Arratsaldeko 6:30etatik aurrea batuko gaz Kofrai zaharrin. Batzar hortan eztabaidatu eingou ARRAIN LONJIk herrixai ekarri leiken onurai buruz.
Hamen erakustetzuau sare sozialetan zabaldu dizen Lonjin planuk eta montaje batzuk:
Egixe da portu asko aldatu dala, txalopak gitxitxu ein dizela, gure gaztik eztabela nahi itxosa jun…, bañe hontxe dana eutsi nahi badou, beharrezku de lokal ganorazko bat eukitxi arrain sal-erosketako.
Hamen erakustetzuau lena zelan etxeben biharra portun.
Zapatu goxin Kalekutzeko eskillaretan boletuk saltzen eongo diz, eta tokatu ezkeo Bildots eder bat erungozu etxea, dana be euro baten trukin. Urteten daben zenbakixe TURRUNIN agertuko da.
Egun horretan kalea urtengorou. Alamedan batuko gaz arratsaldeko 7retan, etorri zeu be emakumin kontrako indarkexi salatzea.
Hauxe idatzixe bixaldusku Lea Artibaiko Eguzki Talde Ekologistik:
Hondakinen gaikako banaketa %70era igotzeko konpromisoa eskatzeko mozioak sartu ditugu Lea Artibai eskualdeko udaletan.
Hondakinak gure herriek sortzen duten arazo larrienetako bat dira. Egunero egunero ehunka kilo zabor sortzen dugu. Zabor hori erre egiten da, eta zabortegietan amaitzen du. Prozesu horretan kutsadura asko sortzen da, eta gainera berrerabilgarriak eta birziklagarriak diren material asko galtzen dira. Baita diru asko ere. Lea Artibaiko herrietan %25 inguru bakarrik bidaltzen da birziklatzera.
Badago alternatibarik: materialak berrerabili eta birziklatzea. Ingurumenarentzako ekintza onena horixe da, eta gainera Europatik datozen legeek ere norabide hori hartzera bultzatzen gaituzte.
Udalek ere badaukate zer egina arlo honetan, hondakinen bilketa euren ardura delako.
Gipuzkoa eta Nafarroako herri askotan hondakinak batzeko sistemak aldatu dituzte, eta %70 eta %80 banatu eta birziklatzera bidaltzea lortu dute. Sistema horiek hauek dira: atez atekoa, sistema mixtoa (atez atekoa eta kontenedorak txipagaz) eta txipaz kontrolatutako errefusa eta organikoarentzako edukiontziak ipintzea. Beste herrietan posible izan bada, gure eskualdean ere egin ahal da.
Hau dela eta, udalei plenoan hau onartzea eskatu diegu:
Legegintzaldi honetan hondakinen bilketa sistema aldatu eta hondakinak birziklatzera bidaltzeko gaikako bilketa %70era igotzea.
Lea Artibaiko Eguzki talde ekologista
Aurrea jarraitzeko ESKURA prozesua bukatuz, oinarri eta arduradun barrixak aukeratu diz.
On dala aste batzuk Turrune itxi gendun, 5 urtin egunero egunero Ondarruko albistik emoten egon eta gero. Ez zan erabaki erreza ixan. Baina orduntxe esan gendun latxeik, gerua eta gatxaua etxen gaskun egunero egunero tarte bat libre hartu eta Turrune barritzi.
Turrune itxi eta gero jentin reakzinoi ikusgarrixe ixan da eta harritxute laga gatxu. Pilo bat pertsonak kalin para gatxue, mezuk eta emailak jaso douz munduko txoko desbardinetatik… Danak gauza bardine esateko: Turrune ezin leike itxi!
Buelta asko emotzau, aurrea etxeko kapazak ixango gazen pentsateko. Jente barri askok laguntzeko prest dala be esasku. Eta 5 urtin Turrune aurrea erun douen pertsona batzuk Turrune atzea be zabaltzi pentsa dou, jente barrixan laguntziaz.
Argi esaten dou: beste 5 urte aguantateko ahalegine eingo dou, baine hori ezta erreza ixango zeuen danon laguntza baik. Zeuen argazkixak bir douz, zeuen kartelak, zeuen idatzixak… zuen laguntza baik askoik eztouelako aguantako.
5 urtin Turrune aurrea eruten lagunduzuenoi eskerrik asko! Hamendik aurrea Turrune aurrea eruten lagundukozuenoi be, eskerrik asko eta ongi etorri!
Entera baik 5 urte pasa diz Turrune martxan ipini gendunetik. 5 urte egunero egunero Ondarruko gauzai buruz berba etxen. Eta beti beste ikuspegi bat emon naxan: ezkerreku eta abertzali.
Bixitxik buelta asko emoten dau, eta beti be ezta erreza geure denpora librin egunero tarte bat hartu eta Turrunin zeozer idazti. Gainea, Turrunin laguntzen gabizenok beste saltsa askotan be sartute gaz, eta danea ezin aila. Horretxeatxik, buelta asko emon eta gero, Turrunan proiektu amaitzi pentsa dou. Erabaki gatxe ixan da, eta atzeatzen ibili gaz, baine azkanin hartu ein bir ixan dou.
5 urtin milloi bat eta erdi bixitxa euki douz (errez esaten da!). Jente eta talde askok lagundusku, kartelak, argazkixak, iritzixak… bixaldute. Eskerrik asko danoi! Zuek baik ez gendun asko aguantako!
Turrune amatxu eingo da, baine Ondarrun hamendik aurrea be egongo da zer konta. Horretxeatxik, eskumako aldin dakazuez Ondarruko taldin helbidik, euran barri eukitxeko. Lea Artibaiko hitzan helbidi be hamen dakazue, Ondarruai buruzko eguneroko albistik jasoteko:
http://lea-artibaietamutriku.hitza.eus/herria/ondarroa/
Eskerrik asko danoi. Eta eskerrik asko egunero egunero borondatez Ondarru herri euskaldun, alai eta eskuzabala bihurtzen dozuen ondarrutar danoi! Gora zeuek! Kalin ikusiko gaz!
Gaurko egunez, ondala 36 urte Fran Aldanondo Badiola, tiroz hil ban Guardia Zibilak Tolosa inguruko baserri baten.
Turrune! 