Honek diz Aurrerako taldik asteburun jokatuko dotxuen partidun tokixak eta ordutegixak:
Egilea: turrune
EH Bilduko ekitaldiko irudixak
Kofrai Zaharra bete-bete eindde! Zeinek esan dau domekan etxin geatzeko? Domekan EH Bildu! Bara inddarra, ta bada gogu!
Ekitaldi hasieran bideo desbardinak ikusi ahal ixan diz: kanpañako bideu, herriko preso eta iheslarixak einddako deixe. Ondoren, JULEN ARZUAGAk hasieran JOSE FORERO euki dau gogun. Ondarruko herrixe goraipatu dau, herri desberdiñetatik etorritxako gixon-emakumik zelan bat eindaben gure herriko ibilbidiaz. Gero, ordu erdiko berbaldixin azaldu dau JULENek Madridea jutik zelako balixu dauken gure herrixantzako. Esaldi honeaz amatxu dau:
Madridea guz, gehixa Madridea jun biharrik ez eukitxeko!
Justizixi nahi douelako!
Demokrazixiai baietz!
Konponbidiai baietz!
Autodeterminaziñoiai baietz!
Amaitzeko, herriko gaztik zabaldu daben bideu be ikusi ahal ixan da.
EH Bilduko ekitaldixan leku aldaketi
Gaur arratsaldeko 7 retan Alamedan etxeko zan ekitaldixe aldaketa bat dauke. Eguraldi txarra dala ta Kofradi zaharrin eingo da. Horren aurretik erahilketa matxisti salatzeko eingo dan konzentran eongo gaz. Han ikusiko gaz.
Zaharralduntze Feminista tallerra Etxelilan
Adiñe eta generu gure gizarteko diskriminaziñoi forma handixenetakuk diz, arrazarekin batea. Taller hauetan, ADINKERIA SEXISTA ixeneko fenomenu ezautu, emakume zaharran arteko sari eratu eta ahalduntze pertsonal eta kolektibuk garatzeko aukeri eukiko dou.
“Zaharrak zuen etorkizuna gara” lelo ederra ixango litxake emakume zaharrak beste begi batzukin begiratzen hasteko eta gure buru be, beste ikuspegi batetik ikusteko. Bazatoz?
Datorren astetik aurrera (hilak 13), eguazten goxetan Etxelilan!
Azaroak 7 (eguena) konzentraziñoi Alamedan: ERAILKETA MATXISTAIK EZ!
Emakume bat hil dabe Baxonan ta hori dala ta elkarretaratzi eingo da herrixan eguenin (A-7) arratsaldeko 19:00etan Alamedan. Etorri ta salatu geuaz batea.
Azaroko ekintza musikalak UNANUE udal musika eskolin eskutik
Azaroak 6 (eguaztena) OIER GOROSABEL LARRAÑAGA, RADIXU irratian (105,5 FM)
Bixar, eguaztena, gabeko 10etatik aurrea, AZKEN MOHIKANOAK irratsaiun…
OIER GOROSABEL LARRAÑAGAi enyako ELKARRIZKETI eskeiñikou.
Bere lanbidez, irrati libreetan einddako jardunaz eta espeleologiaz berba egingo dau. Bereziki Berritxuko ATXURRA eta Lekeitioko ARMINTXEko haitzulutan topatakuaz…
Entzuteko; 105.5 FM edo www.radixu.info
[ 🎥 BIDEU] Domekan (A10) EH Bildu bozkatzeko gaztin deixe!
Ondarruko Ernaikuk herriko gazteixiai madriden gaztin ahotsa ordezkatzen daben alderdi bakarrai bozkatzeko deixe luzatu dotse bideo honetan, hainbat arrazoi azpimarratzen dotxuez datorren domekan (Azaroak 10) hautetsontzixak boto abertzale, feminista, sozialista eta antifaxistaz beteteko.
Gaztik argi dakarre! Ta zuk?
Ondarruko PENTSIONISTAK gaur be kalin!
Azaruko lelengoko asteleheneko irudixe da beheku, herriko pentsionistak aterkin azpixan pankarta atzin euran eskubidin alde. Eurixak ez dotxu kikildu ta betiko jende kopuru batu dizela esazku antolatzallik.
Amatxu diz V. jardunaldi FEMINISTAK
Gaur Euskal Herriko mugimendu feministiai erraieta beatu (barrure beatu) eta etorkizuneko erronkak plazaratzeko egune ixan da.
Dudaik ezta, jardunaldixak emon dabena baloratzeko epe luze bat eta beste erritmo bat biko dala. Eztabaidatutaku, entzundaku, esandaku, landutako gaixak barneratu eta geureganatzeko.
Dudaik ezta bez, epe motzin, eta bixitxaku ondion bero dala, zeozer pasa dala, ja ez gazela lehen egunin etorri ginan bardinak, asko ikasi eta mobiu gazela, eguneratu gazela, inddartu gazela eta inddarra gazela! Uau 3.000 emakume alkarreaz, kolosala ixan da.
Etorkizunin zer?
Erronka asko daz, indar eta potentzialitate honetan. Ez ga moda bat eta ez ga salgai, feminismu ezta zuritzeik. Sistemi eraldatzi ezinbesteku re.
Zein ga GU? Etengabeko eraikitze, kuestionate eta zaintze bide bat ixango ra bidi. Sujetu iraultzaili indarbarritzea gatoz! Intersekzionalitati jorratu eta praktikan eraldatzi ixango ra erronketatik bat honetako. Zaindu ein bir de kolektibotasune eta aniztasunan artikulazinoi. Zelan ein? Bide gatxe ra baine ein nahi douen bide bat. Danok leku dakauen borroka bat ixan bihir gaz!
Eta zer/zelan? Sistemi eraldatzea guzela, praktikatik, egunerokotasunetik norbera eta kolektibu interpelaten, euskal agenda sozial eta politiko propixo bateaz… kapitala erdigunetik kendu eta zaintzatik beste herri eredu bat eraikitzea guz. Sistema kapitalista (hetero)pratriarkal kolonialisti arrakalatzea guz. Euskal Herri feminista bat eraikitxea bidin, dana eraldatzeko prest! Salda badago!
