Udaleko batzordik lan eta lan dabiz, para baik, eta astebururako hiru proposamen dakarrez:

Bardintasun Kontseiluk Emakumin Topalekuai buruzko jardunaldixak antolatutxuz hilan 27 eta 28rako, Ondarruko emakumintzako txoko bat sortzin ingurun eztabaidatzeko. Egitarau, hamentxe: http://www.ondarroa.eu/es-ES/Noticias/Documents/postaletxi.pdf

Ingurumen batzordi, ostea, Kontsumo taldi martxan ipintxea du. Eskualdeko baserritxar bat eta herriko 10 familixa bertoko baserriko produktuk trukatzen hasiko diz egun batzuk barru. Jente gexauak kontsumo taldin apunta nahi badau, baixakun dauke aukeri, udaletxea urreatute.

Kultur batzordi herriko sortzailik bultzatzen dabil. Hain zuzen be, Guzur etxi arte sorkuntzako gune bihurtzeko proiektuaz dabil buru belarri. Pintxori, eskultori, dantzaixe, antzerkilaixe… bazaz, eta proiektun parte hartu nahi bazu, baixakun arratsaldeko 18:00xetan da batzarra Guzur Etxin.

Egitarau guzti hamentxe: http://www.ondarroa.eu/eu-es/Gertakariak/Orrialdeak/default.aspx

Literatur Kluba egingo da Ondarroan zapatu goizetan Udal Liburutegian:irakurtzen dugunontzako txokoa. Apirilaren 21ean hasiko da goizeko 10:00etatik 12:00etara, eta maiatzaren12an bigarren saioa. Hortik aurrera, irakurleen erreferentzia izango da zejarraipena izango du hilean-hilean; beti irekita parte hartzaileeninteresetara.

· Apirilak 21 eta Maiatzak 12: Arrate Egañarekin

· Ondorengo hilabeteetan Julen Gabiria izango dugu.

Abeslari bizkaitarrak zuzeneko diskoa argitaratu berri du Durangoko Azokan, eta disko hori, eta egindako kantu berriekin batera etorriko da Ondarrura. Zuzeneko diskoan bere ibilbide osoko abestiak bildu eta lan bikoitz erakargarria bildu ditu.

Canteca de Macao eskenatokietara bueltatzen da inoiz baino indartsuago. Crowdfunding proiektuarekin aurrera atera dute bere lan berria. “Nunca es tarde” deitzen da beraien disko berria eta aurkezpen bira Kafe Antzokitik igaroko da. Taldearen zuzeneko alai eta biziak disko berri honekin inoiz baino nabariago azaltzen dira. Energiaz beteriko taldea.

Info7 irratiak, euskaraz egindako rap musika bultzatzeko asmoz, Rapherria bilduma ekoiztu zuen duela hilabete gutxi. Diskoan Euskal Herri osoko 17 taldek parte hartu zuten, horien artean ziren Norte Apache eta Bad Sound System. Honakoan, bi musika egitasmoak zuzenean ikusteko aukera izango ditugu Ondarroako Kafe Antzokian. Errima eta erritmoak, hip-hopa eta rapa!

Norte Apache taldeak “Quilombo” (MusikHerria diskoetxea) diskoa aurkeztuko du emanaldi honetan. Bad Sound System taldea, aldiz, disko berrirako kantuak lantzen ari dira entsegu lokalean. Horietako batzuk joko dituzte zuzenean

Datorren baixakun be gaztetxin afaltzeko aukera ederra eukiko dou. Sukaldi 21:00xetan zabalduko da, eta 23:00ak aldin Deus ez taldik kantaldixe eskainiko dosku. Plan politxe, asteburu ondo hasteko!