Gabon jaxai agur esateko ordu alla da eta asteburun egitaraun azkanak emotze. Baixakun Polikiroldegixan umintzako ekitaldi nausixe egon zan PORROTX eta MARIMOTOTXen zuzendaritzapin. TXIRRIMORRASKI taldi omendu ben emanaldixan, 30 urte bete dabelako herriko gaztetxun aisialdixe jorratzen.
Beste alde batetik gaur (domekan) urteroko bertso jaialdixe egon da Beikozinin eta bertan puntako bertsolaxak entzun ahal ixan dou (Andoni Egaña, Maialen Arzalluz, Aitor Mendiluze eta Miren Artetxe.
Euskal Memoriak gogoratzen doskun latxeik, gaurko egun batez on dala 37 urte Jose Luis Bakeriza Larrinaga ondarrutar iheslaixe gaxoik hil zan erbestin, Baxonan.
Honek diz Aurrerako taldik asteburun jokatuko dotxuen partidun tokixak eta ordutegixak.
Ondarru Zero Zamar taldik bixalduskun idatzixe:
2018xan ondarrutarrok lortu dou hondakinan erdixak sailkatu eta reziklatea bixaltzi.
2019xan be hobetzen jarraitxu bir dou, zamar gitxia sortu eta halako irudixak ez errepikatzeko.
Urte barrixin be hondakinak murriztu, berrerabili eta birziklatu.
(2019ko urtarrilan 1in atatako argazkixe)
Beste urte batez, herriko ERNAIko gaztik, GAZTE AUTOBUSE antolatu dabe Urtarrilan 12 xan Bilboko manifa juteko. Ixena emoteko, formulaxu beteta nahiku de!
Hauxe da saritan zabaldu daben mezu herriko gaztiai mobilizaziñoin parte hartzeko deixe etxen:
URTARRILAK 12an GAZTIOK BILBOA! Orain da garaia! Presorik gabeko Euskal Herria! ↗️↙️
Beste urte batez, urtarrilan 12an mobilizaziñoi erraldoi egongo da Bilbon. Badalako garaixe, preso, iheslari eta deportatu politiko baiko Euskal Herrixe eraikitxeko!
Gaztiok be han egongo ga!
GAZTE AUTOBUSE ONDARRUTIK:
🕒15:00etan
📍ZALDUPETIK
💰5€
📝Emon ixena:
GAZTIOK ZEUEKIN!
DANAK ETXEA!
Ondarruko Ernai
TURRUNE osatzen douenon partez URTE BARRI ON DANOI!
Zelan ez, aurtengu be urte bixixe ixan da gure herrixan, danetako barrixak euki douz, onak, eta ez hain onak, tristik eta ez hain tristik. Argi gelditxu gazku TURRUNE osotzen douenoi mugimenduz betetako herrixan bixi gazela, horren adibide diz urte honetan sartu douzen albiste, ekimenan barrixak, argazkixak…
Garaixak aldatu arren eta burrukako eta mobilizaziñoiko beste errealidade bat bixi arren gure herrixan, gure helburuk beteteko bidin duz eta aurrea duzen burruka nekaeziñak nabarmenak diz! Euskeri, Feminismu, Herrigintzi, Preso eta Iheslaxan aldeko burruki, Kulturgintzi, Ekologismu, Independentzixi, Eskubide sozialak…
Aurten be, herrixan falta gazkuzenak ehunke kilometroa dazela hasi bihir dou. Besarkada bat BOTX, INDIXU, IBON eta AITZOL! Matxe zaittuau!
Ezin dou ahaztu, aurten herrixak jaso daben albiste gogorrenetariko bat, Ekai Lersundi gazte Ondarrutarran herixotzi. Besarkada bat senide eta lagunai! Gora LGTBI burruki! Gero arte EKAI!
Gure artetik beste batzuk be jun diz urtintzir. Militante, kide, lagun eta herritxarrak muso handi bat euran senidiai: Maria Luisa, Edur, Txentxe, Marian, Julian, Kiri…
2018 jun gasku, 2019 etorkizune da, iraganekuaz ikasi, erronka barrixak ipini eta betiko helburuk ipar hartute danok ga beharrezkuk burruka honetan! Ez gaz gelditxuko Euskal Herri aske, sozialista, feminista, euskaldun, ekologisti… lortu arte!
Gora GU ta GUTARRAK!!
Hutsuni egunero sentiuten dou, urteko 365 egunetan, egunerokotasunin gertaten gaskun edozein gertaeran aurrin eurakin konpartiuti gustako leuskukelako, eta ezin. Urte sasoi honetan baine, gabonetan, hutsunak ondio be hutsuna handixaua bihurtzen diz, familixi eta lagunak batzeko egunak dizelako, edo tradiziñoiz holan bixi ixan douelako. Kanta dou aurten be “Hator, hator lagun” sentimentu guztiaz, noiz beteko gure desiu, malku beixan; ANARTZ, INDI, IPARRA, AITZOL eta beste hainbat euskal errepresialatu politiko dakauzelako gogun.
Kanta dou, eta kantaten jarraitxuko dou, kantaten daben herrixe iñoiz ez dalako hilko, eta near be eingo dou hutsuna horrek sortzen doskun miñaz, baine arnasi hartu eta irriparri ahuan, aurrea eingo dou, bidi argi dakauelako zein dan.
Urtin tzir ekimen asko egoten diz preso eta iheslaxan etxeratzi aldarrikatzeko, gaurkun baine editorial honetan urtarrilan 12 xan Bilbon “Orain Presoak” lemapin eingo dan manifestaziñoin inportantzixi nahi dou azpimarratu. Giza eskubidik, konponbidi, baki. Ibilbide orrixe badakiau zein dan, baitte herri honek merezi daben elkarbizitza eta baki lortzeko; preso eta iheslaxak geure artin bir douzela be, horretxeatxik “Orain Presoak”! Bide horretan danok gaz beharrezkuk, goazen Bilboko kalik gainezka betetea; kuadrilan, familixan, klasekukin, biharrekukin, ginasixukukin, lokalekukin, ekipokukin, korukukin, auzokukin… Goazen ingurun dakauen lagun guztiai Bilboa juteko gonbiti eittea!
Bakotxak beran esparrutik, bakotxak berak ahal daben neurrixan, baine argi eukitxe danok gazela beharrezkuk… aurrea!
ASIER, AITZOL, IBON eta ANARTZ geure artin nahi eta bir douz; Orain Presoak!
Ondarruko Udalak “Giza Eskubidik-konponbidi-Baki, EUSKAL PRESOAK EUSKAL HERRIRE!”Lelopin eingo dan elkarretaratzeko dexe etxen dau. Gabon Zahar Egunin (abendun 31) 13:00tan ixango da elkarretaratzi Alamedan.
Turrune! 