Herrixe udaletxea!

Azarun 1etik 3re, Literatur Amuak

turrune

Udaleko euskera batzordik egitarau zabala antolatu dau astebururako: literatur amuak. Hasi, aurreko astin hasi zan idazlan rallyxaz. Baine hurrengo egunetan ospatuko dauz ekitaldi gexenak: Eguenin, Txori Mugariak performanzi; baixakun, idazlea zeu zara antzelana eta Anarin kontzertu; zapatun, irakurle kluba eta atsaldin literatur gala.

Egitarau guzti hamentxe dakazue ikusgai:

http://www.ondarroa.eu/Documents/literaturamuak-kartela.pdf

Azaroak 3 (zapatu) irteeri Alleriko paduri ezagutzeko‏

turrune

Datorren zapatun (azaroak 3) Ondarroako Ingurumen Batzordik irteera bat egingo dau Alleriko padura. Debanatura elkarteko biologuk padurin inguruko azalpenak emongo dotxuez: zelako fauna eta flori dan bertan..

Debanatura elkartekuk hilik daruez paduran hegazti eta anfibixun inguruko ikerketa bat eitten udalantzako, Aranzadi zientzia elkartin laguntziaz. Beraz, aukera ona ixango da paduriai buruzko lehen mailako informazinoi eskuratzeko. Hitzordu goixeko 11etan ixango da, Ondarroako turismo bulegun.

PNV eta Deia guzurretan dabizela salatu dau Ondarruko Bilduk

turrune

bildu.info/ondarroa

Badakigu hauteskunde kanpainan gaudela eta Ondarroako PNVk Bildurekin duen jarrera erasokorra are gehiago nabarmendu daitekeela egunotan. Gezurrak asmatu eta zabaltzeraino heltzea ordea, ez dakigu urduritasun kontua ala zer den, baina ez dugu onartuko.

Irailaren 20ko Deia eta El Correoren edizio digitaletan, Ondarroako Udalak udal langileei gabonetako paga gehiagarria ez ordaintzea erabaki duela argitaratu zen, Ondarroako PNVren adierazpen gisa. Irailaren 21ean, aldiz, Deiaren paperezko edizioan, berri berbera agetru zen, Laura Mintegik bezperan izandako ekitaldiko erreportaiaren aldamenean, oso nabarmendua. Baina oraingoan, Ondarroako jeltzaleen berbetan barik, erabakia (paga gehigarria ez ordaintzea) egintzat ematen zen Humberto Unzueta kazetariaren ahotan.

Baina zer da Ondarroako Bilduk egin duena? Ba aparteko diru-poltsa bat sortu du eta soldata gehigarria bertan laga du. Horrela, Madrilek soldaten boltsatik gabonetako dirusaria ordaintzen lagako ez balu be, boltsa berri horretatik ordainduko luke ordainsaria. Hain zuzen ere, diru mugimendu hau paga gehigarria ordaindu ahal izateko egin du Ondarroako Bilduk. Baina Ondarroako EAJk gezurra esan eta dena nahastu nahi izan du.

Behin behineko langileei hileroko soldatan gabonetako pagaren gehigarri proportzionala eman izan bagenio (Raxoiren dekretua medio), ziur gaude PNV izango zela lehenrngoa horren kontrako erreklamazioa aurkezten, orain arte egin duen bezala.

Ez da ahaztu behar Zapateroren 8/2010 dekretua (udal langileen %5eko soldata jeitsiera agintzen zuena), lehen unetik aplikatu zuela EAJk. Gainera, aurten udal brigadaren soldaten %10eko igoera salatu du PNVk, eta horren kontra erreklamazioa sartu du. Eta Lea Artibaiko Mankomunitatean lan konbenioaren negoziazio mahaia hautsi dute jeltzaleek, Bilduk eta langileen ordezkaritzak langileen soldatentzako proposatzen zutenak Madrildik agindutako dekretuek onartzen ez dutela argudiatuz.

Hortaz, nola liteke, egun batean ondarroako PNVk kale garbiketarako langileen soldata igoera kritikatzea eta, aldi berez, Bilduko udal gobernuak gabonetako ordainsariarekin hartu duen erabakia kritikatzea? Erabakia, ondarroako udala eta udal langileak kaltetuak ez izateko hartu dugu, baina PNVri ez dio axola gezurra esatea, Bildu erasotzeko balio badio.

Uste dugu Ondarroako eta nazio mailako PNV itsutu egiten direla Bilduren kontra ekitean. Badirudi ez direla konturatu gabonetako ordainsari dagokion erabakia, adibidez, udal batzak erabakiko duela eta ez udal gobernuak. Ondorioz, udalbatzak hartu behar badu erabaki hori eta udalbatza hori oraindik egin ez bada, gezurretan dabiltza.

Honen aurrean honakoa galdetu nahi diogu bai Ondarroako PNVri, bai Deiako kazetari Humberto Unzuetari, posible da zuzentzea eta egia bere osotasunean esatea?

Gertakaria oso larritzat jotzen dugu. Hauteskunde kanpainan edota kanpainatik kanpo Bilduren erabakiak kritikatzea zilegi da, ez ordea egin ez duenikpublikatzea. Eta larria da oso etekin alderdikoiak medio gezurrak zabaltzeraino heltzea.

Beraz, Deiari, gezurra zabaltzeko baliatu zen orrialde berberetan zuzenketa exijitzen diogu, horrela egin ezean artikulua sinatu zuen kazetariaren kontra salaketa jartzea aztertuko dugu.

Ondarroako Bildu, Ondarroan 2012ko irailean

Ateak zabalik kirolari

turrune

Aurretik esan gendun modun, udaleko kirol batzordik ‘Ateak zabalik kirolari’ kanpaini ipini dau martxan. Herrixan praktikaten dizen kirol desberdinak erakusteko kanpaina bat da, jenti kirola etxea animateko. Ein bir dana erreza da: banderi hartu (Turismo Bulegun), kirola etxen gabizela argazki bat ata eta kirolagenda@gmail. com helbidea bixaldu (helbide barrixe da!). Argazki guztin artin sari bat zotz eingo da.

Ikustezuenez, banderi leko askota da ailaten: Katalunia be egon da. Ondarrutarrok kirolai fami dakau, ta ontxe da aukeri halantxenik dala demostrateko! Zabaldu atik kirolai!

http://www.flickr.com/photos/83386915@N04/show

Ondarruk 1.085.000 € ordainddu dotxuz momentuz, PNVn 8 urteko kudeaketin ondorixoz

turrune

Ondarruko Bilduk udalan egoerin inguruko txosten bat kaleratu dau. Hamen dakazue osoik irakurteko: Zelan dago udalaren egoera ekonomikoa?
Eta hau txosteneko pasarte bat:

2003 eta 2011 bitarteko gestioaren ondorioz udalak momentuz 1.085.000 € ordaindu ditu. Epaiketetan 650.000 €, txarto tramitatutako espedienteetan 225.000 € eta irregulartasunengatik 210.000 €.

Horri gehitu behar zaizkio udal langileek espediente hauek tramitatzen pasatu dituzten alperrikako ordu guztiak.

Gainera, oraindik beste prozedura judizial asko zabalik daude. Horrek, gastu gehiago ekarriko dio udalari. Hori da PNVk ondarrutar guztioi laga digun ondarea. Baina txarrena ez da hori. Nahiz eta proiektu batzuk txarto bideratzen ari zirela jakin, jeltzaleek aurrera jarraitu zuten. Orain ondorioak ez dituzte erabaki horiek hartu zituztenek ordainduko.

Ondarroako Udala eta Ondarroako herria izango dira gestio txar honen ondorioak ordainduko dituztenak. Galdutako epai guztiek ekonomikoki dirutza kostatuko dute. Milaka eta milaka euro. Beraz, uste dugu, PNVri hartu dituen erabaki kaltegarrien ondorioen arduradun egiteko garaia heldu zaiola.

– ZALDUBIDEKO ETXEAK GELDITUTA
Felix Aranbarriren aginduz geldituta, legezkoa baino gehiago eraikitzea baimendu zutelako.

2011ko ekainaren 10ean, hau ere hauteskundeak galdu eta Udal berria eratzeko bezperan, Felix Aranbarrik Udalean egindako azken gauza seguru asko. Bilduk konpondua.

GASTUA: 210.000 € irregulartasunengatik

– TXOMIN AGIRRE IKASTOLAREKIN HITZARMEN EZ LEGEZKOA

GASTUA: 50.000 € txarto tramitatutako espedienteengatik

– KAMIÑAZPI SL-N ARAU ALDAKETA EZ LEGEZKOA
Auzokideek inpugnatua eta epaitegiek Udalaren kontra ebatsia

GASTUA: 50.000 € txarto tramitatutako espedienteengatik

– TXOMIN AGIRRE 28ko ERAIKINAREN OBRA EPAITEGIEK GELDITUTA
Udalaren kontrako behin behineko epaia

– ALLERIKO ETXEAK EPAILEEK GELDITUTA ETA ATZERA BOTATA
GASTUA: 470.000 € ordainduta epaiketetan

– ZALDUPETIK ALLERIRAKO PASEOA EPAILEEK GELDITUTA
Zaldupeko zubia eta eskolaren bitarteko pasealekua epaileek gelditua. Bilduk konpondua.

– ANTZOSOLO
Planeamendua aldatu etxebizitza gehiago egiteko, herriko arauen kontra

– KAMIÑALDE-ITURRIBARRI
GASTUA: 180.000€ ordainduta epaiketetan

Informazio gehiago hemen: Zelan dago udalaren egoera ekonomikoa?

Udaleko lan eta zerbitzu hizkuntza euskara izatea da gure helburuetako bat

turrune

Leire Beitia eta Iera Arantzamendi (Euskara zinegotzia eta euskara lan taldeko kidea)

Ondarroa UEMAn sartu da. Zer ekarriko dio horrek herriari?

Esan beharra dago 2000. urtean Ondarroako udala UEMAn sartu zela eta horren eraginez hainabat aurrerapauso emon ziren euskararen normalizazio bidean, bai herrian eta baita udalean bertan ere. Baina 2006an zuzenbidearen kontrako erabakia zela-eta epaitegiek UEMAtik kanpo utzi gintuzten. Geroztik, arazo hori konpontzeko UEMAko estutuak aldatu badira ere, Ondarroako Udala ez da berriro UEMAko kide egin, borondate faltagatik.

Guretzat euskararen normalizazioa lehentasuneko gaia da eta bide horretan UEMA erankunde garrantzitsua dela uste dugu. Ondarroan euskera izan da eta da etxeetan jaso eta trasmitzen den berba; admistrazioan ere horrela izan behar dela uste dugu. Udalerri euskaldunetan herritarrek egiten duten bizitza sozial guztia, publikoa zein pribatuan euskaraz izan dadin urratsak emango ditugu.

Beste proiektu batzuk ere martxan ipini dituzue: irakurle kluba, euskara ikastaroak…

Bai. Gure helburua esparru guztietan euskaraz bizi ahal izatea da. Horretarako herritarrak euskaldunak izan behar direla uste dugu, eta hori horrela izan dadin etorri berrientzat euskara ikastaroak antolatu ditugu. Irakurle kluba euskararen erabilera eta trasmisioarekin lotzen dugu, batipat euskaraz egindako literatur lanak bultzatzeko.

Kontziente gara oraindik gune asko erdaldunak direla, eta gu geu izan behar garela euskera eta  Euskal Herriko kultura trasmititu behar ditugunak.

Osterantzean, zein helburu dauzka batzordeak datozen hilabeteetarako?

Esan bezala, gure helburua euskararen normalizazioa da, udaleko lan eta zerbitzu hizkuntza euskara izatea. Bide horretan udaleko lanerako hizkuntz irizpideak finkatu ditugu, eta aurrerantzean euskararen ordenantzak aldatzea litzateke gure zeregina.

Bestetik urteetan eman ohi den Agustin Zubikarai saria gehiago herriratu nahian gabiltza, herri mailako beste lehiaketa bat antolatu asmoz ere bagabiltza, eta guztiak batuko dituen literatura astea antolatu nahi dugu. Abendurako herri hizkeraren inguruko jardunaldiak antolatzen ere bagabiltza.