Ezker abertzalea berriz ere legezkoa da Espainiako Justizian, bederatzi urteren ondoren. Izan ere, Espainiako Auzitegi Konstituzionalak Sortu ezker abertzaleko alderdi politikoaren defentsak aurkeztutako babes helegiteari arrazoi eman dio, auzitegiak berak arratsaldeko bostak pasatxo zirela esan duenez, eta Sortu legezko da, estatutuak aurkeztu eta urtebete pasatxora. Ofizialki oraindik ez dago bozketaren berri; ElPais.es-ek dio aldeko sei boto izan direla eta kontrako bost.

2003an hasi ziren ezker abertzaleko alderdi edo plataforma politikoen aurkako ilegalizazioak; Auzitegi Gorenak urte hartako martxoan utzi zituen legez kanpo Batasuna, HB eta EH, “ETAren tresna eta ETAkoak” zirela jota