Uncategorized

APIRILAREN 15ean, 2.BOGA! mendi martxa izango da. (Ondarroa-Ondarroa)

turrune

   Hiru ibilbide prestatu dituzte, iaz bezala, eta izena emoteko zerrendak zabaldu dira.
 
  Boga! mendi martxa Aurrera Mendi Taldeak antolatzen duen mendi irteera da. 2012ko    apirilaren 15ean izango da, eta hiru ibilbide edukiko ditu, adin zein forma fisiko desberdinak dituen jendeak parte har dezan. Martxaren izenak iazko Ibilaldiarekin lotura du. 2011n Ibilaldia Ondarroan ospatu zen BOGA! lelopean eta izena bera mantentzea erabaki dugu aurten ere.
 
IBILALDIAK
3 ibilbide mota egongo dira: Ibilbide luzea, ibilbidea motza eta ibilbide txikia. Ibilbide guztiek irteera eta helmuga bera edukiko dute (Zubi Zahar herri ikastola, Ibaiondo kalea). Ibilbide bakoitzak, irteera ordu desberdin bat izango du. Ibilbide luzea egin nahi dutenak 7:00etan irtengo dute; ibilbide motzekoek 8:30ean; eta ibilbide txikikoek, 10:00etan.
 
IZEN-EMATEA
Izena emateko epea, martxoaren 23tik  apirilaren 12ra izango da internetez: http://usuarios3.arsystel.com/aurreramt/ boga/index.php?Hizkuntza=es.  Edo Google-en bidez aurkituko gaituzu Boga Mendi Martxa idatzita.
Bestela, martxaren egunean bertan eman beharko da izena. Prezioak ondorengoak dira: Ibilbide luzea eta motza: 14 euro pertsonako internet erabiliz (15 euro egunean bertan izena ematen duenak) eta ibilbide txikia: 5 euro pertsonako. Dirua ondorengo kontu korrontean sartu behar da: Ipar Kutxa: 3084 0032 81 6400036080 eta ordain agiria irteera gunean kontrol-txartela jasotzerakoan aurkeztu beharko da.
Federatua egotea gomendatzen da mendi martxa hau egiteko. Antolatzaileek jarduera hau bertan behera uzteko edo atzeratzeko eskubidea dute, eguraldia edo bestelako arrazoiak tarteko.
ZERBITZUAK
Aurrera mendi taldeak bezperan lo egin nahi dutenentzako gelak prestatuko ditu, eta martxa egunean gosaria emango zaie irteera puntuan. Dutxatu nahi dutenentzat ere zerbitzua eskainiko da, bai helmuga puntuan, bai Ondarroako kiroldegian.
 
KONTROLAK
Parte-hartzaile guztiek dagozkien kontrol postuak igaro beharko dituzte, eta bertan agertzen diren orduak errespetatu beharko dituzte. Boga Mendi Martxako arduradunek kontrolak errespetatzen ez dituzten parte-hartzaileak kanporatzeko ahalmena edukiko dute.
 
ERRETIRATZEA
Ibilbidean zehar erretiratzen diren parte-hartzaileek antolatzaileei eman behar diete txartela, edo bestela 655721517 telefono zenbakira jakinarazi. Erretiratzeko puntu egokienak hornidura postuak izango dira, bertan ibilgailuak egongo baitira. 

“Hamaika ikusteko jaioa gara”. ONDARRUN ez sinisteku

turrune

Mossos per la Independència” sortu dute

Kataluniako hainbat poliziak ‘Mossos per la Independència’ kolektiboa sortu dute, “herrialdea sufritzen ari den erasoez kokoteraino” daudelako.
Independentziaren aldeko eragileak biltzen dituen ANC (Assemblea Nacional Catalana) batzarraren baitan eratu dute kolektiboa. Gironan sortu da, baina polizion helburua Katalunia osora zabaltzea da.
Mossoek adierazi dutenez, “Espainiaren parte batek sistematikoki apurtzen ditu Kataluniarekin dituen konpromisoak”. Horregatik, diotenez, “koherentea, etikoa eta ezinbestekoa” da taldearen osaketa publiko egitea eta den bezalakoa agertzea: “Euren herrialdea maite duen eta inposatutako espainiartasunarekin ados ez dagoen herritar talde bat”.

Ia gure artin dabizen TXAPELGORRIXAK adibidi hartzen daben. Guk ez dakau esperantza gehixerik  ze azken KANDIDOn ongi etorrixan, dozenaka ikurrin”susmagarrik” basin amaitxuben ta hori etxeko kapazak dizenak, zelan eongo diz EUSKAL NAZIÑOI baten alde?

Badator 2012ko erdi aroko jaxe!

turrune

Udalak bota dau hordagu: aurten Erdi Aruko jaxe eingou irailin ala? Antolaketan parte hartu nahi bazue, astelehenin batzarra eingo da.

Anima eta parte hartu. Danon artin kriston jaxe eingo dou eta!

Batzar eguna: Martxoak 12, astelehena
Ordua: 19:30
Tokia: Udal pleno aretoa

Zerbitzu publikoetako langileak, 4 orduko lanuzteak egitera deituak bihar,ONDARROAn ere bai

turrune

Besteak beste herriko ikastetxe publikoa, haur eskola ta institutoko langileak daude deituak lanuzteak egitera eta konbokatzaileek azaldu dutenez,  2012. urtean EAEko zerbiztu publikoetan murrizketak areagotzeak egoera larrian ipiniko du hezkuntzaren kalitatea: “Aurrekontuetan gutxitu egin da oinarrizko zerbitzuetara dedikatzen den dirua. Hori dela eta, ikaslegoaren hezkuntza kalitatea arriskuan jartzen da”.

Murrizketek ondorio larriak ekarri dituela salatu dute:

  • Ordezkapenak betetzeko irakasle falta.
  • Aniztasunari erantzuteko zailtasunak.
  • Ikasle kopurua haunditu arren irakasle kopurua berdin mantentzea.
  • Baliabide gutxiago.
  • Lan baldintza kaskarragoak.
  • Aukera urriagoak proiektuak eta formazioak garatzeko.
 Egitekoak diren mobilizazioak babesteko eta parte hartzeko deia egin dute
Emailetik jaso dugun OHARRA:
Gaurko greba deialdia sektore publikorako deituta egon arren, LAB, ELA eta Steilas sindikatuak ikastolei ere deialdia luzatu ziguten, honen ondorioz Zubi Zahar Herri Ikastolako langileen %50ak hiru orduko lanuztea egingo du.

Langileen ordezkariak