Fermin Muguruza bueltan dakau. Mundu osu zeharkatuko daben kontzertu bira jarriko dau abian musikarien, zeinetan, euskal Herriko lehen geltokixe Ondarruko Kafe Antzokixe ixango da.Muguruzaren berbetan, ‘ekintza musikalan 30 urtik ospatzeko, alde batetik lehen aipatutako bere ibilbide bakarlari gisa biltzen daben CD errekopilatoixo bat kaleratuko dau (1999tik 2013 arte) eta bestetik, datorren martxoaren 21etik, Kurdistanen, herrialde kurduaz ospatzen euran Newroz(Aberri Egune), abuztun 31 arte egingo daben bira mundialari ekingotza, Kontrakantxa taldi albun izango dabela’.
Kontrakantxa, oraingo honetan, 9 musikariz osatutako taldi ixango da. ‘Nire betiko partisano bereiztezinekin. Mikel Txopeitia, duela 22 urte nirekin doan bateria-jotzailea (Negu Gorriak taldeko bateria-jotzailea izan zena eta harrezkero antolatutako proiektu guztien bizkarrezurra). ‘In-Komunikazioa’ diskotik nirekin doazen ‘izuaren metalak’, Fino saxoarekin, Jontron tronboiarekin eta Lonbi tronpetarekin. Zigor DZ, Selektah Kolektiboa euskal raparen talde aitzindariko DJa. Oskar Benas gitarrista, laguntzaile 14 urte eman dituen arren, azkenaldian Maika Makovskiren gitarrista izan dena. Xabi Solano trikitilaria, urtebetez Esne Beltza bere taldea utziko duena abentura berri honetan parte hartzeko, azken hamarkadan zehar errepidera atera naizen bakoitzean egin duen bezala. Victor Navarrete baxu-jotzaile kubatarra, jada azken biran gerrilla musikalean parte hartu zuena, eta ni neu, jakina!’.
‘No More Tour 2013’ bira jarraitzeko webgune berezixe osatu dau Muguruzak Naiz.info atari digitalin.
Turrune! 