Month: abuztua 2015

Ez diezaiegun utzi Ibon akatzen

turrune

image

Ibon Iparragirre Burgoa, larriki gaixo dagoen preso politikoa, kartzelan mantentzea erabaki du Jose Luis Castro Espetxe Zaintzako epaileak, duela bederatzi hilabete aurkeztutako errekurtsoari erantzunez. Ebazpen honen ondorioz, defentsak jada 100etik behera, 40.000tik gorako karga birala eta burmuinari eta ikusmenari ukitzen dion leukoentzefalopatia diagnostikatuta eduki arren, Ibonek bigarren graduan jarraitu beharko du.

Ibonen bizitza arriskuan dagoela jakin arren, epaileak bederatzi hilabete beranduago eman du erantzuna, eta Iboni hiesak burmuinean eragiten dion kalte larria aipatu ere ez du egiten; bere gaixotasunaren egoera «egonkorra» dela ere esaten du, baita egonkortasun horretan iraun dezakeela ziurtatu ere, «urte bat eta bost urte bitartean». Gezurrean oinarritutako ebazpen honen helburua argi dago: Ibonen sufrikarioa azken muturreraino eramatea. Argi antzematen da PPren espetxe politika mendeku hutsa dela.

Irakurtzen jarraitu →

Gaur 36 urte beteten diz Segundo Bedialauneta “Txori Errekan” hazurrak Ondarrure ekarri zinetik

turrune

Uztailan 21in esan gendun 78 urte beteten zile herriko abertzale Segundo Bedialauneta “Txorierreka” fusila benetik. Ba gaur 36 urte beteten diz beran hazurrak Ondarrure ekarri zinetik. Eta Ondarruko Ezker Abertzalin artxibun hauxe dokumentu topa dou: bertan, herriko alderdi jeltzalik gonbidatzeban Herri Batasuna Txorierrekan aldeko omenaldixan parte hartzea.

1979xan EAJk txori errekan hazurrak herriratzen

EUSKAL SELEKZIÑOIN aldeko MENDI MARTXI pasako da bixar Ondarrutik

turrune

mendi martxiBixar, abuztuak 4, arratsaldeko 16:00etan, harreri  eingotzau Alamedan  EUSKAL SELEKZIÑOI aldarrikatzen datozenai, Algortatik Ziburure (Lapurdi) mendi martxan. Ehun bat lagun datoz eta herriz herri ongi etorrixe daz emoten. Gaur Ean amatxu dabe eta bixar Mutrikurarte duz, eta baitxe be eskatu dabe eurakin Saturranea arte juteko. Han Saturrango kartzeliai buruz zeozer da prestata.

Abuztun 5in eta 6xan, altza Radixure!

turrune

Ahuakemonalakuk zabaldu daben mezu:

ahuak_emon_ala

Ahuakemonala preparaten dabilen APP barrirako zeure laguntzi bihir dou, anima ta etorri!

Esketx lehiaketi amaitxu eta Ondarruko berbaz osatutako mobileako aplikaziñoi preparaten hasi ga. Herriko esakera eta berbak batuko´uz app honetan, eta gero, nahi dabenak mobilin entzun eta sare sozialeta zein whatssapea bixaldu leikez. Horretako, bañe, zeuen laguntzi bihir dou. Ondarruko ume, gazte zein nagusixan laguntzi, haintxuxenbe! Ixan be aplikaziñoi hau preparateko Ondarruko berba eta esakerak ondarrutarran ahutik jaso eta graba bihir douz.

Horretako, Zapato Azuletik ya rekuparata dan Radixuko ekipun laguntzi eukiko´u. Abuztun 5in 12:00xetan edo abuztun 6xan 19:00etan batuko´a grabaziñoik eitxeko. Ezta gauza luzi ixango: zemat eta gehixa agertu, ordun de denpora gitxia bihiko´u. Anima! Bañe bakarrik ez etorri, eh? Familixiaz edo kuadrilliaz bazatoz, nahixa.

Badator Marabilli festibala… aurten kanta eta guzti!

turrune

Hauxe mezu eta kanti zabaldu dabe Marabilli antolatzen dabizen herritxarrak:

Piztiak taldeak egin du Marabilli Sormen Festibaleko kanta ofiziala. “Bixitxi marabilli re” talde ondarrutarrak U diskan argitaratutako izen bereko kantaren bertsioa da eta parte hartzen dute Garik, Zea Mayseko Aiora Rementeriak, Pettik, Berri Txarrakeko Gorka Urbizuk eta Ondarroako Keike taldeko Nerea Sanchezek, Piztiakeko taldekideez gain.

Marabilli Sormen Festibalaren hirugarren edizioa aurtengo urriaren 1etik 4ra ospatuko da Ondarroan eta aurki iragarriko dira izenik nabarmenenak eta sarrerak sagai jarriko www.marabilli.re weborrian (baita ere, Ondarroako Beikozini Aretoan eta Zurrumurru liburudendan).

Marabilli2015pan1500x2290