Aurreko zapatun, Sortzaile prozesun parte hartzen ari garen dozenaka lagunok SORTUk garatu beharreko komunikaziñoi ereduaz eztabaidatzeko batzarra ein gendun Andoainen. Araba, Bizkaia, Gipuzkoa eta Nafarroako herri ezberdinetako 80 lagun inguruk, komunikaziñoi politiku errotik berritzeko premiaz eztabaidatu zuten, eta norabide horretan Sortu-k burutu beharreko hausnarketa eta lanaz. TURRUNE bertan egon zan.

Gaur arratsaldin kofrai zaharrin, eta talditan banatute, eztabaidatu dou luze ta sakon zelan antolatuko gazen SORTUn. Emendakinak bozkatu  eta aldaketa batzuk be proposatu douz nazio mailan eztabaidatzeko.

Sortzaile prozesu martxan da bixi-bixi eta horren erakusle, SORTUk kaleratu daben lehen batzarrei buruzko datuk:

• Oinarri Ideologikoen inguruko lehen batzarra 240 herrietan burutu da.
• 208 herrietako datuak bildu ditugu oraingoz, hauek lirateke:
• 5.044 lagunek hartu dute parte 208 batzar horietan. Guztira, falta diren herriak kontuan izanda, 5.500 lagun inguruko parte hartzea aurreikusten da lehen batzarretan.
• 3.265 gizonezkoak eta 1.779 emakumezkoak.
• Parte-hartzaileen %53,5a 35 urtetik beherakoa da, 2.700 Lagun hain zuzen.
• Parte-hartze handiko batzarrak izan dira, eta hainbat herrietan, bigarren saio bat burutu behar izan dute.
• Ekarpen asko bildu dira: 400 emendakin alternatibo inguru bildu dira eta 500 testu hobekuntza inguru jaso dira.

Datorren abenduaren 15ean, SORTUren eratze prozesuaren bigarren batzarretan parte hartuko duten lagunek landu eta eztabaidatuko dituzten eduki eta ideia nagusiak hementxe:

Lehenik eta behin, ezinbestekoa da SORTUren ildo politikoaren elementu nagusiak zehaztea, SORTUk haietan oinarrituta jarraituko baitu hasitako bidetik eta beraiek izango baitira proiektu independentista, sozialista, feminista eta euskaldunean jasotako helburuak erdiesteko bidean gure borroka politikoaren egokitasuna ziurtatzeko bermea eta euskarria.

Horrela bada, honakoak lirateke elementu nagusi horiek:

• Estrategia politikoa
• Taktika politikoa
• Konfrontazio Demokratikoaren fasea
• Gatazkaren Konponbidea
• Nazio eta Jendarte Eraikuntza

Gaur arratsaldin batu ga herritar multzo eder bat, ONDARRUko SORTUn oinarrixak ipintzen. 4terdixetatik 8rak bittartin berba ta berba egon ga talde desberdiñetan zatitxute ta azkenin danok batu ta eztabaidatutaku bozkatu ein dou.

Arratsaldeko 4terdixetan kofrai zaharrin batuko ga, oinarri ideologikun ingurun eztabaidatzeko. Abertzale ta Ezkertzale guztintzako da zabaldute herri batzar hau. Agertu berta.