Month: martxoa 2025

PENTSIÑOI DUIÑAN ALDE Alamedan!

turrune

Egueldi ederraz batu diz gaur eguerdixan Alamedan herriko PENTSIONISTAK. 12xak puntun zabaldu dabe pankarti ta atzin 130 lagun ipini diz (tartin alkati ta udaleko hiru zinegotzi).

Siñadura bilketin gainin esan dabe 100 000 siñadura baino gehixa batu dizela HELren alde, bañe Maxatzan 3rarte eongo dala papera Udal bulegutan baten batek ondion ez badau siñatu be. Gero Maxatzan 15in Gasteizko Legebiltzarrea erungo diz.

Horrez gain, zapatu honetan Bilbon eingo dan mobilizaziñoin parte hartzea anima dabe Alamedan batutako guztik; ixan be, Euskal Herriko Pentsiodunen Mugimmenduk apirilaren 5erako manifestaziñoik antolatu dotxu Hegoaldeko lau hiriburutan. Deialdi honek ELA, LAB, ESK, CGT, CNT, Steilas, EHNE, Hiru, Mugimendu Feminista eta beste hainbat elkarteren babesa jaso dau.

Datorren astelehenin be Alamedan batuko eidiz esanaz amatxu dabe gaurko ekimena. Jo ta ke LORTU ARTE!

Apirilak 27 (domeki) 2025eko BOGA mendi martxi!

turrune

BOGA mendi martxi, Ondarruko Zubi Zahar herri Ikastolik (Aurrera Mendi Taldin laguntziaz) antolatutako mendi irteeri de. Berau, Apirilaren 27xan ixango da eta hiru ibilbide desberdin eukikotxu adin zein forma fisiko desberdinak dauken jendik parte hartu dezan.

Martxa honek, hainbat helburu desberdin dauke bañe garrantzitsuenak bi direla esango geunke. Lelengoku, hurbiltzen diren mendigoizale guztik Ondarruko inguruko paisaiak eta toki berezixak ikusti eta ezagutzi mendi martxa bat eginez. Bigarrena aldiz, mendizale guztientzako jaialdi bat ospatzi eta haur zein nerabeei mendixak dauken ezaugarri positibuk erakusti.

Amaitzeko, gonbidapena zabaldu nahi dotzuau egun pasa egin nahi dozuen familixa guztiai eta mendixan denbora bat igaro nahi duen danai.

43 urte beteten diz ESTEBAN MURUETAGOIENA torturan ondorixoz hil zanetik

turrune

Ez gaz ahaztuteko. Memoixi dakauen bittartin gogoratuko zattuau eta gure ondorenguai erakutzikotzau zein ixan ziñan eta zer gerta gatzun.

Esteban, 1982Ko martxun 15in atxilotu ben, 10 egunez tortura gogorrak jasan zitxun eta 3 egunea hil zan torturak eragindako zaurixan ostin. Estatu españolak noiz onartuko dau komisaldegixetan gertatutakuk? Ondarrutar askorek pasa ixan dotxuen momentu gogorrak atxilo aldixetan argitxuko diz egunen baten? 

Batzuk gure herrixan gertatutakun errelato bakarra nahi doskue inposatu. Geure arduri de datozen belaunaldixai justizixan eta erreparaziñoin oinarritxutako etorkizune bermatzi, zaurixak itxitxen saiatuz…

2024ko Urrixan Indarkeriaren Oi(h)artzunak dokumentala ikusteko aukeri euki gendun Ondarruko Udaleko kultura sailan eskutik. Dokumental horretan Estebanen alaba Tamara Muruetagoiena da protagonistieta beran bixipenetatik kontaten dau atxan histoixi. Dokumental hau Donostiko Giza Eskubidin Zinemaldixan saritxu ixan zan. Proiekziñoiaz gain, Udalak Tamaran lana errekonoziu eta eskertu ban justizixi, aitortzi eta erreparaziñoi bilatzea bidin einddako lana azpimarratuz.

Hamen lagaten dou Trailerra:

Uma Ulazia Zubeldian liburu aurkezpena. Martxoak 27 (eguena) 18:30etan ETXELILAN

turrune

Euskal Herriko Greba Feministak. Diskurtsoaren analisia feminismo materialistatik. liburu aurkeztu dau Uma Ulazia Zubeldia politologa eta militante transfeminista Mutrikuarrak. Lan honetan Euskal Herriko Greba Feministak aztertu dotxuz LISIPE bildumako lan honetan.

Patriarkatu ulertzeko bi modu desberdinez, estatun eta politika publikun paperaz, eta 2019ko eta 2023ko greban inpaktuai buruz ibiliko da Uma Ulazia Zubeldia, Garazi Burgoa Aldarondo kazetari eta militantik dinamizatako solasaldi estiloko aurkezpenin. Martxoak 27an (eguena), 18:30 etan ETXELILAN.

Hamen lagaten dou 2024ko Azarun BERRIA egunkarixak einddako erreportaji:

https://www.berria.eus/euskal-herria/materialismoak-ez-du-blokeatzen-emakumeei-berez-eta-naturaren-izenean-inposatu-nahi-zaien-ezer_2133433_102.html

PENTSIONISTAK borrokan beste behin be!

turrune

Eguraldi kaxkarra euki dabe Alamedan batzen dizen Pentsionistak. Halan da be, gaur 95 herrittar batu diz Zumardi etxeko aterpin ta beti lez 20 minutuz egon diz bertan.

Aipatu dabe datorren apirilan 5in Bilbon egingo dan manifestaziñoire juti garrantzitsu dela, Herri Ekimen Legegilin kanpañin barrun. Manifestaziñoi arratsaldeko 17:30xetan ixango da Jesusen Bihotzetik hasitxe.

Horrez gain, esan da be bai maixatzan 8xan Galdakanon eingo dala Bertso Txapelketin amaireko bazkaxe; horretarako tikik nahi ixan ezkio datorren astelehenin hurreatu eskatzeko, 20 euro ixango da bazkarirako tiket bakotxe.

Datorren astelehenin barriro batuko diz Alamedan. JO TA KE LORTU ARTE!!!

2025ko lelengoko hiruhillekun KINKEAko zenbaki irabazlik!

turrune

2025. urtin lau promoziñoi etxeko asmu dauke ETXERAT Elkartik (PRESO ta IHESLAXAN Senidin elkarti), eta KINKEA promoziñoi bakotxeko 20.000 artelan salduko diz. Aurtengo artelanak Ander Hormazuri artistik eginiko pintura akrilikuk diz. Lelengoko hiruhillabeteko zozketi eindde eta ongun herrixan be sos apurrak geatu diz (7.643, 7.622 eta 10.249 zenbakixak). Zoixonak irabazliai. DANAK ETXEA EKARRI ARTE JO TA KE!