apirila 2014 – 2 orrialdea

NAFARRAn egunin eonga BAIGORRIn

2014/04/272014/04/28turrune

Urtero latxeik sasoi honetan NAFARRUn eguneko ospakizunetan eon ga Izpegi azpixan. Han ikusi dou, adibidez, “Inglesa” Pamielako liburuk saltzen, edo Nekane panderu joten… Egueldixe nahastau euki dou, ontxe aterkinak zabaltzen eta minutuk pasata eguzki galdatan, baine jentik ez dotsa huts ein urteroko deixai.

Ez da ikuskizun faltaik eon. Bezperan MIKEL LABOAn omenez antzerki ta kantu emanaldixe eon zan (ahue zabalik laga ginuzen a capela kantabenin MIKELen kantak) ta gaur egun guztintzir musika, kanta, dantza…

Aurrera eta Mutrikuko beteranuk be Iboneaz

Irudia 2014/04/26turrune

Andoni Arrizabalaga tortura ban polizixi libre laga dabe

2014/04/252014/04/25turrune

Espainiko Audientzixa Nazionalak erabaki dau Andoni Arrizabalaga ondarrutarra tortura ban polizixa frankisti ez estraditati Argentina, beran delituk preskribata ei daz eta.

Dakixuen modun, Arrizabalagan familixakuk Argentina jun zin frankismun delituk salatzea, ikusirik Espainik ez eukala inungo asmoik horrek delituk epaitzeko.

Hurrengo egunetan gertaten danan barri emoten jarraitxuko dou. Bitxartin, hamen dakazue informazinoi gexa: http://www.berria.info/albisteak/91290/espainiak_ez_du_jesus_muecas_argentinara_estraditatuko.htm

Bestetik, gaur jakin dou Saturraneko kartzelako biktiman familixakuk be euran esperientzixin barri emoten dabizela Argentinako justizixin aurrin.

Inpunidadeik ez! Frankismun delituk ikertu eta epaitu ein bir diz!

Hamen informazinoi gexa: http://beta.berria.info/albisteak/91266/saturrarango_drama_entzungai_dute_gaur_madrilgo_kontsulatuan.htm

Ondarrutarrak Marinaledan

2014/04/252014/04/25turrune

Ondarrutar batzuk Marinaledan (Sevilla) egon diz oporretan, eta bertan atatako argazkixak bixalduskuz. Jakingozuen modun, Marinaleda jornalerun herri bat da, eta ezkerreko alderdixan eta sindikatun koalizinoi batek irabazten dau beti hauteskunditan. Ondorixoz udaleko erabakixak asanbladan hartzen diz.

Burruka asko eta lurran okupazinoi asko eta gero, Marinaledako herritxarrak lortu ben duke batenak zin latifundixuk eurantzako ixati, eta bertan kooperatiba bat sortu ben. Gaur egun, 400 pertsonak etxen dabe biharra bertan, eta danak soldata bardine dakarre.

Etxebizitzin espekulazinoirik ez egoteko, udalak lur asko erosi zitxun, eta gero etxik merke saldu edo alokatu (hilin 15 euroko alokairuk daz!).

Herrixe ezautu nahi dabenak, Aste Santutan dauke aukera onena: Ekitaldi erlijiosun ordez, bakin aldeko asti ospatzen dabe, kontzertukin, hitzaldixakin…

Gora Andaluzia libre!

Marinaledako kalitan sozialismun edo beste nazinoi batzutako burrukan aldeko mezuk ahal diz ikusi.

Apirilak 25 (baixaku) ibilaldi osasungarrixe Zaldupetik Errentexa

2014/04/24turrune

Hileroko azkanengo baixako guztixetan egoten den modun, apirilak 25n, goizeko 10etan, kiroldegi aurretik hasitxe ADINEKOENTZAKO IBILALDI OASUNGARRIXE egongo da. Beti lez, monitore bat egongo da eta ibilaldixe hauxe ixango da: ZALDUPE-ERRENTEIXAKO ZUBIXE-ZALDUPE (3 km)

ANIMA ETA URREATU KIROLDEGI AURREA!!

Apirilak 26 (zapatu) beteranun futbol partidu ZALDUPEN

2014/04/242014/04/24turrune

ZUBI ZAHAR Herri ikastolik antolatute, AURRERA K.E.-MUTRIKU F.T. beteranun partidu jokatuko da zapatun goxin, 11:30etik aurrea.

Argi gorrixak biztu diz IBONentzako

2014/04/24turrune

3 urte Aitzolik baik

2014/04/24turrune

Atzo ixan zalakun, baine gaur hiru urte jun gaskun Aitzol Aramaio. Zine zuzendaixe zan, baine batez be ondarrutar askoren lagun handixe.

Datorren martitzenin Bilbon beran omenezko jardunaldi bat antolatu dabe. Tartin, ondarrutar batzun pelikulak botakotxuez (Bidegain, Eizagirre). Bilbotik bazabize, ez galdu aukeri.

Hamen egitarau: http://cineclubfas.com/eu_IIaitzol.php

Kamiñazpin jaso dabe lehenengoko konposta

2014/04/242014/04/24turrune

Kamiñazpin konposta etxen daben herritxarrak jaso dabe euran lehenengoko konposta. Zortzi hilin etxeko hondakin organikuk txikitxutako egurraz nahasta dotxuez, eta on abonu edo ongarrixe lortu dabe.

Batzuk solun erabiliko dabe konposta, beste batzuk etxeko lorai botateko. Ibaiondon ixez landatutako arbolai be botatse konpost bixkat.

Etxeko hondakinak ondo banatzen badouz, ez diz zamar bihurtzen. Birziklatu edo konpostatu ein leikez, naturiai kalteik ein baik!

Informazinoi gexa: http://www.ondarroa.eu/eu-ES/Albisteak/Orrialdeak/20140416_Ibaiondokolehenengokokonpostajasoduteauzokoek.aspx