LAB sindikatutik, idatzi hau jaso dou hitzarmen horrei lotutako barrixai buruz:
“Astelehenin, Bizkaiko kontserba hitzarmen barrixe sinatu gendun. Horren
aurrin, gaur, LAB sindikatutik mahai-negoziatzailea juten dizen
ordezkarixak eta LABeko kontserbatako arduradunak (Jobi) prentsaurreku
emon dabe Bermeoko Salica Alimentaria (“Conservas Campos”) enpresa aurrin. Azpixan dakazue hori dala ta enpresetan banatzen gazen esku orrixe”.
Cicautxoko azpikontratak bixi daben prekarietati amaitzeko biharrin dabil LAB. Ekimen desbardinak daz eitten. Roal CB enpresako langilik karta bidez esplikaten dabe primeran eurak bixi daben egoera prekaxu biharrin zein dan:
8 ORDUKO LANALDIA 800€ren TRUKE
Roal CB enpresako langileak gara. Gure enpresan Cikautxorentzako piezak egiten ditugu eskualdeko beste hainbat enpresetan moduan.
Cikautxoko azpikontrata guztietan bezala, Kimiketako estatu-hitzarmena ezarri behar digute (ez dago herrialdekoa). Lan-hitzarmena, izatez, ez da txalotzekoa, baina zoritxarrez, hori ere ez digute aplikatzen. Hitzarmenak ezartzen duena baino 400€ gutxiago eramaten ditugu hilero etxera; pentsa, Errentako deklarazioa ere ez dugu egin behar gure soldatengatik! Ez dago eskubiderik! Eta ez gara Cikautxoko azpikontratetan pobreziara kondenatuta gauden langile bakarrak.
Aurreko urteko udazkenetik Roal enpresako bi enpresariekin eta Cikautxorekin harremanetan egon gara gure egoera aldatu nahirik. Hainbat bilera egin ditugu. Eusko Jarlaritzako Lan Harremanetarako Kontseiluaren tartekaritza ere eskatu izan dugu akordio batera heldu ahal izateko; eta azkenean, utzi diguten aukera bakarra borrokarena izan da: borroka judiziala eta kaleko salaketa publikoa.
Langileok gure soldatarekin bizi ezinik egon garen bitartean, Roal CB enpresako bi jabeak, etxeak, pabiloia, automobilak,… erosi ahal izan dituzte. Baina orain, aski dela esan dugu. Azken urte eta erdian lan asko sartu bada ere, enpresariak berdinean mantentzen dira. Nahikoa da! Gure pazientzia bukatu da. Diru asko zor digute txarto ordaindutako soldata guztiengatik, eta oraindik ere, hilero hilero 400€ gutxiago ordaintzen digute. Gure izerdiarekin egindako lanaren ordaina nahi dugu, hitzarmenak ezartzen duena gutxienez; eta lortzera goaz!
Azken urte hau gogorra izan da. Enpresariak konturatu zirenean gure eskubideen defentsan tinko geundela jarrera gogortu dute: itxiera mehatxuak mahai gainean astero jarriz; kazikismoa praktikan jarriz lan-orduetan; tratu eta begirada txarrak eskainiz langileei; etab. luzea. Baina gu hemen jarraitzen dugu, tinko.
Langileak gara eta harro gaude! Gogorra izan da, bai, azken urtea. Baina era berean, langileontzat aberasgarria izan da. Gure artean batu gara, erasoen aurrean elkarrekin erantzun dugu, inposaketen aurrean tinko jarri gara, ordu estrei ezetza eman diegu, lan-egutegian gure oporraldiagatik borrokatu dugu,…Batasunak eta elkartasunak ematen digu indarra, kontziente gara horretaz, eta horretaz baliatuko gara gure eskubideen defentsan. Gora langileon borroka! Roal CB enpresan hitzarmena orain!
2016eko ekaina
Roal CB enpresako langileak
Egoera honen aurrin langilik prekarietatiaz amaitzeko borrokan daz. Gaur, kotxe-karabanin ostin, agerraldixe eiñ dabe Cicautxo parin. Bertan, Cikautxo, Maier eta prekarietati onartzen daben enpresa guztik seinala nahi ixan dotsuez.
Hamen Hitzako bideun ikusgai prentsaurri:
LAB-ek dio kooperatibak “prekarietatearen sortzaileak” direla
Arratsaldeko 19.30in konzentraziñoi ein de kalekutzin.
Prekarietati borrokatuz, langilik bidik batuz!
Ekainan 4an, zapatun HAUTESKUNDE batzar iraixe goixeko 11.00an Txokun.
EHBilduko kide dan Onintza Enbeita etorriko da.
Gainin dakauzen hauteskunditan asko jokatzen dou!
Eskualdeko LAB sindikatuk ohar hau bixaldu dozku:
“Langileok bideak batuz, Euskal Herria prekarietatearen kontra” dinamikiaz jarraituz, eskualdin prekarietati salatzea guz aste honetan, orokorrin eta Cikautxoko azpikontratetan emoten dana be bai.
Zentzu honetan LAB latxeik ekimen ezberdinak antolatu douz ekainan 2xan:
-Ekainan 2xan, eguenin, 9:30 -11:30 KOTXE KARABANA eta AGERRALDIXE: Hasi 9:30etan Okamikan eta amatxu 11:30etan Cikautxo aurrin (Berritxun). Agerraldixe 11:30etan Cikautxo aurrin eingo dou. Lemi: “langileok bideak batuz, Cikautxoko azpikontratetan prekarietati borrokatu”
–Ekainan 2xan, eguenin, 19:30etan KONTZENTRAZIÑOI ONDARRUN Alde Zaharrin. Lemi: “langileok bideak batuz, Cikautxoko azpikontratetan prekarietati borrokatu. Ondarroa prekaritetatin kontra”
Hauxe da EHBilduk Euskal Herritxarrantzako etxen daben apostu: danok hobeto bixitxeko Euskal Estatu barri bat eraikitxik ezkerretik. Kalitan eta instituziñoitxan indarra einde lortukora indepedentzixa hori eskuratzi, eta horren bidin hauteskunde Españoletan be emaitz onak atati beharrezku de.
Telebistan ez da agertuko EHBildu. Hauxe dalako min gexen etxetzen alderdixe, EHBilduk kaletik eingorau kanpañi herritxar guztik eukitxeko aukeri parte hartu eta gauza barrixak ikasteko.
Ekainan 1in lelengoko hitzaldixe Joseba Permach eta Jone Etxeberrian eskutik, 19:00etan kofrai zaharrin. Ezta ixango atzana, hiltzaldi ziklo bat da preparata eta ekain guztirako!
Gaur arratsaldin herrittar talde eder bat eon gaz LAB sindikatuk deitxutako mobilizaziñoin. Lau leku desbardiñetatik urten (Udaletxetik, Abandotik, Jesusen bihotzetik eta Zubiartetik) eta Moyua plazan amatxu de ekitaldixe. Borrokan dazen hainbat empresetako langillik batu diz mobilizaziñoire (Arcelor Mittal, jantokixetako langillik, etxitako langillik, pentsionistak, gaztik,…)Hamen bertan atatako argazki batzuk.
Maxatzan 28xan BILBOn eingo dan mobilizaziñoi nazionala bultzatzeko eta berta jun biharran alde sentsibilizateko, herrixan pankarta bidez prekaritatin gunik salatu dotxuez. Hamen irudixak.
Ekintza desbardiñak ein diz gaur ONDARRUn egun honeaz lotute.
Gaur eguerdixan omenaldixe jaso dabe JABIk eta ALBERTOk LEKATXOn. LABsindikatuk antolatu dau eta bertan bi langillin herixotzi salatu dou. Sindikatuko buruzagixak (AINHOA ETXAIDE) berba eindau eta beran hasarri erakutsi dau esanaz aurten urti hasi eta gaur arte 14 langille hil dizela eta agintarixak normaltasunez jarraitzen dabela, hori onarteziñe dala esan dau.
Jabi eta Alberto lan istripun ondorixoz hil di. Etxeko eta lagunai… animo! Hartu Turrunetik besarkada handi bat.
Gertaera honen ingurun Ernai Gazte Antolakundekuk eurak eitten daben irakurketi bixaldu dosku:
“Astelehenean Ondarroan 2 langile hil eta hirugarren bat zauritu da portuan egondako leherketa baten ondorioz. 14 langile dira jada azken 3 hilabetetan eraildakoak. Eraildakoak diogu, gaurko gertakariak arrazoi eta erantzule politikoak baititu.
Gaur hildako langileak, Gasteizen hil zituztenak ere badira. Langile eta patronalaren arteko gatazka, zapaldu eta zapaltzailearen arteko guda da. Esplotatu eta prekarietatean lan egitera behartzen gaitu patronalak. Gure lan indarraren kontura aberasten jarraitzen dute eta gaurko egun hauetan bezala inoiz baino latzago da errealitatea.
Non daude arduradun politiko eta ekonomikoen adierazpenak? Zer egingo dute hau berriro gertatu ez dadin? Ez da nahikoa Ondarroako portura hurbiltzea, gero enpresa buruetako gorbatadunekin foroetan gosaltzen duzuen bitartean. Ez ditugu zuen doluminak nahi, Troikako mafiosoei aurreskuak egiten diezuen bitartean.
Prekarietateak hiltzen gaitu, eta gaur argi ikusi da ez dela lelo soil bat, errealitate gordina baizik. Lau txanponen truke lan baldintza kaxkarretan lan egitera behartzen gaituzte, eta honek istripuak gertatzeko aukerak handitu egiten ditu. Miseriara kondenatzen gaituzte, gaur egun lana izatea “luxu” bat dela salduaz. Jan ezazu edo bestela gosez hil, zuk aukeratu.
Eskubide zapalketen aurrean eta gaurko gertakarien aurrean kaleak hartzeko deia luzatzen dugu. Elkartasun eta borrokaz, lanbide heziketako gazteok, gazte langileok, ikasleok, langabetuok… prekarietatera kondenatuak gaudenok zutitu eta erantzun beharra dugu. Zapaltzen gaituen patronal hiltzaileari hortzak erakutsiz, denon borrokaz lan baldintza duinak eskuratzeko.
Egunotan lan istripua salatzeko mobilizazioetan parte har dezagun, baita ikasleok ostegunean dugun mobilizazio egunean ere. Gazteok ez gaude prest prekarietatean lan egin eta lanean hiltzera kondenatzen gaituztenen aurrean isilik geratzeko. Denok kalera!
Hurrengo egunetako mobilizazioetan parte hartzeko deia luzatzen diegu gazte langile, langabetu, ikasle eta herritar guztiei.
Doluminak eta besarkada beroenak hildako langileen senide eta gertukoei.
PREKARITATEA HILTZAILEA!!!
LAN ISTRIPU GEHIAGORIK EZ!”
Dakixuen modun, martxun 16an, gaur, ordu 2ko paru deittu dau euskal sindikalgintzik herrixan.
Herrixan bizi douen sasoi ilun honetan makina bat ixan di eremu eta txoko desbardinetatik jaso douzen elkartasun mezuk. Azkanengokutako Pirritx, Porrotx eta Mari Mototxeandik. Hamen elkartasun mezu bideu:
Eskerrik asko danoi ondarrutarrok jasoten gazen elkartasun eta laguntza guztiatxik!
Ondarrun kantaten douen modun: “…iparbaltzetan aurrera…aurrera beti aurrera!…”
Turrune! 