Month: otsaila 2012

Baixaku otsailak 24an ITZIARREN SEMEAK + ARKADA SOCIAL Kafe Antzokixan

turrune


Udara osoa Euskal Herriko jai eta txosnaguneetatik kontzertuak eskaini eta gero, “Basque of Brixton” birarekin dator Itziarren Semeak taldea orain. Betiko lez, ska-punk borrokalari eta festazalea izango da Mungiako taldeak taula gainean eskainiko duena. Emanaldia Arkada Social taldeak zabalduko du, eta estudioko diskorik atera gabe urte mordoa eman eta gero, Ondarrun disko berria aurkeztuko dute.

Kirol agenda, gero eta zabalagoa

turrune

Ikasturtearen erdi-erdian gaude, eta hori kirol agendan be nabaritzen da. Judoa, xakea, futbola, mendia, igeria… herriko kirolari guztiak “topin dabiz” euren arloetan.

Kirol Batzordeko kideek herriko kirol guztien jarraipena egiten dabiltza, kirol agendaren bitartez. Kriston lana egiten dute, borondatez gainera!

Asteazkenetan asteburuko emaitzak kontsultatu ahal dira, eta ostegunetan asteburuan egongo diren kirol ekintzen berri eduki.

Kirol zalea bazara, ez galdu kirol agenda!

http://kirolagenda.wordpress.com/

Capitán Hidalgo torturatzailea hil da, hau be ohean

turrune

Zurrumurrua zena konfirmatu da: Ondarroako eta inguruetako torturatzaile handiena izan zen Capitán Hidalgo Guardia Zibila hil da, bere etxean, ohean hau be, epaiketa barik eta egindakoak ordaindu barik. Urtarrilaren 13an hil ei zen.

1970. hamarkadan ehunka ondarrutar pasatu ziren bere eskuetatik, eta denek tortura latzak jasan zituzten.

Torturatzailea Teniente Koronel izendatuta hil da, Espainiak bere borreroak ondo ordaintzen ditu eta. Torturatuek, ordea, justiziarik ez dute eduki sekula.

Baina, ondarrutarrok ez dugu ixilik egon nahi, eta Guardia Zibil horrek Ondarroan sortutako beldurra eta sufrimendua jaso eta salatu nahi ditugu.

Horregatik, herriko Garraxika elkarteak Hidalgoren eskuetan torturak jasan zituzten herritar guztiak gonbidatu nahi ditu euren testigantzak ematera, barikuan eta zapatuan, OHZren lokalean (lehengo Harzubi taberna, Ikastola kalean), 12etatik 14etara. Nahi duenak bere testigantza grabatu ahalko du, eta nahi duenak idatziz ere eraman ahal izango du bere historia.

Ondarrutarrok ez gaz ixilik geatuko!

Otsailak 25tin, DURANGOn KALERA ROCK!

turrune

LANDAKO GUNEAN (liburu azoka egoten den aretoan) ospatuko diren kontzertu ta ekitaldiez beteriko eguna izango da. Kalerarock-eko sarrerak salgai daude jadanik 13eurotan Euskal Herriko txoko ezberdinetan ta ONDARRUN, ANAITAN  topako dozue. Ez laga bixarko ta erosi lelengotik

Otsailaren 25ean 12:00etan zabalduko dizkio ateak Landako guneak elkartasunari, adin eta gustu ezberdinen gozamenerako aurreikusi ditugun ekitaldiekin (batukada, elektrotxaranga, graffitiak, zanpantzarrak…).Goizean goiz hasi eta ordu txikietara arte luzatuko zaigun jai egun berezi hau.