ZINEMA IKUSIEZIÑE (film sozialak) ikusteko aukeri eukikou datorren domekan arratsaldeko 6:30xetatik aurrea Kofrai Zaharrin. Sarreri, debalde ixango da.
Urriak 13 (domeki) Zine emanaldixe Kofrai Zaharrin!
Herriko PENTSIONISTAK borrokan jarraitzen dabe!
Alameda erdixan ikusi douz gaur be herriko pentsiodunak, aterkin azpixan bañe gogor. Gaur 135 lagun batu eidiz pankarta atzin esazku antolatzalletako batek (tartin herriko alkati). 20 minutuz egon diz bertan ta astin egon dizen barrixan ingurun entzun eta gero, datorren astin be bertan batuko eidiz baieztatuzku. Jo ta ke lortu arte!
ROALeko bihargiñak mobilizaziñoikin jarraitzen dabe!
Ez diz geldik geatuko ROALeko langillik euran eskubidin defentsan. Biharra ein eta soldataik kobra bez? Nun ikusi de holakoik. Hori dala ta mobilizaziñoi desberdiñak eingotxue egun eta toki ezberdiñetan. Hadi! Borrokatu baik ezta ixe lortzeik!
Urriak 8 (martitzena) HONDAKIÑAN ingurun herri batzarra kofrai zaharrin!
Urriak 8, martitzena, arratsaldeko 19:00etan Kofradia Zaharrin herri batzarra eingo da HONDAKIÑAN ingurun Udalak eta Lea-Artibai Mankomunitatik deitxute. Hondakinak biltzeko sistemin inguruko erronkak azaltzeko eta ekarpenak jasotzeko. Danon arduri dalako ingurogiru, etorri zeu be!
Indarkeriaren oi(h)artzunak dokumentala domekan (Urriak 6) Kofrai Zaharrin
Esteban Muruetagoiena mediku ondarrutarran kasu ardatz hartute, beran alaba Tamara Muruetagoiena protagonisti daben ‘Indarkeriaren oi(h)artzunak’ dokumentala:
Urrixan 6, domeki, 13:00etan eta 19:00etan Kofrai Zaharrin. Eguerdiko saiun dokumentalan zuzendaxak egongo diz bertan eta iluntzekun Tamara Muruetagoiena
Gonbidapenak Turismo Bulegun hartu bir diz aurretixaz.
AURRERA futbol taldin astebukaerako partiduk!
Honek diz astebukaera honetan AURRERA K.E. futbol talde desbardiñak Zaldupe udal futbol zelaxan jokatuko dotxuen partidun egun eta ordutegixak. Aupa Aurrera tra ka tra!
ERREBALA TXIKIÑE Gazteleku zabalik!
Errebala Txikiñe Gazteleku zapatun (urriak 5) zabalduko da, 11-16 urte bitarteko umintzat. Zapatutan 17:00etatik 21:00eta eongo da zabalik eta domeketan 16:30etik 20:30eta.
Urriak 6 (domeki) dokumentala Kofrai Zaharrin, Indarkeriaren oi(h)artzunak!
Ongo domekan (U-6) bi emanalditxan (eguerdixan ordu batetan eta arratsaldin 7retan) dokumental gogorra ikusteko aukeri eukikou Kofrai Zaharreko 2.solairun, Indarkeriaren Oi(h)artzuna ixenburuaz. Eguerdiko saiun dokumentalan zuzendaixak eongo diz eta illuntzekun, Tamara Muruetagoiena. ESTEBAN MURUETAGOIENA SCOLA mediku Ondarrutarrai gertatutako bixipenak kontatetxuz dokumentalak (Torturan eragiñez hil zana). Saiutako gonbidapenak, Turismo bulegun hartu birdiz. Osteabe ez errepikatzeko, memoixi landu birdou!
ERROMEXAKO PREST? Dantza ikastarun emon ixena!
EUSKAL DANTZAN IKASTARU antolatu dau KRESALA KULTUR ELKARTIK Urritxik-Abendure edo eta Urtarrilletik- Apirillea. Erromexetan eta jaxetan dantzatzen dizen dantzak erakutsikotxue bertan, Txulalai, San Petrin, Larrain dantzi, Agurre…Baldintza bakarra, 14 urtetik gorakuaua ixati eta ixena emoteko ordun, azpixan agertzen dan telefonure deitzi edo beheko korreo elektronikure idazti. Anima hainkak astintzea!
Alamedako PENTSIONISTAK kurtso barrixe hasi dabe!
Indarraz hasi dabe gaur eguerdixan kurtso barrixe herriko PENTSIONISTAK. Antolatzallik esazku 155 kontatxuela pankarta atzin gaurko konzentraziñoin. Ez dabe aldatu euran helburuk, PENTSIÑOI DUIÑAK DANONTZAT, 1080 euro pertsonako. GIZARTE SEGURANTZA NORBERANA eta DISKRIMINAZIÑOIRIK EZ GENERO MALLAN. Iñor eon leike eskakizun honen kontra? Datorren astelehenin be han batuko eidiz esanaz amatxu dabe gaurko ekimena. Jo Ta Ke LORTU ARTE!
Turrune! 