Gure Esku erabakitxeko eskubidin aldeko mugimenduk, esko artin dabilen “Herri Libre Bat” dinamiki aurkeztuko dau Ondarrun Apirilan 13an 13:30etan Udal erakusketa aretun.
Apirilan 7 an hasitxe, hilan 13re arte argazki erakusketi be egongo da.
Ekainak 7an zitxa garrantzitsu dakau bilbon Euskal Herrixak erabakitxeko eskubidi daukela aldarrikatzeko. Daneako motorrak berotzen hasitxe daz herriko gure eskuko kidik.
MUS TXAPELKETI
🗓️Apirilak 11, baixaku
🕖19:00tan
📍Gaztetxin
Bikoti apuntateko 3 aukera daz
-Anaitan eongoran listan apuntati
-Sare sozialetatik idazti
-Bertan eunin animaezkeo agertu te listo (eskertzenda ariña apuntati kalkuluk ein ahal ixateko)
Pintxuk eta giro ona eongora! Anima!
P.D.: ezpaakixue bañe ikasteko gou baakazue etorri!!! Aukera onara ta!
Goxeko lehen ordutan jaso dou albisti, Loren Arkotxa Meabebasterretxea zendu dala goxaldin [Apirilak 7] 80 urte eukazela.
Loren, “Arteta” modun ezaune nausi askontzat, gaxotasunak erusku geure artetik. Ondarruko Arteta baserrixan jaxo zan Loren 1945in. 17 urte eukazela Australire jun zan, basogintzan biharra eittea. Ixez herrixan ein zan “Basques in Australia” erakusketan jakin ixan genduzen beran eta beste hainbat herritxarren bixipenak zehaztasun gehixauaz. Kanadan be ibili zan biharrin Euskal Herrire buelta ein aurretik.
Urruntasunak ez eutsan euskaraik eta Euskal Herrixanganako maitxasunik desagertarazi. Herrire buelta ein eta mobimiento desbardinetan ibili zan; Zubi Zahar Herri ikastolan, Artelanen, Herri Batasunan…
Eta holantxen, Ondarruko alkate be ixan zan. Ondarruk euki daben lehenengoko alkate abertzali. 3 legegintzalditan ixan zan alkate; 1987tik 1995ea eta 1999tik 2003ra arte. Herri Batasunatik lelengo eta gero Euskal Herritarrokeaz. Berak esaten ban modun, beran militantzixi ikusgarrixe zan, baine zenbat kiden ezkutuko bihar eta borroka beraz batea… Alkatin figuriaz sarri pasaten da hori, pertsona bakarrin ipintxen da foku baine dauken taldi, ezkutuko sare hori; etxekuk eitten daben sustengu… horrek baik… A zelako komunidadin parte ixan zan Loren bera be! Eta horretxek eitten gaittu handi mugimendu modun, geure komunitatik.
Alkate eta Udalbiltzako lehendakaxe be ixan zan, ilegalizaziñoi garaixan be sartu ginan. Udalbiltzan kontrako operaziñoi matxan ipiñi eta 21 lagun auziperatu zitxuezen, horren artin Loren. Hori dala eta kartzeli be ezautu ban. Kartzelaratzik ez eutsan gorrotoik sortu, hain argi eukan eta holan esaten eban ondo gebizela eta lortuko gendule…
Lorenek bixi-militante luzi euki dau. Militaten hasi zanetik, zelan aldatu dan testuinguru, mundu bera, gure herrixe eta batez be, mugimenduk berak be zelako garapena euki daben… Estrategixa kanbixu, belaunaldi aldaketak, krisi ekonomikuk, pandemixi, mugimendu ezberdinan sorreri (pentsionistak, zaintza…) internet eta sarin agerpena, greba feministak, indarkexa matxistiai aurre hartu nahixak eta eraldaketa feministi… Zelan aldatu gatxu horrek danak! Eta Lorenek, ibilbide horretan jakin ixan dau alde argi, baine batez be ilunetatik; minak errebisa eta mugimenduaz batea eraldatzen.
Loren, jarraitxuko dou borrokan; garatzen eta eraldatzen. Helburu douen Euskal Herri independiente, Sozialista, euskaldun, feminista eta ekologisti lortu arte. Ziri-mirixe ixaten jarraitxuko dou.
Besarkada handi-handi bat etxeko eta lagunoi!
Martxoak 30in Palestinar Lurran Egune ixan zan, hori dala eta Gernika-Palestina herri ekimenak mobilizaziñoik deitxu dotxuz Euskal Herriko herri guztitxan apirilan 8rako.
Mobilizaziñoi eta elkartasun keinu ugariren artin, gure herrixak barriro erakutsiko dau herri palestinarraz gazela eta euran burruki geuri be badala! Beraz mobiliza gatxezen. LURRE, JUSTIZIXI eta BAKI palestinar herrixantzako. PALESTINA ASKATU
Honek diz astebukaera honetan AURRERAko futbol talde desbardiñak jokatukotxuen partiduk Zaldupe udal futbol zelaxan, egun eta ordutegixak. Aupa AURRERA tra ka tra!
Gaur 9. greba egune euki dabe EAEko unibertsitatez kanpoko hezkuntza publikuko irakaslik eta beste behin arrakasta izugarrixe euki dau. Milaka lagun batu diz Gasteizko kalitan kalitatezko hezkuntza publiko duin baten alde. Euran aldarrixak honetxek ixan diz: ratixun jeitsieri, burokrazixi gitxitxu, ordezkun baldintzak hobetu, gazte barritze plana, baliabidik gehitxu, lan hitzarmena barriztu…
Aurtengo ikasturtin urtarrilin hasi zin grebakin, gero otsailin jarraitxu ben, martxun be beste hiru eguneko grebak euki zitxuezen eta azkanak apirilin ixan diz. Gasteizen ein daben azkan manifestaziñoire Ondarrutik bi autobusek urten dabe.
Edozein langilek greba baten aurrin bi jarrera hartu leike, grebiaz bat ein edo biharrea jun, bixak zilegixak diz. Greba batzen danak hobekuntzan aldeko hautu etxen dau eta biharrea dunak beran motibuk eukitxen dotxu (ez dau etxen bat eskakizunakin, hipoteki daukela eta ezinezku dabela, seme-alabak daukela eta diru galerak daukezela, oporretako diruk gorde bitxule, sindikatukin ez dala ados…) Kontutan euki birana da, greba egun bakotxak diro galera handixe suposaten dotsala langileguai eta halan da guzti jarraipen handixe euki dau grebik.
Gure zalantzi hau de: ixe lortu ezkeo ez dabenak grebaik etxen, grebiaz lortutako onurai uko engotze? Kontsekuentik badiz euran erabakixaz hori enbikoleuke. Bañe narru lodixe daukenez, ezta hori gertako. ESKIROL hitze zelan definiuten dau jendillaje honek?
Zerta datorren editoril hau? Ondarruko hezkuntza publikuko langilik BETI egon diz edozelako borrokan aurrin, ixan langilin aldekutan (zaharrauak dizenak gogoratuko dabe ondioik ondarruko institutuko irakaslik bere sasoin, PNN profesores no numerarios erun ben burrukiaz edo arazo politikun aurrin atzin ezin geatzen, politika feministi bultzatzen greban, etab.) Bañe denporak aldatu etxen diz, lehen lelengokuk bazin kalea urteten, ongun Ondarruko institutuko gexenguk ez dau bat ein greba deialdixaz. Diru faltan ete dabiz herriko institutuko irakaslik?
Halan da be, esan birde EAEn arrakasta handixe euki dabela greba ziklo honek. Guk argi dakau gauza bat:
Borrokatuz lortzen dizela hobekuntzak.
Gaur, apirilak 2, eguaztena, 18:00etan, udaletxeko batzar gelan batuko gaz Euskaraldixe prestatzen hasteko. Batzorde zabala egituratzeko dei etxen dau Ondarruko Udalak herritar eta eragile guztioi. Gogoratu, EUSKARALDIXE Maiatzak 15etik 25ea eingo dala, ELKAR MUGITUZ, EGINGO DUGU!
Egueldi ederraz batu diz gaur eguerdixan Alamedan herriko PENTSIONISTAK. 12xak puntun zabaldu dabe pankarti ta atzin 130 lagun ipini diz (tartin alkati ta udaleko hiru zinegotzi).
Siñadura bilketin gainin esan dabe 100 000 siñadura baino gehixa batu dizela HELren alde, bañe Maxatzan 3rarte eongo dala papera Udal bulegutan baten batek ondion ez badau siñatu be. Gero Maxatzan 15in Gasteizko Legebiltzarrea erungo diz.
Horrez gain, zapatu honetan Bilbon eingo dan mobilizaziñoin parte hartzea anima dabe Alamedan batutako guztik; ixan be, Euskal Herriko Pentsiodunen Mugimmenduk apirilaren 5erako manifestaziñoik antolatu dotxu Hegoaldeko lau hiriburutan. Deialdi honek ELA, LAB, ESK, CGT, CNT, Steilas, EHNE, Hiru, Mugimendu Feminista eta beste hainbat elkarteren babesa jaso dau.
Datorren astelehenin be Alamedan batuko eidiz esanaz amatxu dabe gaurko ekimena. Jo ta ke LORTU ARTE!
BOGA mendi martxi, Ondarruko Zubi Zahar herri Ikastolik (Aurrera Mendi Taldin laguntziaz) antolatutako mendi irteeri de. Berau, Apirilaren 27xan ixango da eta hiru ibilbide desberdin eukikotxu adin zein forma fisiko desberdinak dauken jendik parte hartu dezan.
Martxa honek, hainbat helburu desberdin dauke bañe garrantzitsuenak bi direla esango geunke. Lelengoku, hurbiltzen diren mendigoizale guztik Ondarruko inguruko paisaiak eta toki berezixak ikusti eta ezagutzi mendi martxa bat eginez. Bigarrena aldiz, mendizale guztientzako jaialdi bat ospatzi eta haur zein nerabeei mendixak dauken ezaugarri positibuk erakusti.
Amaitzeko, gonbidapena zabaldu nahi dotzuau egun pasa egin nahi dozuen familixa guztiai eta mendixan denbora bat igaro nahi duen danai.
Ez gaz ahaztuteko. Memoixi dakauen bittartin gogoratuko zattuau eta gure ondorenguai erakutzikotzau zein ixan ziñan eta zer gerta gatzun.
Esteban, 1982Ko martxun 15in atxilotu ben, 10 egunez tortura gogorrak jasan zitxun eta 3 egunea hil zan torturak eragindako zaurixan ostin. Estatu españolak noiz onartuko dau komisaldegixetan gertatutakuk? Ondarrutar askorek pasa ixan dotxuen momentu gogorrak atxilo aldixetan argitxuko diz egunen baten?
Batzuk gure herrixan gertatutakun errelato bakarra nahi doskue inposatu. Geure arduri de datozen belaunaldixai justizixan eta erreparaziñoin oinarritxutako etorkizune bermatzi, zaurixak itxitxen saiatuz…
2024ko Urrixan Indarkeriaren Oi(h)artzunak dokumentala ikusteko aukeri euki gendun Ondarruko Udaleko kultura sailan eskutik. Dokumental horretan Estebanen alaba Tamara Muruetagoiena da protagonistieta beran bixipenetatik kontaten dau atxan histoixi. Dokumental hau Donostiko Giza Eskubidin Zinemaldixan saritxu ixan zan. Proiekziñoiaz gain, Udalak Tamaran lana errekonoziu eta eskertu ban justizixi, aitortzi eta erreparaziñoi bilatzea bidin einddako lana azpimarratuz.
Hamen lagaten dou Trailerra:
Turrune! 