Honek diz asteburu honetan Aurrerako taldik jokatuko dotxuen partiduk, orduk eta tokixak.
Month: urtarrila 2018
IPARRA GALDU BAIK plataformin prentsa oharra IBONen egoerin ingurun.
Hauxe mezuau zabaldu dabe IPARRA GALDU BAIK plataformatik sare sozialetan, Ibonen egoerin ingurun:
IBONEN INGURUAN IPARRA GALDU BAIK HERRI PLATAFORMAREN PRENTSA OHARRA
Azken orduotan, Ibonen inguruko hainbat berri zabaldu dira: jadanik Arrasateko Aita Meni ospitalean dagoela, gaur arratsaldean iritsiko dela bertara…jada etxean dagoela ere zabaldu da.
Horren inguruan esan dezakeguna hauxe da:
1. Ibon, atzo, Alcalá-Meco-ko espetxetik atera zuten.Hasiera batean, trasladoa ostiralean izango zela iragarri zioten eta ez zioten denborarik ere eman bere pertenentziak jasotzeko.Kontutan izan behar dugu, Ibonek HIESA C estadioan izateaz ezezik, ikusmen arazo larriak dituela burmuinean duen orbanarengatik.
2. Ez dakigu Ibonek gaua non pasatu duen ere, beste espetxe baten izango zen, seguruena, baina ez dakigu non. Aurreko traslado guztietan, “transito”-ko ziegetan egunak eman izan ditu ditu eta ez daukagu arrazoirik oraingoan baldintza hobeago batzuetan egongo dela pentsatzeko. “Transito”-ko ziega hauen baldintza higieniko-sanitarioak tamalgarriak baino tamalgarriagoak dira, gune aproposak edozein infekzio hartzeko, hain justu, une honetan Ibonentzat hilgarria suertatu daitekeen egoera.
3. Espainiar administrazioak, Ibonen trasladoa anbulantzian izango zela hitz emanda zuten eta, ez zen horrela izan, ibilgailu polizialetan baizik. Aurretik izandako lekualdaketa gehienetan oso egoera bortitzak jasan izan ditu Ibonek ( mehatxuak, isekak, eskuburdinak gerriaren atzekaldean, muturreko beroa edo hotza…) eta oraingoan ere egoera hori bizitzen ari den ala ez ziur ez badakigu ere, senide eta lagunok kezkatuta gaude.
4. Ibon Aita Meni Arrasateko zentrura eramateko agindua, duela aste batzuetakoa da (iazkoa jada) baina, antza denez, epaitegitik kartzelara bidali behar zuten agindua “traspapelatuta” egon omen da.
Ibonekin egiten ari direnak ez dauka hitzik. Epaileak agindutako mediku inpartzielek egindako 3 txostenek Ibonen egoera oso larria dela esan arren, ukatu egin nahi diote bere etxean egoteko aukera. Gogoratu behar dugu Ibon 2011eko urritik 2014ko martxoraino, espetxealdi arinduan egon zela pultsera telematiko batekin. Zergatik ez dute beraien legea betetzen eta Iboni espetxealdi arindua aplikatzen, ukanbehar guztiak betetzen baditu?Mendeku gosea eta oinarri oinarrizkoenak diren giza-eskubideekiko errespetu eza adierazten dute euren ekintzek.
IBON ETXERA EKARRI ARTE, TINKO JARRAITUKO DUGU!
LIBRE eta BIZIRIK NAHI DUGU IBON eta GAINONTZEKO LARRIKI GAIXO DAUDEN PRESOAK.
IPARRA GALDU BAIK, DANAK ETXEA!
Urtarrillak 29 (astelehena) hitzaldixe Beikozinin: Inteligencia artificial ¿Progreso o Amenaza?
Zientziaren giltzak elkartik urtarrilleako antolatu daben hitzaldixe astelehenin 29 arratsaldeko 18:30 eingo da. Hizlarixe J. Antonio Lozano Alonso ixango da (matematikaxe eta informatiku)
Astin erungo dabe IBON Arrasatea!
Zurrumurruk entzuten hasitxe geuazen ongo egunetan, eta gaur komunikabide español batzuk konfirma dabe IBON Arrasatea ekarriko dabela. Ez dou argitaratu nahi ixan; IBONen abokatuk HITZAi baieztatu dotzala entera gazenearte.
Abokatuk esan dabenez, gaur gabaz ero bixar esperoten da Ibon Arrasateko Aita Meni ospitxalea ekarti, eta erun bitxartin Zaballako espetxetik pasako da.
Seguru IBON Alcala Mecoko espetxin baino hobeto egongo dana Arrasaten, baine ezinddou ahaztu dakarren gaixotasun atzeraeziñe, IBON ETXIN egon bilitxake aspalditxik, etxekukin eta lagunakin! Arrasaten egon arren preso jarraitzen dau IBONek, eta ezin gaz gelditxu eskubide guztikin ETXEA EKARRI ARTE!!!
Hamen HITZAn albiste osu:
Alcala Mecotik atera dute Ibon Iparragirre, Aita Menni zentrora ekartzeko
Urtarrillak 26 eta 27 xan Ikastaru Etxelilan: Klowna feminismotik
Irakasli: Beatriz Egizabal (Ipuin kontalaxe eta pailazu) Egutegixe: Urtarrilak 26 eta 27xan Ordutegixe: Urtarrilak 26: 16:00etatik 20:00eta; Urtarrilak 27: 10:00etatik 14:00eta Leku: Etxelila
Ikastaruaz: “Pailazokeririk ez egin” entzungo zenduen askotan, ongun pailazokexak egin beharko dozu. Pailazo-klown kodigun murgiltzeko hasierak emongo dou eta ikuspegi feministi be emongotzau.
Antolatzaili: Berdintasun Saila – Etxelila
Urtarrillan 26 (baixaku) SKAKEITAN +SUSTRAJAH BAND Beikozinin
TRIPONTZIAn zenbaki saridune
Ixe 2.000 billete saldu diz Ondarrun TRIPONTZIA zozketakuk herriko denda ta tabernetan, bañe eztou suerteik euki. 09550 zenbakixe ixan da saritxu eta URDUÑAn saldu de. Hurrengun ixan biko da.
Urtarrillak 19 (baixaku) hitzaldixe Kofrai zaharrin: Arrantza ekonomia globalizatun aurrin
[IRUDIXAK] 100.000 lagunek, PRESO ETA IHESLAXAK ETXEA ekarteko eskatu dou Bilbon!
Eurixe, hotza, haxi… fenomeno klimatologiko guztik geure kontra euki douz beste behin be, baine eztiz ixan nahiku gure aldarrixak ixiltzeko! Garan kalkulun arabera, 100.000 lagun batu ga gaur bilboko kalitan! 95.00 lagun GIZA ESKUBIDIK, KONPONBIDI eta BAKI eskatzen! Ta zelan ez PRESO ETA IHESLAXAK ETXIN bihir douzela aldarrikatzen!
Aurretik altzatako postin esan douen modun 3 autobuskara eta hainbat eta hainbat lagun jun ga garraio publikun, kotxitan…
Hamen gaurko manifestaziñoik laga doskuzen irudi eder batzuk!
Urten dou ondarrutarrak Bilborutz…!
3 autobus bete-bete eindde jun diz zaldupetik 15:30xak pasautxu! Beste asko ta asko goxetik kotxitan eta Bizkaibusin aurretik junde!
Gaurku handixe ixango eide, badakau pozik egoteko arrazoik gaur, bake artisau dan Txetx Etcheberryk esan daben modun hurrengo astitan Frantziko estatun bahitxute dakarren Euskal Herritxarrak sorterriko kartzeleta ekarrikotxuez! Barri pozgarrixe, baine ez gaz gelditxu bihir eskubide guztikin DANAK ETXEA ekarri arte!
Turrune! 