GREBAn bai, bañe goxin goxatik kalin.
Herrixe itxitxe da.
Eguerdiko 12 xetan anbulatoxutik hasi de goxeko manifi, aspaldikoik handixena ixan eide esazku jentik.
GREBAN GAZ! (argazkixak alla ala sartzen jungo gaz)
Month: azaroa 2023
Herriko komertzixo eta dendarixak be GREBA FEMINISTA OROKORRAz bat!
Asko eta asko diz eguen honetan (Azaroak 30) zaintza eskubide kolektibun aldeko greba feminista orokorrin parte hartuko daben heritxarrak.
Zelan ez, herriko komertzixo eta dendarixak ez diz atzin geatu! Denda, taberna, komertzixo… gexenetan ikusi leikez greba egunin itxitxe eukiko dabela jakinarazten daben kartelak. Grebiaz bat eingo daben komertzixo batzuk bideo hau atatea anima diz danok greban parte hartzeko deixe etxen!
Boga Boga elkarteko kidik be grebiaz bat!
Azaroak 30 (eguena) GREBA FEMINISTA OROKORRA Hego Euskal Herrixan!
TURRUNE etxen douenok argi dakau, Gu, GREBA GUZ! Zaintza sistema publiku, doaku, kalitatezku eta unibertsala bermatzin aldeko borrokiaz bat etxen dou. Zeuk be parte hartu greba feminista orokorrin.
Ondarruko greba batzordin egitarau:
Bixitxiai eusten dotzen lanak, zaintza lanak, gutxietsixak eta ikustezinak diz gure jendeartin, nahiz eta, Hego Euskal Herrixan etxen dizen lanordu guztixan artin, ordaindutakuk edo ordaindu gabik, %61a zaintza lanak dizen. Zaintza lanak, gañea, bereziki emakumin bizkargañin geatzen diz. Emakumiai zaintzallin rola ipini gakue.
Zaintza lanak modu justun banatzi urgentzizku de, eta horretako gixonak euren zaintza ardurai eusti beharrezku de. Bañe, horretaz gain, biharrai eskeintzen dotzauen lanordun murrizketa orokorra be premiazku de.
Zaintza lan profesionalizatun arlun, merkantilizaziñoi de nagusi. Irabazi-asmu ardatz hartzen da pertsonen ongizatin aurretik. Gaur egun pertsona ahulenai (adinekuk, menpekotasun egoeran dazenak, aniztasun funtzionala daukenak, gizarte bazterketan dazenak…) zuzendutako zerbitzu gehixenak azpikontratata daz, eta hori ixan da pribatizaziñoirako eta prekarizaziñoirako gure instituziñoik ibili daben bideik zuzenena. Hego Euskal Herrixan, esaterako, erresidentzia guztixan %12 da bakarrik kudeaketa publikoku eta sarri Administraziñoi publikuk be patronalak diz.
Aurreko guztiai erantzuteko: Zaintza sare publiku eta unibertsala gure aldarrikapena!
Lea-Artibaiko herri guztitxan antolatu dotxuez aldarrikapen honekin betetako mobilizaziñoik. Hamen herrixetako mobilizaziñoi nagusixak eta eskualde mailako mobilizaziñoin deialdixan kartela
PENTSIONISTAK BORROKAN gaur be!
Eurixai eta hotzai aurrea eiñaz Alamedan batu diz gaur be herriko PENTSIONISTAK. 12 xak puntun zabaldu dabe pankarti eta 150 herrittar jarri diz atzin (gaur aterpin), eurakin batea alkati eta zinegotzi bat. Betiko modun, 20 minutu egon diz bertan eta astin egon dizen barrixak azaldutxuez. Alde batetik, Pentsionistan Mugimenduk azaroaren 30eko Greba FEMINISTA OROKORRAZ bat etxen dabela argitxu dabe eta egongo dizen mobilizaziñoitxan parte hartzeko deixe ein dabe. Beste alde batetik, aurrera udalin aurkeztu ben siñaduran ingurun (1080ko gutxieneko pentsioa eskatzeko), abendun 4an eingo dan plenun tratako dala gaixe erantzun dabe udaletik; beraz, egun horretan plenure juteko gonbidapena zabaldu de. Amaitzeko, betiko modun bertsuk abestutxuez. Hurrengo astelehenin be bertan eongo dizela esanaz amatxu dabe. JO ta KE LORTU ARTE!
Yaalah elkarteko zozketako zenbaki saritxuk urten dabe!
Urtero herriko kirol elkarte eta kirolarixan mateixalaz Yaalah elkartik etxen daben zozketi burutu dabe gaur. Honetxek diz zenbaki saritxuk eta ordezkuk.
Irabazlik elkartiaz kontaktun jarri biko diz hilebetin barrun yaalahelkartea@gmail.com idatzitxe edo 628986839 telefonure deitxute
ELKARTASUN zozketako zenbaki irabazli!
Gaur eguerdi partin Kalekutzeko eskillaretan otzara eder bat zozketatzeko boletuk saltzen ibili diz PRESO ta IHESLAXAN aldeko lagunak, laguntza ekonomiku batzi de euran helburu. Azpixan agertzen dan zenbakixe ixan da irabazli eta ez balitxake agertuko ordezkuk erungo leuke otzara eder hori. Zoixonak hamendik irabazliai.
AURRERA futbol taldin astebukaerako partiduk!
Honek diz asteburu honetan Zaldupe udal futbol zelaxan AURRERA K.E. talde desbardiñak jokatuko dotxuen partidun egun eta ordutegixak. Aupa AURRERA TRA KA TRA!
Gogoratu, gaur PRESO ta IHESLAXAN aldeko enkarteladi eongo dala!
Onezkeo danok jakitun gaz bañe ondo etorten da gogoratzi, hilleko azkanengoko baixaku ixanik enkarteladi eongo dala Alde Zaharretik hasitxe ta neguko ordutegixaz illuntzeko 7:30 xetan hasiko dala. DANAK ETXIN egon arte kalea urteten jarraitxukou!
Noiztik gabizen gure artin falta dizenak etxeratzeko eskatzen? Artxibuk arakatzen jarraitzen dou eta astin honek topa douz. 1978ko urrixan 15in atatakuk diz (on dala 45 urte). Sasoi hartan argazki makiña gitxi euazen herrixan eta mobillak jaxoteko euazen, beraz kalidade gitxikuk diz bañe gure memoixin parte bat diz.
Azaroak 25 (zapatu) SANTA ZEZILI musikaxan eguneko Kontzertu!
Aste honetan musikaxak daz gorenin, SANTA ZEZILIko ospakizunak dizela ta. Ta amaiera borobille emoteko Kontzertu antolatu dabe ongoxe zapaturako Andra Mari elixan arratsaldeko 7:30 xetan hasiko dana. Bertan besteak beste talde honek hartuko dabe parte: Unanue Kamara koralak, herriko txistulai taldik, Kantaize abesbatzak eta Unanue udal musika eskolako orkestak. Musiki gustoku badozu etorri zeube eta gozatu belarrixak.
Lan herixotz gexauarik EZ!
Ondarruko portun ixandako lan-istripu baten ondorixoz hildako langilli gogun euki ben atzo eguerdixan portu sarreran eta premiazko neurrixak eskatu dabe.
Gogoratu, 2023an dagoeneko 47 bihargin hil dizela Euskal Herrixan lan-istripuz hil dizen bihargiñak. Biharrea jun eta bixitxi galdu, hori ezin leike onartu! NAHIKUDE!
Turrune! 