenek Ibonen egoera oso larria dela esan arren, ukatu egin nahi diote bere etxean egoteko aukera. Gogoratu behar dugu Ibon 2011eko urritik 2014ko martxoraino, espetxealdi arinduan egon zela pultsera telematiko batekin. Zergatik ez dute beraien legea betetzen eta Iboni espetxealdi arindua aplikatzen, ukanbehar guztiak betetzen baditu?Mendeku gosea eta oinarri oinarrizkoenak diren giza-eskubideekiko errespetu eza adierazten dute euren ekintzek.

IBON ETXERA EKARRI ARTE, TINKO JARRAITUKO DUGU!

LIBRE eta BIZIRIK NAHI DUGU IBON eta GAINONTZEKO LARRIKI GAIXO DAUDEN PRESOAK.

IPARRA GALDU BAIK, DANAK ETXEA!

3 autobus bete-bete eindde jun diz zaldupetik 15:30xak pasautxu! Beste asko ta asko goxetik kotxitan eta Bizkaibusin aurretik junde!

Gaurku handixe ixango eide, badakau pozik egoteko arrazoik gaur, bake artisau dan Txetx Etcheberryk esan daben modun hurrengo astitan Frantziko estatun bahitxute dakarren Euskal Herritxarrak sorterriko kartzeleta ekarrikotxuez! Barri pozgarrixe, baine ez gaz gelditxu bihir eskubide guztikin DANAK ETXEA ekarri arte!

Atzo botaben ETBn Ur handitan saiun gurasuk kartzelan dakarrezen ume eta nerabin testigantzan erreportaji.

Gitxi ixango diz saiu ikusi eta malkuk eutsi ebezenak…

Tartin herrikide bat be egon zan saio horretan galderak erantzun eta beran errealidadi kontaten.

Zoritxarrez herrixan hainbat motxiladun ume euki douz eta dakauz urte luzin, umiai ezarritxe dakarren zigor dobliaz amaitzeko eta danak etxea ekarteko ZAPATUN DANOK BILBOA!

Ezbazendun saiu ikusteko aukeraik euki hamen loturi:

http://www.eitb.tv/eu/bideoa/ur-handitan-3-denboraldia/5916/138186/motxiladun-umeak/

Asko ta asko ixan zin sare sozialetako erreakziñoik…

https://twitter.com/jonathanmartinz/status/950883004272070661

Azkanengoko urtitan morun Ondarruko Ernaik gazte autobuse ata dau bilboa juteko! Zerrendak: Anaitan, Kulixkan eta Gaztetxin daz eta ernaiondarru@gmail.com ea zeure ixena eta zemat launek nahi dozuen jun idatzitxe be apuntaleike.

Gaur urteko azkanengoko egune dou eta ezin ixan ga geatu urti ondo agurtu baik!  Kalamendin egon ga nahibeste lagun Aurrera mendi taldiaz…

Menditxik baja ta seixan, Udalak deitxu daben kontzentraziñoin egon ga. Beste urte batez preso eta iheslaxan alde batu ga alamedan!

Herrixan falta gaskuzenan alde eta gaur urte barrixe ehunke kilometrota hasiko dabenakin gogun brindise einddou! Zeuekatxik! Datorren urtin danok batea eingou topa!

Gaur goxin ata dotzau argazkixe atzo luterl komiki taldekuk ipini ben globhorma i! dotore gelditxu de!

Gaur sartu di azkanengoko 7familixak euran etxita, tartin denda bat be bai, asko kostata eta pazientzixa handixaz hartute sartu di behingoz, eta ongun bertan gelditzeko!

Lelen Itxurribarriko rotondan batu di bixilagunak eta udal ordezkarixak etxin atzeko aldik eta kamiñaldea altzateko bidi ikusteko.

Gero kofrai zaharrea jun di eta prentsaurreko bateratu bat emon dabe azkan detallik emoten eta dudak argitzeko.

Esan bir de hasiera hasieratik etxe horretako kaltetun jarreri eta inplikaziñoi txalotzeku ixan dala, danak alkarreaz batu eta kontzentraziñoik, prentsaurrekuk, elkarretaratzik, ordezkari diferentikin bilerak… ein dotxuez azkan familixak etxita sartu arte! 

Hauxe idatzixau ata dabe, baloraziñoi etxeko eta eskerrak emoteko:

Ondarroako Saiñazio auzoko guztiak etxeetan

Gaur bueltatuko dira eraikinetik kanpo geratzen ziren zazpi familia eta denda bakarra, 2016ko martxoaren 8tik aurrera mendiak jo eta apurtutako lokal eta etxeetakoak.

Une honetan, Saiñazio 40-46 atarietako 84 familia eta lokal- eta garaje-jabeen balorazioa bi arlotan banatu nahi dugu: eskerrak ematea lagundu diguzuen guztioi eta oraindik ingurua bere onera etortzeko asko falta dela gogoraraztea.

Eskerrak emateko orduan, lehenengo eta behin, udalari, herriari eta geure etxe barruko auzoko guztien eman dizkiegu: Udalari, eta zehatzago esanda gaur egungo udal gobernuari, hasieratik gaur arte eutsi diolako astez asteko gurekiko elkarlanari, eta eginahal guztiak bideratu dituelako gaurko eguna hel zedin. Herriari, aurrera egiten lagundu digulako, hasieratik etxeetan hartuz eta denbora honetan guztian auzokooi eutsiz. Gure atarietako auzoko eta jabeei, denon artean pausu bat aurrera eman eta etxeak konpontzeko ardura geure gain hartzeagatik.

Gaurkoan gogoan hartu nahi ditugu, baita ere, kanpotik lagundu diguten guztiak: Zaldibarko udala, Cikautxo, Eika, Aurrerako futbolariak (maila igotzeagatiko prima gure esku utzi zutenak) baita prentsa ere, luzaroan gaia esna mantendu duena, aipamen berezia eskualdeko Hitzari.

Asko sufrituta heldu gara gaurko egoerara. Hondamendi honi aurre egiteko dirua helduko ote zen ez ikusteak eragin digun egonezinik handiena. Zerua jausi zitzaigun gainera emergentzia eten eta urgentzia fasera pasatzeak dena eperik gabe luzatuko zuela aurreikusi genuenean. Gaur, zorionez, etxera bueltatu garela esan dezakegu, baina oraindik diru eta lan handiak daude mendi horretan jartzeko, lur-jabeak beren egoera noiz edo nola lehengoratuko den jakiteke eta kamiñalde-kalandi ingurua kalea itxita. 

Pozik gaude, baina oraindik ez da amaitu.

Ondarroan, 2017ko abenduaren 29an

Gogun euki familixa guztik euran etxitan egon arren be herrixan momentu honetan mailegukin itxota gazela eta maileguk ez dizela ordaindduko osotasunin epe motz baten, batzuk luizixe gerta zan egunin traje ta korbatakin etorri zin argazkixetan leku topatea baine benetako ordun lepu emotzen Ondarruko herrixai. Desastre honen kaltetuk herritxar guztik ga, eta herritxar guztiok igarriko dou ondorixuk! 

Beraz, udal gobernun gain konfixantzi ipini eta seguru gaz onarte modun fin eta goguaz jarraitxuko dabela herritxarron mesedetan eta gure behar ixanan alde biharrin!

Hauxe textuau bixaldu doskue Gazte Asanbladatik, gabonetako egitarauaz aurrea jarraitzen dabe:

Gabonakin batea marxismo-leninismun formatea guz Ondarruko Gaztetxin, horretako 3 saio eukikouz

Lelengoko saiun “Manifestu Komunisti” landukou eta biarrenin “Soldatapeko biharra eta kapitala” Marxen idatzixe

KOMENI RE ETORRI AURRETIK TESTUK IRAKURTI

Etorri geuaz formatea!!!

 

KONTZIENTZIA INDARTUZ, LANGILE BOTEREA ERAIKI!

 

Textuk:

http://marxismoa.blogspot.com.es/p/alderdi-komunistaren-manifestua.html?m=1

https://www.marxists.org/espanol/m-e/1840s/49-trab2.htm

Herriko gazte batzuk hartu dabe iniziatiba solidaxo hau. Abendun 23an, Gabon beixperan, etxeik etxe jungo di erropak, jatekuk, diru… eta bakotxak borondatez emon leiken mateixal guzti batzeko. Lortzen dan mateixal guzti ondala 42 urtetik Tindufeko(algeria) errefuxiatute dazen Saharar herritxarrai bixaltzeko ixango da, eta Yaalah elkartik gabonak eta gero eingo daben janari bilketiaz batea batuko dabe, euskal herriko urteroko karabanan bixaltzeko.

Ekimen solidaxo honetan parte hartu nahi daben herritxar guztik ixamgo diz ongi etorrixak! Abendun 23an (zapatu) goxeko 9xetan da ipinitxe kedadi Arraun elkarteko parin.

Hamen Yaalah elkartik Saharar herrixan gatazkin eta histoixin ingurun ata ban bideu:

Hauxe mezu zabaldu dau Iparra Galdu Baik plataformik ontxe momentun, barri gexa jakin ahala informaziñoi eguneratzen jungo ga:

-22:28

Kaixo;

Ibon Iparragirreri buruzko azken berriak. Gaur, Ibon, Alcalá-Meco-ko espetxetik Madrilgo ospitale batera eraman dute. Iragan astean, Ibon eztulka hasi zen eta astebukaeran areagotu egin zaio.Hori dela eta espetxeko medikuak ospitalera bidali du gaur (harrigarria bada ere,astebukaeran medikurik ez da egoten). Gogoratu behar dugu Ibon maiatzean Gregorio Marañon ospitalera eraman zutela eztularekin eta neumonia diagnostikatu ziotela.

Ibonek, espetxean jarraitzen du eta bere baldintzapeko askatasuna Entzutegi Nazionaleko Espetxe Zaintzako epailea den Castro epailearen eskuetan dago.

Ibonen egoera delikatua da eta Iparra Galdu Baik plataformatik Ibonen berehalako askatasuna galdatzen dugu.

Edonola ere, azken egunotan zabaldu diren informazio okerrak direla eta, mundu guztiari zuhurtziaz jokatzeko eskatzen diogu.Edozein informazio zabaldu baino lehenago mesedez kontsultatu ezazue Iparra Galdu Baik-en sare sozialetan (facebook eta twiter).

17/12/19 15:46:

Gaur barriro plataformik ata daben mezu: 

Atzo, azkar batean egin genuen oharrean, gure akats bat dela eta, ez genituen gertaerak behar bezala adierazi eta aklaratu nahi dugu:

Atzo, astebukaeran izan zuen eztula zela eta, Ibon Alcala-Meco-ko espetxetik Madrilgo ospitale batetara eraman zuten eta segituan berriro espetxera eraman zuten.

Hau da, une honetan, Ibon Alcalá-Meco-ko ospitalean dago.

Barka eragozpenak.Informatzen jarraituko dugu.

IBON ETA LARRIKI GAIXO DAUDEN PRESOAK ETXERA!