Azken hilabetitan Tripontzia zozketi eskutik eskure ibili eta gero, sarixe zozketatu de! Ixez Ondarrun geatu zan sarixetako bat bañe aurten lehengoku Bilboko alde zaharrin saldu de eta bigarren sarixe Lakuan (Gasteizen). Zoixonak irabazliai eta bestioi, Burujabetzin bidin danok gaz irabazlik! Azpixan dakazue urten daben zenbakixak.
Fresko xamar euala ezin ezkuta ta halan da guzti han ikusi douz gaur be herriko PENTSIONISTAK pankarta atzin. 2024ko Kurtsuai hasieri emotze gaurko konzentraziñoiaz ta 105 lagun batu dizela esazku antolatzalletako batek. 20 minutuz egon diz bertan eta autobus zerbitzu gehitzearren ingurun dazen etxen kanpañin albistik emotxuez. Datorren astin be han eongo eidiz esanaz amatxu dabe egonaldixe. Jo ta Ke LORTU ARTE!
Herriko GURE ESKU taldik antolatu daben ekimena eukikou domeka eguerdixan Alamedan (eurixe baleo, Plaza berdurako tunelin ixango litxake) . Mahaixe ipiniko dabe taluk eta txistorri saltzen eta bide batez TRIPONTZI zozketako boletuk eskuratu ahal ixango douz. Etorri zeube!
Kristina Berasain Tristan en Sahara, herri bat erresistentzian liburun aurkezpen musikatu eskeiniko dabe gaur arratsaldin Kofrai Zaharrin arratsaldeko 6:30 tan (musikaixe, Postal Kolekzionistak taldeko Iñigo Asensio ixango da).. Saharar herrixan borroki ezautzen dozu? Ez galdu aukera hau!
2024an ospatuko da 23. KORRIKA, HARRO HERRI lelopin Martxoak 14 tik 24 bittartin, Irunen hasi eta Baxonan amatxuaz. Ekimena hurreatu ahala albistik altzaten jungo gaz TURRUNIN, ibilbidi, noiz eta ze ordutan pasako dan herritxik, beran ingurun eingo dizen ekitaldixak eta abar. Hasteko 23. KORRIKAko mateixalak saltzen ipinikotxue AEKko herriko lokalin (Kofrai Zaharreko 2. solairun) azpixan agertzen dizen egun eta ordutegixetan. OndHARROko HERRIxe KORRIKIAZ BAT!
Udal Erakusketa aretun antolatu dabe 2. Eskuko azoki azarun 25 etik abenduan 3 bittartin PERUrEKIN eskutik. Azpixan ikusten dizen egunetan eta ordutegixetan eongo da zabalik. Emon buelta bat bertatik.
TURRUNE etxen douenok argi dakau, Gu, GREBA GUZ! Zaintza sistema publiku, doaku, kalitatezku eta unibertsala bermatzin aldeko borrokiaz bat etxen dou. Zeuk be parte hartu greba feminista orokorrin.
Ondarruko greba batzordin egitarau:
Bixitxiai eusten dotzen lanak, zaintza lanak, gutxietsixak eta ikustezinak diz gure jendeartin, nahiz eta, Hego Euskal Herrixan etxen dizen lanordu guztixan artin, ordaindutakuk edo ordaindu gabik, %61a zaintza lanak dizen. Zaintza lanak, gañea, bereziki emakumin bizkargañin geatzen diz. Emakumiai zaintzallin rola ipini gakue.
Zaintza lanak modu justun banatzi urgentzizku de, eta horretako gixonak euren zaintza ardurai eusti beharrezku de. Bañe, horretaz gain, biharrai eskeintzen dotzauen lanordun murrizketa orokorra be premiazku de.
Zaintza lan profesionalizatun arlun, merkantilizaziñoi de nagusi. Irabazi-asmu ardatz hartzen da pertsonen ongizatin aurretik. Gaur egun pertsona ahulenai (adinekuk, menpekotasun egoeran dazenak, aniztasun funtzionala daukenak, gizarte bazterketan dazenak…) zuzendutako zerbitzu gehixenak azpikontratata daz, eta hori ixan da pribatizaziñoirako eta prekarizaziñoirako gure instituziñoik ibili daben bideik zuzenena. Hego Euskal Herrixan, esaterako, erresidentzia guztixan %12 da bakarrik kudeaketa publikoku eta sarri Administraziñoi publikuk be patronalak diz.
Aurreko guztiai erantzuteko: Zaintza sare publiku eta unibertsala gure aldarrikapena!
Lea-Artibaiko herri guztitxan antolatu dotxuez aldarrikapen honekin betetako mobilizaziñoik. Hamen herrixetako mobilizaziñoi nagusixak eta eskualde mailako mobilizaziñoin deialdixan kartela
EXTREMADURAko ELKARTASUN KUTIZIAK.
Ondiokan be beharrezku de errepresaliatu politikuai gure elkartasune adierazti; horretxeatxik aurten Paletak eta Solomo iberikuk ekarrikouz. Gabonak baño len allako diz eta eskatu zeuri! Eskaerak etxeko emon ixenak azpixan agertzen dizen telefono zenbakixetan.
Azkanaldixan euskeri jasoten dan erasun aurrin, Euskalgintzaren Kontseiluk deitxutako manifestaziñoire juteko autobuse antolatu de herrixan. Emon ixenak: AEKko euskaltegixan, Institutun, Zubi Zahar Herri Ikastolan edo Zaldupe Eskolan.
Hainbat herriko eragille batu diz deialdi honea: Ondarruko udal langillik be euskerin aurkako erasuk salatu dotxuez eta azarun 4an Bilbon eingo dan manifestaziñoirako dexe ein dabe.
Udaleko zinegotzi GUZTIK be deialdixaz bat datoz: “Oldarraldixann aurrin, euskararekin bat” UEMAn adierazpena onartu dau Ondarroako Udalak, aho batez. Honekin batea herritar guztiai azarun 4an Bilbon eingo dan manifestaziñoire juteko deixe ein dabe.
ZUBI-ZAHAR herri ikastolik be Bilboa juteko deixe eindau.
Azaroak 30an eingo dan GREBA FEMINISTIn antolakuntzin ingurun eingo dabe berbi bixar Markiñan arratsaldeko 7 retan Esperantza aretun, ELENE LOPETEGIk eta SARAI GOITIAk. Motorrak berotzen hasitxe gaz, Morez jantzi birdou egun hori, batu zeu be!
Turrune! 