SANTIAGO (GALIZA) aldetik bixalduzku IRATIk azpixan ikusiko dozuen argazkixe. Sasoi honetan jende asko oporreta eta bateixak kargatea juten ga, bañe eztou deskonektaten bixi douenaz eta gabizen lekutatik kartzeletan eta ihesin dabizenakin akordaten gaz.

 

Uztailaren 11n Ibonekin bisita eduki genuen, eta bere egoeraren larritasuna bistatik galdu gabe, ondo aurkitu genuen. Eskuineko besoan dardarak izaten dituela aipatu zigun, eta berak ere badaki hori defentsak baxu dituenaren seinalea dela, 2011ko urrian Basauriko kartzelan izan zuen krisialdiaren aurretik ere sintoma berdinak izan zituelako. Hala ere, azken gauean ez zuela hotzikararik izan aipatu zigun, eta sukarrik ez zuela sentitzen. Itxuraz ere, argalago eta ahulago aurkitu arren, lasaiago eta zentratuago aurkitu genuen, eta animikoki egonkorrago.

Azken egunotan jakin dugu, Ibon isolamenduan eduki duten 14 egunetan ekonomatora joateko aukera kentzeaz gain, gosaritarako eman dioten janari kopurua murriztu egin diotela, ohiko hiru mermelada tarrinatxoen ordez, bakarra eman baitiote. Ez dakigu janari murrizketa hau ohikoa den isolamendu egoeran mantentzen duten guztiekin, baina bai, egoera horrek presoa babesik gabeko egoera batean uzten duela, hau da, kartzeleroen borondatearen menpe. Ibonek berak aipatuta, erizaintzako moduluan dagoen beste preso bat sartu dute isolamenduan, eta honi, behin baino gehiagotan, eguneroko patioko ordu bakarra ere ukatu egin diote, “de facto”.

Orokorrean, Ibonek amildegiaren mugan jarraitzen duela esan dezakegu, eta datorren astean -uztailaren 22an- egin behar dioten azken frogaren zain (erresonantzia magnetikoa) dagoela. Bien bitartean, infekzio oportunista baten menpe ez erortzea eta isolamendu egoera saihestea da garrantzitsuena.

Gogoratu elkarteen atxekimendu kanpaina martxan dagoela, eta badaezpada, sinatu beharreko orria bidaltzen dizugu berriz. Helbide honetara bidali behar da, eta gero helbide honetara erantzun bidalitako eskakizunen kontrola eraman ahal izateko.

JUZGADO CENTRAL DE VIGILANCIA PENITENCIARIA
c) Luis Cabrera, 9 28002 Madrid

Elkartik erabili bir daben idatzixe, hamen: ibon elkartea

Gaur gaxoik dazen presuk etxea ekarteko eskatu dabe Zurriolan Ibonen familixakuk eta lagunak.

Aurretik Bulebarrin be egon diz.

Manu Chaon kontzertun be Ibonen eta gaxoik dazen presun aldeko pankartak ikusi ahal ixan diz, eta Ferminek be aipamen bat einddau. (Bideu ezta oso ondo entzuten!)

Ibonen azkanengoko barrixak be jaso douz gaur. Hamen duz:

Hasiera batean, kartzelako arduradunek isolamenduak 45 egun iraungo zuela adierazi bazuten ere, 14 eguneko isolamenduaren ostean Ibon berriro Erizaintza moduluko gainontzeko presoekin batera dago uztailaren 1.a ezkeroztik. Joan zen asteburuan -uztailak 4 eta 6an- senideek egin dizkioten bisitetan askoz hobeto aurkitu zuten, animikoki batez ere.

Uztailaren 8an, ordea, Ibonek gaua sukarrarekin eta hotzikarekin igaro zuela aipatu zuen dei telefonikoan. Azken egunotan eskuratutako analisiek egiaztatzen dutenez, apirilaren 29an egin zizkioten analisiek medikuek bere defentsak 117ra jaitsita zeuden; beraz, kezka nagusia une honetan, Ibon infekzio oportunista baten menpe erortzea da. Gogoratu behar denez, 2011ko urrian Ibon neumoniak jota konorterik gabe erori zenean Basauriko espetxeko kartzelako jantokian, 51 defentsa zituen. Lehen 50 egunetan 450 defentsatik 117ra jaitsi bazaizkio, azken 70 egunotan bere defentsak ez dira 51 haietatik oso urruti ibiliko. Berdina esan dezakegu karga biralari buruz. Honekin esan nahi duguna zera da: une honetan ez dagoela inolako kontrolik bere benetako egoera medikuari buruz, eta edozein gauza gertatu ahal zaiola edozein momentutan.

Irakurtzen jarraitu →

Kontzentrazioa Madrilen Ibon eta gainontzeko preso gaixo larrien eskubideen alde. Elkartasunak ez du mugarik ezagutzen. Eskerrik asko.
Concentracion en Madrid a favor de Ibon y l@s demas pres@s enferm@s. La solidaridad no tiene limites, ni barreras. Eskerrik asko.

IRUÑA bixkat ezautzen dozuenok ezautuko dozue toki hau (udaletxeko plazi), ba beatu zer bixaldu doskun gaur bertatik