Ongoxe baixakun hasi eta datorren domeka bittartin udal erakusketa aretun eongo da ikusgai NUEVO ANCHUSTEGUI “GURE SEÑORITI” txalupin histoixi. Udalan kultur sailak ekarri dau herrire Bilboko Itsasmuseumetik. Behian dan kartelin dakazue ordutegixe, hurreatu ikustea, merezi dau eta.
Egun berezixe aukeratu dabe ongun AURRERA MENDI taldekuk irteeri etxeko, batzuk parrandan ibiliko dizen bittartin bestik mendi irteera jungo diz, LEGATE mendire. Uztailak 4rarte emon zeinke ixenak ANAITASUNA tabernan eta 15 euron trukin egun ederra eta lagun artin egun pasa etxeko aukera ederra.
*LEGATE Baztango (Nafarroa) Lekaroz eta Elizondo herrixan artin dan mendixe da (870 mt) ta behian ikusten dozuen latxeik tontor ikusgarrixe dauke.
Jaso dou aurtengo DINAMARTXAko kartela. Bertan azaltzen da martxa horreta juteko bete birdizen baldintzak. Nun eta noiz emon birdizen ixenak, zemat diro ordaindu birdan, bizikletan duzenak noa erun birdaben bizikletak, baimenak siñatu beharrak…Antolakuntzatik bolondresak eskatzen jarraitzen dabe gauzak ondo eruteko (ez bazuz zuzenin parte hartzea, guardixan egoteko jenti eskatzen dabe edozer gertaeran aurrin esko bat botateko). DINAMARTXI gozateko ekimen bat ixaten da, prestatu beharra derrigorrezku dala diñue antolatzallik.
ARTELAN kultur elkartik mezu hau zabaltzeko eskatuzku:
Herritar maiteok:
Mezu honen bitartez jakinarazi nahi dotzuau ekainan 23ko gauerdixan ARTELAN Elkartik urteroko Akelarrea eingo douela.
1988an hasi ginan Arrigorritik kalejiran bajatzen eta Musika Plazan sue egiten, eta ondarrutar guztioi esker, bizirik jarraitzen daben ekintza dugu hau.
Eta aurten be bertan parte hartzea gonbidatute zaze!
Etorri Erdi Aroko erropekin jantzita, eta ez badauzkazue, geuk lagako dizkizuegu. Gaueko 22:00etatik aurrera Arrigorri hondartzako Txiringitoan egongo gara janzten.
Zatozte ume, gazte, atxitxe-aume eta gurasook, eta nahi duzuen lagun guztiekin etorri, denon eskuetan dagoelako gau majiko honetako giro berezia mantentzea, irrintzika, dantzan eta kantuan.
Hamen dakazue Andoni Basterretxeak “Don Andoni”k gau honetarako idatzitako bertsoak:
Ohiku ixaten da musika taldik euran ibilbidiai amaieri emotetzenin ta gitxitan denpori pasata gero eszenaxuta buelta eitxi, ba hor be Ondarrutarrak berezixak gaz, behatu ze mezu alla gaskun korreure astin:
Sortu ginenetik 40 urte igaro eta gero bueltan gatoz, TU-K ren bigarren fasea gaur hasi da.
Hemen lehen aperitfa. 1989an Telenorten grabatutako “Itsuen Begiradak” abestia, Jose Lastrak Tipo Pete estudioetan bermasterizatua. Irailean aterako dugun binilo bikoitzeko abestietako bat.
Aurki inoiz editatu gabeko abesti berri bat bere bideoarekin eta proiektu guztia aurkeztuko dizuegu. Laister arte!!
Ekainan 22xan, hartu parte AURRERA egunin, egitarau zabala antolatu dabe egun guztin tzir. Gaur egunin lau kirol saillek osotzen dabe AURRERA K.E.: Kukaña taldi, Txirrindu taldi, Mendi taldi eta Futbol taldi. Gogoratu bazkai herrikoirako txartelak Idiakez eta Kuriken dazela salgai. Aupa AURRERA tra ka tra!
