Month: maiatza 2025

FERNANDO AGIRRE ARAMAIO junde gure artetik!

turrune

FERNANDO AGIRREk agur esazku gaur, 79 urte eukazela. Baten batek Ondarru eta Ondarrutarran histoixi landu badau, berau ixanda. NAO VICTORIA itsasontzixe zala (Ondarrun einddaku), SATURRANgo kartzelako kontuk zile edo Erdi Arun Ondarrun sorreri nundik noa ixan zan… Hori dana aztertu dabena FERNANDO ixan da. Estatuko artxibo guztik pasa zitxun herrixai buruzko dokumentuk topaten!

Karlista jatorrizko familixan jaxo zan, gaztetaz seminaxure jun eta abade abertzalik ezautu zitxun, eta bera be abertzale bihurtu zan. Handik Monachilea (Granada) jun zan fralle ein nahixan (arrunte zan hori sasoi hartan) beste herrittar bateaz, bañe ez zala beran bidi ta herrire einban buelta. Hasiera baten partikularrak emoten hasi zan soldati ata nahixan. Gero asesoixi ipini ban, ta hortxe jarraitxu ban biharrin jubilaziñoirarte.

Frankismo garaxan zinegotzi sartu zan udalin (Tercios familiares lez) barrutik gauzak aldatzeko helburuaz. Familixa karlistaku zanez, errezaua euki ban eta oztopoik eztotzen ipini (hasiera baten behintzat). Beraz batea ANTONIO ARGOITIA eon zan ta bixan artin herrixan hasitxe euazen mugimenduk erreztu ein zitxuen, bai kultura mallan, bai hezkuntza mallan. Frankismu amaitzen eta herri mugimendu borborka euala, ALKATIN mugimendu sortu zan Euskal Herrixan (demokrazixi bultzatu nahixan). Bergaran batu zin mugimendu horretako alkatik 1976an. Nahiz eta Fernando bakarrik zinegotzixe ixan, herriko ikurre hartu eta orduko alkatin (XAXI) permiso baik, han jun zan bera be.

“Sasi demokrazixi” bixi ixan gendun ordutik aurrea ta alderdi desbardiñak jun zin agertzen. Berak E.S.B.n (Euskal Sozialista Biltzarra) parte hartu ban, ta gero HERRI BATASUNAko herriko mahaiko partaidi ixan zan urtitan. Behin baino gexauatan aurkeztu zan udal hauteskuditako HBko zerrendetan, eta 1987ko hauteskunditan zinegotzi bihurtu zan atzea be.

Zubi Zahar herri ikastolako finantzak zuzentzen be egon zan sasoi baten, hezkuntza herrikoi ekonomikoki lagundu nahixan.

FERNANDO 1980. urtin atxilotu ben guardia zibillak, beran lagunan (ANGEL 34kun) enterrun desagertu zan pistolin gorabeheri argitzeko. (Euskal Memoriako txostenin agertzen dan latxeik)

Hortik aurrea beran benetako pasiñoi lantzen hasi zan, Ondarruko HISTOIXI argitzi. Artxibuk arakatzen, lagun artin herriko ondare historiku elkarbanatzen, OHZ (Ondarruko historiazalin elkarti) sendotzen.

ONDARROA urtekari desberiñetan agertzen diz beran idazlanak, baten batek nahi badotxu irakurri. Zemat hitzaldixetan toka gakon mahaixan egoti, beti prest zalantzak argitzeko!

Turruneko kidion partez, besarkada estu bat familixia, eta doluminak. Beti akordako gaz Fernandoaz!

PENTSIONISTAK borrokan gaur be!

turrune

Egueldi mamu ta euri arriskuai aurre eiñaz gaur be Alamedan batu diz herriko PENTSIONISTAK. Pankarta atzin 117 lagun ipini diz, tartin jarduneko alkati eta EH Bilduko zinegotzi bat. 20 minutun egon diz bertan eta komenta dabe pasan eguenin Gasteizen eizan manifestaziñoin ingurun baloraziñoi baikorra eibela; ixan be, jende asko batu zan eta giro paregabi eukibela. Bertan, 145.142 siñadura aurkeztu zitxuezen GUTXIENEKO PENTSIÑOI=GUTXIENEKO SOLDATI parekatzi eskatzen. On peloti agintarixan teilatun da eta erantzunan zain geatzen diz pentsionistak.

Horrez gain, aipatu dabe Euskaraldixe martxan dala eta Udaleko beheko bulegutan eskatu leikezela Belarriprest edo Ahobizi txapak.

Bertsuk abestu eta JO TA KE LORTU ARTE!!! oihukatu ondoren amaitxu dabe euran egonaldixe. Datorren astin barriro elkartuko diz.

50 urte diz KOLDO ARRIOLA ARRIOLA erail ebena. Maiatzan 24an HERRI OMENALDIXE Maskulo Etxin aurrin!

turrune

1975eko Maxatzan 23tik 24re bitxarteko gabaz hil eben Guardia Zibilak KOLDO ARRIOLA gazti 19 urte eukazela. Institutoko kurtso bukaerako afai ostin, 34 dantzalekuruntz ixuzela, Guardia Zibil batek deitxu eta tiro bateaz hil ben kuartelin bertan.

Urtero gogoratzen dou KOLDO. Aurten erailketin 50. urteurrena dala eta HERRI OMENALDIXE antolatu de Maxatzak 24 (zapatu) 12:30etan Maskulo Etxin. Erail eben lekun bertan. MEMOIXI gorde birdalako, ta belaunaldi barrixak jakin birdabelako GUK EZTOU AHAZTEN!

HERRI OMENALDIXE 🌹
Koldo Arriola Arriola
1975eko Maxatzan 24an Guardia Zibiliak eraile

50 urte diz Koldo Arriola 19 urteko gazti Ondarruko Guardia Zibilan kuartelin tiroz erailbena.
Institutoko batxillergoko ikasturte amaierako afaxe. Goxaldeko ordu bat eta erdixak aldea 34 dantzalekure duz gaztik, Guardia Zibilan koartelan aurreko losatik pasa diz. Guardia Zibil batek Koldo Arriola kuartel barrure deitxu dau… Tiro bat entzun de…

Omenaldixe:
📅Maxatzak 24 (Zapatu)
🕧 12:30 etan
📍Maskulo Etxin
“𝓗𝓮𝓶𝓮𝓻𝓮𝓽𝔃𝓲 𝓾𝓻𝓽𝓮𝓴𝓸 𝓶𝓾𝓽𝓲𝓵 𝓮𝓭𝓮𝓻𝓻𝓪, 𝓶𝓪𝓲𝓪𝓽𝔃𝓪𝓻𝓮𝓷 𝓱𝓸𝓰𝓮𝓲𝓽𝓪𝓵𝓪𝓾𝓪𝓷 𝓲𝓽𝔃𝓪𝓵𝓲 𝔃𝓾𝓽𝓮𝓷 𝓲𝔃𝓪𝓻𝓻𝓪”

AITORTZA • ERREPARAZIOA • EZ ERREPIKATZEKO BERMEAK

Iñigo Martinez ligako txapeldun! Zoixonak!

turrune

Bartzelona Estatu españoleko futboleko ligako txapeldun gelditxu de. Tartin, Iñigo Martinez jokalari ondarrutarra. Zoixonak Iñigo!

Harro jantzi dau Ondarroa Arraun Elkarteko kamiseti garaipena ospatzeko ein daben kalejiran. Ikurriñe be lepun beste garaipen batzutan be ikusi ahal ixan douen modun.

Onarte dana nahiko ondo. Ospakizun kalejira horretan Iñigok Estelada bat be astinddu dau eta español eta prentsa erreakzionaxun artin, modu guztitxako kritika, irain eta erasuk zeixan zabaldu di Iñigon kontra. Ez bakarrik Esteladin ingurun, Ikurriñatxik be bai.

Aupa Iñigo! Visca Catalunya!

XXIV. ANTXOA eguneko egitarau!

turrune

Bixar ospatukou herrixan 2025ko ANTXOA EGUNE. Gure herrixe beti egonda lotute itsosuai eta ANTXOI ixanda arrañetako izarra urte luzitan, aurten ez bada be hain ugarixe ixan herriko lonjan. Egun hauetan, Euskal arrantza ontzixak Kantabria eta Asturias aldin dabiz, handik tamaño ederreko antxoi harrapatzen dazelako, halan da guzti ANTXOI ezta faltako bixar herrixan. Gozatu egunaz eta dastatu gure itsosoko ANTXOAK!

Maiatzak 30 (baixaku) MUTRIKU GAUA! Portuko Ranpan!

turrune

Mutrikuarrak jaun da jabe eingo diz Maxatzan 30in (baixaku) Portuko Ranpan Sareartin kontzertutan barrun. Gabeko 10etan hasi eta luze jungo dan gabaz talde honek hartuko dabe parte: SAIA GOAIT+ OBEGO+ WENDI+ ASA. Sarrerak salgai daz dagoeneko KURIKE dendan eta ANAITASUNA tabernan 8 euron trukin edo egun berin takillan 10 eurotan. Amillu, txerkei, aura….gozatu aldameneko soñukin!

PENTSIONISTAK borrokan jarraitzen dabe!

turrune

Alamedan batu diz gaur be herriko PENTSIONISTAK 12xak puntun pentsiñoi duiñak eskatzen. Gaur nobedade lez pankarta barrixe estreña dabe ta pankarta atzin 135 herrittar batu diz (tartin alkati eta EH Bilduko zinegotzi bat). 20 minutuz egon diz konzentraziñoin eta astin egon dizen barrixak kontatxuez: Alde batetik, eguenin Galdakanon egin zan bertso lehiaketako azkanengoko jaixe ederra ixan zala eta 350 lagun batu zile bertan; beste alde batetik, gogorarazi dabe hilan 15in Gasteizen manifestziñoi eingo dala eta siñadurak Parlamenture erungotxuezela, 140.000 jasotxuez, eta on ardura politiku daukenan eskun gelditzen da jendartin ein dan eskakizun zabal horrei zein erantzun emoteotzen.

Horrez gain, EHPMk (Euskal Herriko Pentsionisten Mugimendu) bat etxen dau Palestinan alde ongo astin eingo dizen mobilizaziñoikin eta Alamedako pentsionistak Hego Euskal Herriko hiriburutan eingo dizen manifestaziñoitxan parte hartzea animateko eskatu de. Baitxe be, gaur arratsaldeko 7retan Alamedan eingo dan elkarretaratzin be bai; ixan be, emakume gasteiztarraren erailketa matxisti zalatzeko konzentraziñoi eingo da eta. Jo ta ke, LORTU ARTE!