Ondarroako Udalak Augustin Zubikarai nobela saria aurkeztu du. Nobelak sortzeko beka-deialdi honen ezaugarri nagusiak hauek dira:
Proiektuak, 2015eko irailaren 30a arte bidal daitezke helbide honetara: mrey@ondarroakoudala.net.
Hau guztia emailez bidali behar da:
a) kontakizunaren azalpena, 2.000-6.000 karaktere bitartekoa.
b) Idazlanaren lagina 15.000–40.000 karaktere bitartekoa.
c) Egilearen datuak
Saria: 6.000 €. Ondarroako Udalak ordainduko dio irabazleari era honetara: bekaren diru-kopuruaren erdia, irabazle izendatu ondoren, eta beste erdia, idazlan amaitua entregatu eta epaimahaikoek onespena emandakoan.
Urtebeteko epea nobela osatzeko: 150.000 karaktere, gutxienez.
Interesa baduzu, galdetu Udal euskara sailean: 946 833 668 / mrey@ondarroakoudala.net
Month: uztaila 2015
25 XULIO, DIA DA PATRIA GALEGA
Gaur uztailak 25 da eta gaurko egunez GALLEGUk euran egun nazionala ospatzen dabe (gure ABERRI EGUNE). Ondarrutar asko diz galleguk sortzez, herrixan dazen abizen muntuai beatzi baño ez da, eta iristen gasku egun hau eurakin batea ospatu beharra dakauela bat etxen douelako euran herri ixateko nahixaz.
Iperkaleko balkoi baten gaur isei daben ikurre
Bizikletak aparkateko leko gexa bir diz Saturranen eta Arrigorrin
Eguzki talde ekologistik hauxe mezu bixaldusku:
Udan jende asko joaten da hondartzara bizikletan, baina beti ez da egoten aparkatzeko lekurik.
Mutrikuko Udalak bizikleta aparkaleku bat ipini zuen iaz Saturraranen. Baina argi dago bakarragaz ez dela nahikoa. Aparkaleku gehiago ipintzeko eskatzen diogu Mutrikuko Udalari.
Ondarroako Arrigorri hondartzan bizikleta aparkaleku asko ipini ditu Ondarroako udalak azken urteotan. Hala ere, gehiago ipintzea komeni da.
ALBAOLA proiektun urteurrena
Urte bete beteten diz ALBAOLA proiektu martxan ipini zanetik. Pasain eindako San Juan baleontzixe, Euskal Herritik Terranoba juten zin zama-ontzi transozeanikun adibide bat da. Euskal ontzigintzi industrixin garrantzixin ikur hau Kanadako Ipar Atlantiar kostaldin, Red Bay-n, hondoratu zan 1565xan. 400 urte beranduaua itsas arkeologixintzat eredugarrixe ixango zan urazpiko indusketi hasi ben. Parcs Canadako arkeologuk. 30 urtetako ikerketin ostin ezagutzen dan XVI. mendeko itsasontzixe da eta UNESCO-n Urazpiko Ondare Kulturala erakusten daben ikurre bihurtu de. Donostia/San Sebastián 2016 Europako Kultur Hiriburutzin barrun eta Kanadako Gobernun laguntziaz osteabe eingo dabe San Juan baleontzixi Pasain. 
Guk TURRUNEtik gomendatzen dotzuau baleontzixin kopixi etxen dazen tokixe ikustea juti, gu jun gaz eta peni merezi dauela eristen gasku. Aprobetxa oporrak eta ezautu lenako itsas gixonak zelako ontzixetan itsasoratzen zin. Informaziñoi gexa: http://www.albaola.com/eu
Kalidade oso handiko konposta lortu dabe Artibai kalin
Artibai kalin herritxarrak einddako konposta aztertu dabe Fraisoroko laboratoixutan, eta lortu dizen emaitzak oso onak ixan diz. Kalidade oso oneko konposta lortu dabe, nekazaritza ekologikun be erabili ahal ixateko lakoxi.
Hamen dakazue txostena, irakurteko: http://www.ondarroa.eu/eu-ES/Albisteak/Orrialdeak/20150717_Artibaikalekokonposta,kalitatehandikoa.aspx
Udalak hauxe mezu zabaldu dau, jenti etxeko hondakin organikuk konpostatea animateko:
Ondarroako Udalak herritar guztiak animatu nahi ditu euren organikoa aprobetxatu eta konpostatzera. Horretarako, aukera desberdinak dituzte:
– Euren soloan konposta egitea (konposta egiteko potoa udalak emoten du, debalde)
– Ate aurrean potoa lagatzea, astean hiru bidar, etxeko hondakin organikoekin
– Herrian dauden lokal berezietan potoa lagatzea, etxeko hondakin organikoekin (momentuz Iparkalean eta Antiguako Ama kalean daude lokalak)
Apuntatu nahi duenak helbide hauek erabili behar ditu: 946833677 edo ingurumena@ondarroakoudala.net
Uztailak 25 (zapatu) Hitzak argi: Musipoema, ARRIGORRI ostatun
2015eko KUADRILLA EGUNEko bazkatxako tikik amatxu diz
“Kuadrilla Egunin eingo dan bazkaiko tikik atzo bertan amatxu zin. Lehenengoko bidar da aurten Kuadrilla Egunin bazkai bat antolatu douena herriko kuadrilla batzun artin, eta ikusitxe elkarte asko dazela guri bazkai honen antolakuntzan launtzen, ikusirou ezinddouela 200 launetik gorako bazkai bat antolatu.
Datorren urtin, aurtenguk ondo urteten badau behintzat, barriro be antolatuko dou, eta ahal ixan ezkio laun gexauantzako tikik atakouz saltzea.
Bixan bitxartin, eskerrik asko tikik erosizuen guztiai, eta Kuadrilla Egunan antolakuntzan launtzen zabizen kuadrilla guztiai” esazku antolatzaillik.
Uztailak 22 (eguaztena) Rafa Rueda Arrigorrin
On dala 78 urte hil ben Segundo Bedialauneta, Txorierreka
1937ko uztailan 21in hil ben Derixon Segundo Bedialauneta “Txorierreka” ondarrutarra. Beran delitu, abertzali ixati.
II. Errepublikan abertzaletasunak inddar handixe hartu ban Ondarrun. EAJk talde asko eukazen herrixan: mendigoizalik, emakume taldi, euskerin aldeko elkarti… Segundo Bedialaunetak herriko kronikak idazten zitxun Euzkadi egunkarixan. Batzokixan antolatzen zin antzerkixetan be parte hartze ban eta euskerin aldeko biharrak etxen zitxun. Eta horretxeatxik fusila ben.
Badakiau ez zala ixan gerran fusila ben ondarrutar bakarra. Hilddako asko egon zin herrixan, bai alde batekuk, eta bai bestekuk. Dana dala, frankismoko urtitan alde batekuk (irabazlik) bakarrik jaso zitxuezen omenaldixak eta dirulaguntzak. Beste aldekuk (galtzailik) zigortute eta ahaztute geatu zin. Eta Segundo Bedialauneta galtzailin bandoku zan.
Horretxeatxik pentsaten dou aldarrikatu bir dela Txori Errekan ixena, eta beraz batea II. Errepublikan euskerin eta Euskal Herrixan alde (Euzkadin alde) biharra eiben ondarrutar guztin ixena.
Oharra: zeozeinek galdetuko dau ia zeatxik darun Txorierrekak esbastika bat paparrin argazkixan. Esbastiki eta lauburu jatorri bardineko sinboluk diz. Euzkixan sinboluk. Gaur egun nazismuaz eta beran krimenakin lotzen dou esbastiki, baine ordun sasoin ondiokan ez eukan hori sentidu. II. Errepublikan kanpaina bat eizan abertzalin artin, euskeri bultzatzeko. Euskeri ekixenak paparrin lauburu ipintxeban, holan euskaldunak alkar identifika eta euskeraz berba ein ahal ixateko. Horretxeatxik daru lauburu paparrin Txorierrekak, oso euskaltzali zalako.
Uztailak 25 (zapatu) Ondarruko bigarren raide
Turrune! 