Gure herriko paretetan agertu diren kartelak irakurriz bertan ondarroako historiazale taldeak antolatu dituen hitzaldi sortaren barri izan dugu. OHZ Ondarroan egiten ari den lana izugarria da herriko historia batu eta herritarrei azaleratzeko. Hortaz, guk, Ondarroako ezker abertzaleak, hitzaldi horietara agertzeko dei egiten dizu, oso interesgarriak izango direlakoan.

Plana berezia egiten duten ezaugarriak edo Berezia duen Plana
Ondarroako herri lurzoruaren baitan, etxebizitzen eraikuntzara bideraturiko eremu guztien artean, Aierikoa dugu eremurik garrantzitsuena eta bereziena ezbairik gabe, bai hedaduraz handiena eta baita ingurumen balio handiko baldintzak dituelako.
Beraz, egungo garapen ereduaren baitan talka handiena sortzen duten bi faktore nagusiak aurkitzen dira aurrez aurre bertan, hirigintza eta ingurumena eremu berberaren baitan. Bat edo bestea, zein lehenetsi da beraz eztabaida eta horretarako derrigorrrezkoa da ikuspegi bakoitzak aurkezten dituen beharren azterketa zehatz, sakon eta garden bat, edozein erabaki zentzu batean edo bestean hartu aurretik, eta ez momentuan momentuko “koiuntura” edo interesen arabera.
-Aieriko eremua ezaugarritzen duten berezitasunak eta eraginak
Bai EAEko Hezeguneen Arlokako Planak eta baita Europako Natura 2000 Sareak ere aitortu duten balio handiko itsasertzeko hezegunea da Aierikoa.
Euskal Herriko itsasertzean hezeguneak gutxi dira eta gainera oso murriztuak daude XX. mendeko giza presio “urbanistikoa”ren eraginez. Ekosistema mota hau desagertzeko arriskuan dauden hainbat espezieren bizileku dugu eta horien artean ezagunena europear bisoia edo…………., betiko desagertzeko arrisku larrian.
Hezegunearen funtzio ekologikoa ez da bizitoki izatera mugatzen, baizik eta hiri garapenerako arriskutsuak diren uholde arriskuen aurrean, ur emari erregulatzaile funtzioa garrantzitsua ere badauka.
Aieriko gunea hiri lurzoru izendatu zenetik 1993ko Arau Subsidiarioetan, nahiz eta 1997 urterarte ez zen izan behin betikoz onartua, Ondarroako herri barruan 300 bat etxebizitza berri eraiki edo bideratu dira horretarako egindako hainbat Arau aldaketen bidez. Ezker abertzaleak aldaketa horien artean bultzatutakoa dugu 164 etxebizitzen erdia babesekoa diren Kamiñalde-Iturribarriko proiektua, PNVk behin eta berriz azaldutako kontrako iritziaren gainetik. Hain zuzen, etxebizitza babestu eta tasatu hauek dira Ondarroan azken 15 urteotan garatutako bakarrak.
Egun 500 inguru etxebizitza huts dauzkagu herrian bertan, horietatik 40 Udalaren esku daudelarik Kaminalde-Iturribarrin, eta ehundik gora eraikitzeke Antzosolo, Zaldunbide edo eta Kaminazpin adibide batzuk aipatzearren.
Ezin da albo batera laga, Ondarroako iharduera nagusia den arrantzaren gainbeheraren eraginez azken bi hamarkadetan herriko erroldan izan dugun %20ko beherakada, ia 11.000 biztanle izatetik 9.000 baino gutxiago izatera pasa izana.
Guzti hori kontutan izanda, ezin da inola ere justifikatu eta are gutxiago ulertu zergatik diharduten hain temati PNVko udal ordezkari eta Gestorakoek Ondarroan geratzen den azken hezegune eremua eta landa lur lau bakarra hiritartzeko asmoaz.
Gauzak horrela, 2007ko apirilean udal hauteskunde ataritan, PNVk Aitor Maruri alkate zuela Aierirako Plan Bereziaren Aurrerapena onartu zuen, ez informazio ez eta eztabaidarako aukera izpirik eman gabe, propaganda hutsera mugatuz. Ezker abertzaleak ondarrutarren artean Aierin etxebitzak eraikitzearen aukeraren inguruko herri inkestaren emaitza jasoaz, eremuak bere etxebizitza sozialen lur erreserba izaerari eutsiz jarraitzea eta soilik beharrezko izatekotan garatzea jarri zuen udal hauteskundeetara herri programan.
Apartheid politikoaren ondoriozko hauteskunde ez demokratikoen ondoren, Ondarroako herriak emandako hitza eta erabakiaren kontra, PNVk egungo udal Gestora osatu zuen, Aieriko 500 etxebizitza gauzatzea ikur izango zutea berehala aitortu zutelarik.
Bitartean, Plan Bereziaren Aurrerapenari hainbat talde ekologistek ezarritako alegazio eta salaketei inongo jaramonik edo eta erantzunik eman gabe, aurrera jarraitu zuen Gestorak Plana gauzatzeko asmoekin. Eta horrela egin zuten, izan ere 2009ko apirilean herritik kanpo egindako plenoan Plan Berezia hasieraz onartu ondoren jendaurrean jarri zuten arte, alegazioak tartekatzeko aukera bakarrik zabalduz talde, eragile eta heritarrei. Baina hauek ere alferrikakoak izan ziren, Gestorakoek “zazpi bakarrik” tartekatu zirela arbuiatuz, mespresuz eta haundikeriz hartu zituzten ordurako alde zaharreko Plan Bereziaren aurkako 2600 alegazio jasoak bait zituzten.
Aurtengo apirilean behin betikoz onartu ostean, bestelako aukerarik gabe, epaitegietara jotzera behartuak izan dira herriko talde eta eragileak beraien salaketa eta eskaerak entzunarazteko. Eta bai entzun ere, epaitegian alegazio eta salaketetan behin eta berriz adierazitakoei jaramon eginez, Plan Berezia badaezpadako etenaldian ezartzea erabaki bait da are eta azken epaia eman bitartean.
Epai erabakiak argi utzi duena da alde batetik, PNV-k bai alkatetzan zegoenean eta bai orain Gestoraren bitartez, Aieriko eremuan espekulazio eta ikaragarrizko eraikuntza garapen aukera galtzen usteko ez daudela prest. Nahiz eta jakitun izan garapen urbanistiko horretarako oinarri dituzten Ondarroako udal plangintzarako Arau Subsidiarioak Aieriko padura eta bere inguruak babesten dituen EAEko Arlokako Planera egokitzeko 3 urteko epea justu 2007an bukatua zela zentsu horretan inolako pausurik eman gabe jarraituz, eta gainera arauak berak automatikoki berrikusteko 8 urteko epea jada 2005ean betea zela, Gestorkoek hartutako erabakien larritasuna eta arduragabekeria nabari uzten dute.
Eta bestaldetik, PNVren eredu “desarrollista”, espekulatzailea eta herriari bizkarra emanez azken hamarkadatan garatu dutena Ondarroan jasangaitza dela, beraien eskutik herrian egindako etxebizitza proiektu guztietan 0 etxebizitza babestu edo sozial bultzatuz, are eta gehiago, ezker abertzaleak bultzatzen saiatu edo gauzatu dituen guztien kontra azaldu eta bozkatuz beti, Kaminalde-Iturribarriko etxebizitzen kasuan bezala.
Ondorioz, orain berriz ez da sinesgarria PNVk bapatean Aierin etxebizitza garapen ikaragarri honen bultzada herriaren beharrei erantzunaz eman izana. Gehiago dirudi eraikuntzaren inguruan sortutako krisi ekonomikoaren “kaltetuak” izan diren eraikitzaile enpresa handien interesei erantzun beharrean aurkitzen dela benetan aitortu ezinezko arrazoia. Are nabariago, Aieriko Plan Bereziak aurreikusten dituen 85.000.000€tako kostua diru iturri publikoen bidez gauzatzeko asmoa dela kontutan izaten badugu.

Uztailean hasi eta urrian bukatzea aurreikusten den Udalbiltzaren kontrako epaiketa dela eta, orain hilabete batzuk osatu zen Ondarroan Udalbiltza Sarea. Auzipetuei, bereziki hain hurbilak ditugun Loren Arkotxa, Ondarroako Alkate izandakoari eta Maribi Ugarteburu, Amorotoko alkatea izandakoari, herriaren elkartasuna adierazteko eta Entzutegi Nazionalean burutzen ari den epaiketa horren zentzugabetasuna adierazteko, hainbat ekimen antolatu dira.

Besteak beste, Ondarroako udalean eta alderdi ezberdinetan aritutako hainbat kidek, herrian elkarbizitzan diren sentsibilitateak ordezkatu ez, baina bai adierazi egiten duten pertsonak euren burua aurkezten dute, elkarrekin egindako argazkian, publikoki auzipetuei euren elkartasuna adierazteko.
Argazkian agertzen direnak –parentesi artean, zein alderdiaren ordezkari izan ziren zinegotzi edo alkate-: Karmele Antxustegi (EA), Eladino Gonzalez (EE), Aitor Maruri (EAJ-PNV), Trini Arrizabalaga(Ezker Abertzalea), Roberto Garcia (EAJ-PNV), Unai Urruzuno (Ezker Abertzalea), Guruzne Osa (EA), Jon Arrizabalaga (LKI) eta Txomin Letamendi (LKI)

Era berean, EA, EAJ-PNV, EE, Ezker Abertzalea, LKI eta Zutik alderdien izenean Udalean zinegotzi lanetan aritutako 44 lagunek “LORENEKIN ELKARTASUNA” deituriko manifestua sinatu dute. Sinatzaileek, auzipetuei elkartasuna adierazi eta epaiketaren zentzugabetasuna konstatatzeaz gain, Ondarroako udalak 1999. urtean Udalbiltza erakundetzearen alde egindako apustuaren aukera berresten dute, “borondate demokratikoaren batura eta eskubide zibil eta politikoen bermerako tresna legez jaio zen Udalbiltza”ren aldeko apustuarekin eginez.

Hurrengo asteetan burutuko diren ekimenetarako deia ere egiten du Udalbiltza Sareak honen bidez:
Irailaren 26an, eguerdiko 12:30etan, MANIFESTAZIO IXILA, Zubi Barritik Alamedaraino.
Irailaren 29an, gaueko 10:00etatik, 10:15etara, POTO HOTSA, etexeetako balkoietatik.
Irailaren 29an, 30ean eta urriaren 1ean, KONTZENTRAZIOAK eta epaiketari buruzko INFORMAZIOA, iluntzeko 20:00etan Alamedan
Aurrerago epaiketaren inguruan suerta daitezkeen gorabeheren arabera, beste ekimen batzuk ere jarriko dira martxan.

UDALBILTZAREN KONTRAKO EPAIKETAREN BIGARREN ZATIA IRAGARRI DUTE HURRENGO EGUNETARAKO
Mobilizazioak iragarri ditu Udalbiltza sareak Ondarroan
Urriaren 13an hasi eta urriaren erdialdera arte luzatuko dira saioak Auzitegi Nazionalean
Espainiako Auzitegi Nazionalak Udalbiltzako 22 ordezkari eta langileren aurka abiatutako epaiketa dela eta, Ondarroako Udalbiltza Sareak berriro auzipetuei elkartasuna adierazteko ekitaldiak iragarri ditu hurrengo egunetarako.
Loren Arkotxa eta beste 21 inplikatuen kontrako epaiketaren bigarren zatiari ekingo diote irailaren 13an, 14an, 15ean, 29an 30ean eta urriaren 1ean. Urriaren erdialderako aurreikusten da konklusioetarako azken saioa. Auzian, 22 pertsonek 10 eta 23 urte bitarteko espetxe zigor eskaerei egin behar diote aurre. Horietarik gehienak udal hautetsi ohiak dira eta akusazioek (fiskala eta “Dignidad y Justicia” elkartea), jasotzen dituzten jardueretan Euskal Herriko edozein udaletxek bultzatzen dituen egitasmoak baino ez daude, bai kultur, hezkuntza, hizkuntza, kirola, garapen ekonomiko edo antzeko arloetan.
Ondarroako Udalbiltza Sareak uztailean adierazi zuenez, Loren Arkotxa eta beste auzipetuei leporatzen zaizkien delituak, eurei zegokien lan instituzionala burutzearen ondorioa dira. “Lan instituzional hori, izaera publiko eta demokratikoa duena, epaitu eta zigortu nahi dute egin, inolako funts juridikorik gabe. Eta udal hautetsi zein hautetsi ohi, zein herritar arrunta garen heinean, ezin dugu hori beste barik onartu. Bai, ordea, salatu”, gaineratu zuten.
Udalbiltza sareak, herritarrei dei egin die hurrengo asteotarako iragartzen diren mobilizazioetan parte har dezaten. Epaiketak uda aldian izandako etenaldiaren ondoren ekimen berriak antolatu ditu irailaren 13an hasita.
Poto-hotsa eta informazioa emateko kontzentrazioak
Besteak beste, epaiketa berriro hasten den egunerako (hilaren 13rako) iragarri dute poto-hotsa edo burrundada ekimena izango da mobilizazioetan lehena, aurrekoan bezala. Gaueko 22:00etan hasi eta 22:15etara luzatuko da eta etxebizitzetako balkoi guztietatik etxetresna ezberdinak erabiliz “Madriletik ere entzungo den poto-hotsa ikaragarria sortu behar dugu” diote antolatzaileek. Ekitaldi honen hasiera eta bukaera momentuak bolandera batek iragarriko ditu.
Bestalde, epaiketa egunetako (14 eta 15) 20:00etan kontzentrazioak deitu dituzte, Alamedan, eta bertan epaiketaren egunerokotasunaren berri emango dute.
Epaiketak egingo duen astebeteko etenaldiaren ondoren berriro iragarriko dira mobilizazio berriak, besteak beste hilaren 26an egingo den manifestazio ixila, Zubi Barritik abiatu eta Alamedaraino.
Ondarroako Udalbiltza sareak mobilizazio hauetan zein Nazional mailan antola daitezkeenetan parte hartzera deitzen ditu herritar guztiak.

Zaldupetik Allerirako paseun obrak hasitxe dazela eta, eguenin, irailak 16, konzentrazinoi egongo da Zaldupeko zubixin, atsaldeko 5etan.

Anima eta etorri!
http://www.blogak.com/aieri

Ondarroako udal gestora Zaldupe-Alleri pasealekua urbanizatzen hasi da, lur azpitik Alleriko etxeentzako ura, gasa, elektrizitatea… sartzeko. Diru publikotik 821.000 euro gastatu nahi dituzte, lehendik ere badagoen pasealekua urbanizatzeko, non eta babestutako padura batean. Negozioa egin nahi dute denon kontura.
Baina Alleriko etxeen proiektua geldituta dago epaitegien aginduz, eta udalak ez dauzka pasealekua urbanizatzeko baimenak.
Obrak ilegalik ez! Obrak gelditu!

Auzia dela eta, berriro herritarrak kalera irtetzeko deia egiten diogu Ondarroako herriari. Hori dela eta:

-IRAILAK 13an gaueko 10etatik-10ak eta laurdeneta BURRUNBADA edo poto hotsa leiho eta balkoietan.
-IRAILAK 14 eta 15ean elkarretaratzea iluntzeko 8retan Alamedan.

Felix Aranbarrik onartu berri duen dekretuak 2010eko Andramaixak kolokan jarri dituen arren, bera oporretan egon denez, ostegunera arte -uztailak 29- ez da gurekin batzartzeko prest agertu, eguerdiko ordu bat eta erdietan. Geure ekimenez, herriko jaietan inplikatuta gauden taldeon ordezkaritza zabal batek Joseba Ander Rosales eta Ibon Aranbarri gestorako kideekin biltzea lortu genuen astelehenean -uztailak 26-, ez soilik Jai Batzordekoak, baita udalaren jai egitarauan parte hartzen duten zenbait talde ere, Aurrera Txirrindu Taldea eta Txomin Agirreko danborradaren antolatzaileak, besteak beste. Azken hauek argi utzi zuten, jaietako egitaraua ziurtasun gutxiengo batekin aurrera eramateko bermerik ez badugu lortzen, eta horren ondorioz jaietako egitaraua bertan behera uztea erabaki beharrean aurkitzen bagara, eurek ere ez dutela aurten danborradarik antolatuko. Orokorrean, Jai Batzordean parte hartzen ez duten taldeen babesa sentitu genuen, eta benetan eskertzen diegu. Bilera horretan bospasei tabernari ere egon ziren. Rosales eta Aranbarriren esanetan eurek erabakirik hartzeko gaitasunik ez zeukaten, eta gure eskakizunak bildu eta Felixengana bideratzera mugatuko ziren.
Jai Batzordearen ustez, arazoari konpontzeko erarik logiko eta errazena gestorak berak dekretu hori bertan behera uztea da. Dekretu hau onartezina da, bere edukiarengatik, egin den erarengatik eta batez ere, onartu den momentuarengatik. Eta aurtengoz, Kafeko Atzea, txosna gune bezala frogatzeko prest geundela adieraziz, gainontzeko puntuak bertan behera uztea eskatu genien.
Uztailaren 29an, osteguna, Felix Aranbarri eta Jose Luis Garayrekin -gestorakidea- bildu ginen. Bilera hasi aurretik, beltzen bi furgoneta eta kotxe patruila bat ailegatu eta inolako arrazoirik eskaini gabe, Plaza Musikatik atera gintuzten, era bortitzean. Felixekin bilera hitzartuta genuela azaltzen saiatu ginen, baina alferrik. Kafe Antzokiko aurrean gelditu ginen Felixen deiaren zain. Ez zigunez deitzen geuk deitu genion, eta gure asmoa bospasei ordezkari joatea bazen ere, Felixen aginduz hiru lagunek baino ezin izan genuen ertzain beltzen hesia zeharkatu: Jai Batzordeko ordezkariak, Txosna Batzordeko ordezkariak eta tabernari batek.
Udaletxe barruan, Aranbarrik eta Garayk beherapenak eskaini zizkiguten: elikagaien erabiltzaile txartel bakarra eskatuko dute, txosna guztientzat aseguru bakarra, ez du garbitasuneko inspektorerik bidaliko, Plaza Gaineko kasuan beste alde batera begiratuko du eraikin batera itsatsita egon arren, eta ez du txosnarik zarratuko Jai Batzordeko ekintzen arduradunen izenik ematen ez badiogu ere. Euren adierazpenetatik ondoriozta dezakegunez, dekretua paper buztia da. Orduan, zergatik onartu dute, aplikatu ezin duten dekretu bat? Zehaztapen hauek dekretuaren gehigarri bezala sartzea eskatu genion, baina ukatu egin zen. Beraz, ea bere berbarekin fidatzea beste bermerik ez genuen galdetu genion, eta hala baieztatu zigun. Bere proposamena Jai eta Txosna batzordeetan aztertu eta biharamunean biltzea proposatu genion, baina gure eskakizunari uko egin eta txosnen baimenak astelehenerako aurkeztea iradoki zigun.
Bilera agurtzerakoan, hurrengo bileran ertzainei ez deitzea eskatu genion, eta gure harridurarako, oraindik Plaza Musika zeuden beltzak ez zituela berak deitu adierazi zigun. Nork deitu zituen ba? Guk ez behintzat. Polizia Felixekin batzarra genuelako etorri zen eta, berak ez zekien ezer? Beharbada okerrago: ez zuen ezer egin, bere esanetan bere baimenik gabe Musika Plaza eta herriko beste hainbat leku okupatzen zuten ertzainei ospa egitea exigitzeko. Nola fidatuko gara era honetako jokabideak dituen pertsona baten berbarekin, bere anbiguetatearen helburua, eraso polizial baten aurrean ateak zabalik mantentzea dela jakinda?
Batzar luze baten ostean, ostegun arratsaldean jaiak bertan behera uztekotan egon ginen. Aurtengoa, Herrittarron Andramaixak antolatzen dugun bosgarren urtea izatea nahi dugu. Aurreko urteetan bezala, udal dirulaguntzarik gabe eta musutruk lan egiteko prest gaude, baliabideak geure kabuz lortu eta Ondarroako jaiak aberasteko xedearekin. Zentzu honetan, argi utzi nahi dugu herritar xume legez, gogoa bai baina ez daukagula herriko jaiak antolatzeko inolako derrigortasunik, are gutxiago herriko jaiak antolatzearen trukean eskaintzen digutena oztopoak, mehatxuak, makilakadak, atxiloketak, isunak eta epaiketak badira. Une honetan jaiak salbatzeko modu bakarra Felixeri bere berba betetzea exigitzea dela iruditzen zaigu. Horretarako norbanakoen sinadura eta herriko kultur elkarte, ostalari eta merkatarien atxekimendu bilketa bat hasiko dugu herri mailan. Emaitzak aztertu ostean asteleheneko prentsaurrekoan -abuztuak 2- jakinaraziko dugu gure erabakia, Alamedan, arratsaldeko 8:30etan.

Hauxe gaztiau latxeik, Andramaixak be kolokan daz.

EAEko Epaitegi nagusixak Alleriko paduretako 500 etxebizitzan proiektu para dau behin behingoz.
Honek gertakarixonek horrek proiektuorrek hasiera hasieratik eukittuzen hutsune eta akatsak agerixan lagateittuz.
Egoerin barri emoteko,gaur(eguastena, uzt-28) prentsaurreku eta kozentrazinoi eingo da, arratsaldeko 7retan, Udaletxe aurrin (Frontoi parin).
Hantxe ikusiko gazelakun, ondo ixan!

Alleri Zainddu plataforma!
http://www.blogak.com/aieri

Lehen ez geunkan ba problemaik mare bixixakin