Kartzeletatik / Deserrittik
Urtzan mezu, Estremeratik
Urtzak pentsaten baban bakin lagako gendule Estremeran, jai dauke! Turruneako mezu bat idazteko eskatu gentsan, eta berak mezu eta postala bixaldu! Eskerrik asko Urtza, eta urte berri on Ondarrutik Estremera!
Urtarrilan 11an lekitxarrak (eta ez hain lekitxarrak) Bilboa duz!
CARTAGENAtik, urte berri on
Urtero lez sasoi honetan CARTAGENA aldetik bixaltzen dozkun gabonetako postala jaso dou. Levante aldin jende honek emoten dozkun laguntzi ezin dou ahaztu, preso dazen lagunai eta familixakuai eskeintzen dotzen babesa eskertzeku de. Eskerrik asko MARIA, ISIDORO…
Abendun 31an BRINDISE preso ta iheslaxan alde
Zer da TANTI ixati?
ZER DA TANTA IZATEA?
Giza eskubideen, konponbidearen eta bakearen aldeko itsasoarekin bat egitea. Gure etorkizunaren alde lan egitea.
Jendarte honen gehiengoaren borondatearen defentsan aritzea da tanta izatea.
Konpromiso bat da, jarrera bat. Bustitzea da, ekitea, komunikatzea, nork bere esparrutik eta ahal duen heinean.
Gauzak aldatu nahi dituen herri ekimen handi baten parte izatea da.
Asko dugu jokoan orain, eta une historiko honetan protagonista bihurtzearen pareko da tanta izatea.
Estatuen jarrera ikusirik, herritarren konpromisoak baizik ez ditu gauzak mugiaraziko, konponbidearen aldeko konpromisoak, alegia; eta zeregin horretan ezinbestekoak dira gure tanta guzti-guztiak.
U-11n Bilbon, prozesuari energia posibiboa emateko aukera izango dugu tanta guztiok preso eta iheslarien eskubideen aldeko itsaso erraldoia osatuko bait da bertako kaleetan.
Itsasoa egin ahal izateko ezinbestekoa da bakoitzak bere tanta eramatea. Tanta hori aldez aurretik erosi ahal izango da egun hauetan:
abenduak 26, 18:30ean
abenduak 27, 18:30ean
abenduan 29, 11:30ean
urtarrilak 2, 18:30ean
urtarrilak 3, 18:30ean
urtarrilak 9, 18:30ean
urtarrilak 10, 18:30ean
(ALAMEDAN EDO ALDE ZAHARREAN)
Ah, eta gogoratu:
Gabonetan, ez gaz danok!
GABON gaba ONDARRUn
Urtero lez Olentzeroaz batea ohituri jarratxuz, falta dizen herrittarrakin gogoratu giñan, kantu bidez eskatu gendun beste behin herriko etxitan danak egoti, gutako askorentzako oparirik handixena ixango litxake.
Abenduak 26 (eguena) Mirentxin gidarixan batzarra
Abendun 26an, arratsaldeko 18:30etan kofrai zarrin, urteroko bileri engou datorren urteko bidaixan egutegixe lotzeko eta urteko errepaso bat etxeko. Ahal danik eta jende geixenan aportazinoi beharrezkure eta!!!
KEMEN URANGA Alcala-Mecoa erun dabe
Aspaldi da Turrunin Kemeni buruzko berririk ez dugula eman.
Izan be, hile t’erdi honetan Sotoko kartzelan egon da. Isolamenduko moduluan sartu zuten hasieratik eta han egon da orain arte. Beste hiru euskaldun ere lagun izan ditu, tartean Pototo lekeitiarra.Ba, astean zehar jakinarazi zioten Alcala-Mecoko kartzelara eramango zutela eta larunbatean bertan deitu eraman zuten bertara. Zapatu gabaz etxera deitzeko aukera izan zuen eta ondo zegoela esan zien senitartekoei.
Normalean, kartzela batera iristerakoan, lehenengo bisita edozein ordutan izan zitekeela esan zioten Kemeni. Horrela joan ziren arreba eta lagunak igandean, baina bertara iritsita esan zioten Kemen zuzenean sartu zutela isolamenduko 6. modulura eta, hortaz, ezin zutela bisitarik izan ordutegitik kanpo.
Bertako funtzionarioa saiatu omen zan bisita ordu bat finkatzen baina zuzendaritzatik agindua eman zuten bisita galdu egingo zuela Kemenek. Edozein aitzakia nahiko dute gure presoak izorratzeko.
Hortaz, ez dakigu ondo beste euskaldunen batekin dagoen eta zer moduz dagoen Kemen. Ia astean zehar telefonoz deitzen duen eta, txarrenean, datorren domekako bisitan jakingo dugu nola dagoen. Datorren zapaturako zeukaten vis-a-visa hitzartuta Soton. Bartzelonatik Ardatz anaia aspaldiko partez be etortekoa zan, baina orain ez dakigu hitzordu hori errespetatuko dioten Alcalan.
Soton egon dan bitartean oso ondo eta animoz indartsu ikusi dute senitartekoek Kemen eta, behin baino gehiagotan, Ondarrutar guztioi besarkada handi bana emateko eskatu digu.
Hemendik aurrera, bere helbidea hau da:
Kemen Uranga Artola
Euskal Preso Politikoa
CP MADRID II Alcalá-Meco
Módulo 7
Carretera de Meco, km. 5
28.870 Alcalá de Henares (Madrid)
Ba, besterik ez oraingoz. Zerbait gehiago dakigunean jakinaraziko dizuegu Turrunan bidez.
Turrune! 