Ondo pasatzeaz gain, Lodosako ikastola laguntzeko aukera be egongo da.

Eta hilaren 7an, martitzena, haur txikien eskolatzeari buruzko hitzaldia, Kofradia zaharrean.

Aurreko astin Esne Beltzaz dantzan etxeko aukeri euki gendun, eta ongo zapatun Possexus eta Combat Christ entzuteko aukeri eukiko dou gaztetxin, Radixu Irratian eskutik. Ta adi, ze laster Radixuai buruzko erakusketi eta 48 orduk be badatoz eta!

Otsailak 2, eguena, arratsaldeko 19:00retan, Iturribarriko kale batzarra, kaleko obran barri emoteko. Parte hartu!

Pilo bat ume eta ez hain ume batu gaz Antzokixan gaur, Porrotx, Marikalanbre eta Txirrimorraskikukin batea, geure lati emoteko Saharan alde.
Bi astetan ehunke kilo jateko batutxuez Sahela elkartekuk eta udaleko aniztasun batzordekuk Saharako errefuxatun kanpamentuta bixaltzeko.
Baine ez ahaztu: Errefuxatuai jateku bixaltzi inportanti de, baine urte guztin zapaldute bixi dizen Saharran egoeri gogun eukitxi eta euran askatasunan aldeko burruki babesti be bai.
Sahara askatu!

Argazki gexa hamentxe, Ondarroako Ispiluan: https://picasaweb.google.com/100730033580431871034/EmanLataEguna20120128?authuser=0

Zapatun ondarrutarrok lati emongo dou Saharan alde. Hartu kontserba lati eta etorri zeu be Alameda (eurixe baleo Kafe Antzokire). Lata guztik margotu eta Sahara bixalduko douz, geure elkartasune erakusteko. Porrotx eta Marikalanbre be geuaz egongo diz. Hantxe ikusiko gaz!

Ondarroako Eguzki talde ekologistaren iritzia:

Prentsaren bidez jakin dugu Bizkaiko Foru Aldundiak ez duela Urberuaga, Ondarroa eta Lekeitio artean errepide berririk egingo, krisi ekonomikoa pasatu arte behintzat.

Batetik, notiziak penatu egin gaitu, hurrengo urteetan ere orain daukagun errepide eskasetik ibili beharko baikara atzera eta aurrera. Baina, bestetik, lasaitu ere egin gaitu, horrek errepide berri horri buruz eztabaidatzeko eta gogoeta egiteko denbora emango digulako.

Gure eskualdeko errepide nagusiak zahartuta daudela eta berritu egin behar direla eskualdeko herritar gehienok onartzen dugun begi-bistako zerbait da. Kontua da, ea zelan berritu behar diren errepide horiek.

Aldundian agintzen dutenek mapa hartu eta lerro bat markatu dute puntu batetik bestera. Puntu horien artean dauden “oztopo” orografiko guztiak tunelen eta zubien bitartez gainditzeko asmoa daukate errepide berria egiteko. Euren proiektuan ez dira kontuan hartu obra horrek sortzen dituen hondakin eta zarata piloa, txikitzen dituen akuiferoak, basoak, nekazal lurrak, errekak… Diputaziokoentzat baliabide naturalak oztopo bat baitira.

Guk ere errepide hori berritzea nahi dugu, baina gaur egungo trazatua erabilita eta konponduta, ahal den neurrian. Horrek obraren inpaktu ekologiko, sozial eta ekonomikoa asko gutxituko luke. Gainera, berritze hori inguruotako herritar eta baserritarren iritzia kontuan hartuta planifikatu beharko litzateke. Eta beti ere eskualdeko ikuspegia galdu barik, egiten ditugun joan-etorri gehienak eskualde barrukoak izaten dira eta.

Guk gure iritzia argi daukagu, eta herritarren artean zabaltzen ahaleginduko gara. Basoak, zelaiak, errekak eta akuiferoak apurtu beharrik ez dago. Gaur egungo errepidea konpondu, zabaldu eta hobetu behar da, errebueltak eta aldapak kenduta, baina bere trazatua ahalik eta gehien aprobetxatuta. Bizikletan ibili ahal izateko lekua ere egin behar da alboetan.

Eztabaida hasteko ordua da. Eztabaida horretan geure eskualdeko antolamendua zelakoa izan behar den erabaki behar dugu. Eta, garrantzitsuena, Diputazioak gure eskualdean hartzen diren erabakiak errespetatu beharko lituzke.

Saharan aldeko ekitaldixak aurrea duz: afaxak, dokumentalak, hitzaldixak… gogoratu datorren astin jateko bilketik jarraitxu eingo dabela, eta dokumental gexa egongo dizela. Eta zapatun, alamedan Eman Lata Eguna, Porrotx eta Marikalanbreaz. Ekarri zeure jateko lati eta erakutsi elkartasune Saharako errefuxatuai!

Ipini dabe sarin Kakatzan 2011ko bideu. Izerdixe, emozinoi… eta basa asko! Zoratute daz honek kakatzanekuk!

Parte hartu Saharan aldeko ekitaldixetan, eta bixaldu zeure elkartasun lati Sahara!

http://www.ondarroa.eu/es-ES/Noticias/Documents/sahara_astea_2012.pdf