Udaleko kirol taldik astin birritxan argitaratzen dotxuz (inoiz hutsik egin baik) KIROL AGENDA (eguenin) eta KIROL EMAITZAK (martizenin). Egunetik egunera irakurle gehiago daukez eta gehitzen duz, baitxe herriko taldin zein norbanako kirolaixak aportaziñoik. Erreferente bat bihurtzen da herriko kirolzaleen artin. Federatun lehiaketak zein proba herrikoiak, taldeka, lagun artin edota banaka egindako edo parte hartutako kirol egitasmuk, danak daukate tarti iniziatiba honetan.
Borondatez egindako lana da eta holantxeik jarraitzekotan daz. Ondarroako kirol mobida ezautzeko aukera ederra ematen dabe gure lagunak.
Turrune! 