Albala noa bota bir de? Eta boligrafo zaharrak? Zer ein bir dot kozinako paperaz? Sarritxan eukitxen douz halakoxe dudak reziklateko ordun.
Horretxeatxik, Ondarruko Udalak eta Amankomunazguk hiztegi bat ata dabe, reziklaten laguntzeko.
Etxin jasokozue hiztegixe, baine interneten be ahal dozue ikusi.
http://www.lea-artibai.org/es-ES/Noticias/Documents/euskeraz.pdf
Gaur hauxe ikusi dou Ondarrun: gasoile errekan behera.
Aurreko baten be ata gendun argazki bat Turrunin. Bertan ikusten zan gasoil potu errixun behera.
Kontixu hori bidoi gazte batzuk ata ben errixutik, eta kontenedoretan laga.
Ba gaur beste bidoi bat agertu de errixun, eta gasoile uretan zabaldute. Eztakiau bidoi bardine dan ala beste bat.
Aurrekun be esan gendun, eta atzea be esango dou: geuk ezparou zaintzen geure errixu eta itsosu, zeinek? Hortxe itxosun atrapatako arraine janda bixi gaz. Errixure botatako zikinak bueltan bueltan geure platerin amaitzen dabe. Zainddu daigun Artibai!
Hauxe argazkixe bixaldusku irakurle batek: gasoilan bidoi bat errixun behera.
Anekdota bat dala ahal dozue pentsa, baine zoritxarrez askotan ikusten douz zamarrak errixun gora eta behera.
Errixu garbi eukitxi eta geure osasune zaintzi, geure eskutan da.
Eguzki talde ekologistik behiko mezu bixaldusku. Saturraneko errekan errubera gexa agertu diz, eta lehen euazenak jasoteko ei daz.
Saturraranen gurpil gehiago agertu dira tenporaleen ondorioz. Lehendik zeuden batzuk ere bertan jarraitzen dute. Portuan eta txalupetan neurriak hartu behar dira kostaldea gurpilez ez betetzeko. Mutrikuko udalari eskatzen diogu gurpil horiek jasotzeko.
Astelehenin hasi zan udala hondakin organiku (etxeko jateko hondakinak) jasoten nahi daben herritxarrai, etxe aurrin edo udalan lokaletan. Horreaz organikuaz konposta eingo da, eta gero konposta ongarri latxeik erabiliko da Larruskainen, udala landatzen dabilen baso autoktono eta publikun. Behian dakazue udalak bixaldutako informazinoi:
Herritarrei hondakin organikoak jasotzen hasi da Ondarroako Udala, etxe aurrean edo lokaletan
Nahi duten herritarrei hondakin organikoak jasotzen hasi da udala, etxe aurrean edo lokaletan. Potoak astelehen, eguazten eta bariku goizetan jasoko dira.
80 familiatik gora daude izena emanda proiektuan.
Jasotako organikoagaz konposta egingo da, eta konpost hori udala Larruskainen landatzen ari den baso autoktono publikoan erabiliko da, lurra ontzeko.
Potoa lokaletan lagatzeko aukera
Nahi duten herritarrei potoa lokaletan lagatzeko aukera eskainiko die udalak. Momentuz, lokal bat egokitu du, lehengo Arenosaneko zapatadendan (Antiguako Ama kalean). Lokal horretan astean hiru bidar euren hondakin organikoa laga nahi duten herritarrek hemen eman behar dute izena: ingurumena@ondarroakudala.net edo 94 683 3677. Laster lokal barriak egokituko ditu
Bi urterako proiektua
Hondakin organikoak batzeko sistema hau behin-behinekoa izango da, bi urterako proiektua. Bi urte barru hondakinak jasotzeko kontratua barritu beharko da, eta orduan herri guztian organikoa jasotzeko sistema orokor eta behin betiko bat ipini beharko da. Udalaren asmoa da sistema berri hori herritarrek aukeratzea (alboko herrietan egin duten modura), beti be Europa mailako birziklatze mailetara ailegatzeko.
Lau urtean Ondarroako Udalak bide ona hartu du gure inguru naturala zaintzeko, baina gauza asko daude egiteko oraindik herri ekologiko bat lortzeko.
BATZORDEA MARTXAN. Duela lau urte udaleko ingurumen batzordea berriro martxan ipini zen. Erabaki ona izan zen, bertan batzen garelako ingurumenarekin arduratuta gauden herritarrak, arazoei irtenbideak topatzeko. Hurrengo lau urteetan ere batzordeak martxan jarraitzea eskatzen dugu.
Atzo, eguzki talde ekologistik antolatute, energixa berriztagarrixan kontsumo kooperatibak ezautu genduzen ondarrutarrok.
Gaur egun hiru lau enpresa handik bakarrik sortzen eta banatzen dabe etxitako energixi. Negozixo handixe da, eta gitxi batzuk aberasteko balixo dau.
Goiener moduko kontsumo kooperatibak etxen dabena da eurak erosi energixi eta eurak komertzializa bazkidin artin. Erosten daben energixik zertifikau bat dauke, energixa berriztagarrixana. Zemat eta jente gexa apunta halako kooperatibeta, enpresa handixak gerua eta energixa berriztagarri gexa sortu biko dabe. Gainea, irabazi asmoik eztakarrenez, Goienerrek lortutako irabazixak energixa berriztagarrixan produkzinoin inbertiutetxu.
Hanen dakazue informazinoi gexa: http://www.goiener.com/eu/faq/
Udalak Larruskainen dakazen lurretan arbolak landatzea jun diz gaur ondarrutarrak, eta batxe Bizkai guztitxik etorritxako jenti be. 175 arbola sartutxuez. Batez be haritzak eta urkixak.
On dala bi urte martxan ipinitxako proiektu de hau, Lurgaia fundazinoi eta udalan artin, eta asmu de bertoko arbolakin 15 hektareako baso bat sortzi.
Turrune! 