uztaila 2015 – 3 orrialdea

Markinatik, Galizitxik… Txoku libre!

2015/07/182015/07/18turrune

Markinako herri bazkaire jun dizen ondarrutarrak soinin erun dabe aldarrikapena.

Markinarrak be aldarrikatu dabe euran herriko txoku be libre nahi dabela.

Eta Fisterra aldin dabizen ondarrutarrak honetxek argazkixak bixalduskuz.

Eta Markinakuk amatxutakun… Mutrikuko jaxak

2015/07/182015/07/17turrune

Markinako jaxak eta gero parrandako goguaz jarraitzen bazue, asteburutik aurrea Mutrikun be jai giru eukikozue. Gogoratu txosneta urreatzi, trago bat hartzea edo bokadillo bat jatea, eta bide batez herriko taldiai diro bixkat lagatea.

JUANITO URKIZU dala ta aurkikuntzi LONDRESko rastrun

2015/07/182015/07/18turrune

2014. urtin ONDARRUko udalak herriko kirolaxan ikerketa beka bat eiban eta bertan futbolista horren bixitxi batzen zan. Ba horreaz lotute beatu zer bixaldu doskun EGOITZek, LONDRESen bixi dan gure herrikidik:
Egunon Turruneruai,
Zeuen posta helbidi eskatzeko idazten dotzuet.
Ondala egun batzuk, merkadilo antzeko baten euan puestezillo baten futboleko bitxikeixak ikusten jarri nitxan ze Athletik-eko pare bat gauza euken bistan eta ze topako ta zeuek on dala aste batzuk argitaratu zenduen Urkizu ondarruarran kromo zahar bat!! Interneten erosi ei ban berak…
Gauzi de erosi ein bir ixan nebala eta zeuei nahiko netzuen bixaldu, bitxikeixa morun, igual beran familixiai gustako letzake eukitxi edo fitxerun eukitxeko gauza politxe… benetan da bitxixe ba… Eta gexa hamen topateko!!! Ia zelako kasualidadi dan, eta gainea ez baneban TURRUNIN ikusi beratxik artikulu, nik ideaik bez zein zan… Hamen du argazkixe, ezta kromo bat, hobeto behatu dotzat eta jolasteko karta bat da, alde bixak bixaltzen dotxuaz…. Baine hamen baino hobeto da Ondarrun!! Ordaindu dotenagaitxik ez arduratu mesedez, holako aurkikuntzak ez dakarre prezixoik eta! Pozik topa nebalako….
Laster arte eta segi aurrea!!!

Angel Etxanizen familixakuai dirulaguntzi emongotze

2015/07/172015/07/17turrune

Audientzixa Nazionalak erabaki dau Angel Etxaniz ondarrutarran familixakuai dirulaguntzi emoti. Dakixuen modun, Angel 1980an hil ben Batallon Vasco Español eta Triple A-ko faxistak. Asko pozten gaz euran familixakukatxik, urte askun burrukan ibili dizelako euran eskubidik defendiuten. Baine hamendik aurrea be justizixi eskatzen jarraitxuko dou, Angelen hilketi ikertu eta hiltzailik topa eta epaitu arte.

Halan da be, Audientzixa Nazionalak erabaki dau beste familixa batzuai dirulaguntzaik ez emoti, hilddako euran familixakuk ETAkuk zilako. Joxan Lasa eta Josu Muguruzan familixakuk, adibidez, ez dabe dirulaguntzaik jasoko.

Lotsagarrixe ereizten gasku. Torturatzailik ixan zin guardia zibil frankistan familixakuk dirulaguntzak jasotetxuez, euran senidiik ETAk hil zitxulako. Baine polizixik hilddako ETAko familixakuk ez dabe dirulaguntzaik jasoko. Holantxenik funtzionaten dau Españik.

Uztailak 17 (baixaku) Olerki-saio musikatu ARRIGORRI ostatun

Irudia 2015/07/16turrune

Kuadrila eguneko bazkaixan ixena emoteko epi zabaldu dabe

2015/07/16turrune

Kuadrilla Egunin, kuadrillan bazkaxe antolatzi erabaki dou herriko kuadrilla batzuk, Jai Batzordin, Udalan eta herriko beste hainbat talde eta elkarten laguntziaz. Bazkaxe kafeko atzin ixangora, Kuadrilla Egunin, arratsaldeko 15:00retan. Bazkairako tikik Anaitan eta Kulixkan daz saltzen 5€-tan. Tikik erosteko azkanengoko egune uztailak 31 ixangora, baixaku, tikik ariña amaitzen ez bari bentzat.

Bazkaltzeko tikin barrun pasta-entsalada, solomu piper eta patatakin, postri, kafi eta ure sartzen diz. Bazkaltzeko derrigorra ixangora tiki eukitxi. Hasiera baten 155 tike ata diz eta hasitxe raz kuadrilla batzuk erosten.

Bazkaxan ostin, bertsolaxak eta kuadrillan jokuk eongoriz kafeko atzin bertan, eta gero erromexi Drindots taldiaz.

Giroik ezta faltako, eta espero zeure kuadrilli be ez faltati, Andra Maixak urtin behin di te!!!

EGIN egunkarixe zarratubela 17 urte pasa diz

2015/07/152015/07/16turrune

Jente askoren biharrai eta diruai esker sortu gendun EGIN, eta 1998xan zarratuskun gure egunkarixe. Memoixi argi dakau, eta begixetan dakauz ondiokan irudixak HERNANIn euazen lokaletan polizixa españolak sartu zinekuk. Ondioik gogoratzen douz baitxe be bertoko jentik ordun esandakuk (ATUTXA jeltzalik esandaku: EGIN eta Goma bixe bardine zala). Guk eztou ahaztuten.
Hamen dakazue EGIN sortzeko 1977xan ONDARRUko kofraixan ein zan batzarreako esku orrixe.

Badatoz 2015eko Markina-Xemeingo jaxak

2015/07/142015/07/14turrune

Udi aurrea du eta on Markinako jaxan txandi de. Badakiau Ondarrutar asko jungo zazela berta, eta hamen dakazue egitarau: http://www.markina-xemein.com/es-ES/Noticias/2015/egitarauascreen%20publi%20barik.pdf

Obrak aprobetxa, bidegorrixak etxeko

2015/07/132015/07/13turrune

Eguzkik bixaldutako idatzixe:

https://eguzkiondarru.wordpress.com/2015/07/10/obrak-aprobetxatu-bidegorriak-egiteko/

Bizkaiko Foru Aldundia Markina eta Berriatua arteko errepidea konpontzen ari da. Bidea zabaldu egingo du, eta apur bat zuzendu. Zoritxarrez, obra hori ez dute aprobetxatuko bi herrien artean bizikletentzako bidegorri bat egiteko.

Antzeko beste kasu bat: Ondarroan 4 urtean Iturribarri eta Kamiñazpi auzoak konpondu ditu udalak. Ondorioz, oinezkoek espaloi gehiago eta zabalagoak dituzte bertan oinez ibiltzeko. Baina auzo hartan ere ez da bidegorririk egin.

Eta halako adibide gehiago aurkitu ahal ditugu eskualdean.

Gure herri eta auzoetan bidegorri sare bat edukitzea beharrezkoa da jendea bizikletan gero eta gehiago ibiltzea nahi badugu. Baina horretarako instituzioek argi eduki behar dute kale edo errepide bat konpontzen denean, bizikletei ere lekua egin behar zaiela.

Bizikletan ibiltzea ona da osasunarentzat eta herriko kaleetan zarata eta kutsadura gutxiago egoten laguntzen du.

Erakunde publikoek bizikleta alternatiba erreal bezala ikustea nahi dugu, eta euren politiketan kontuan hartzea beti!