Month: Iraila 2010

LARUNBATEAN DENOK BILBORA!!!

turrune

AUTOBUSA EGONGO DA. Apuntatu ohiko lekuetan. Irteera: 15:30 etan Zaldupen.


Euskal Herrian fase politiko berriaren irekiera blokeatzeko Estatua egiten ari den saiakeren gainetik, bakerako eta konponbide demokratikorako eskenatokiari bidea ixteko Estatua konfrontazio biolentoa luzatzeko egiten ari saiakera guztien gainetik, Euskal Herrian eskubide guztien alde sortzen ari diren hainbat ekimen txalogarriak dira Ezker Abertzalearentzat.

Adierazi EH ekimenaren inguruan hainbat eragilek egindako lanak, Gernikako akordioak, herri hau martxan dagoela erakusten dute. Ezker Abertzaleak uste du eta hala adierazi du behin baino gehiagotan, gatazka politikoa behin betiko konpontzera eramango gaituen prozesuaren motorra eta bermea euskal jendartea izan behar dela.

Horregatik txalotzen ditugu eskenatoki demokratikoa hori sustatzeko sortutako dinamikak eta ekimenak eta Euskal jendarteari dei egiten diogu eskubide guztien alde mobiliza dadin eska diezaiela alderdi politiko, sindikal eta sozialei konponbiderako elkarrizketa politikoa ahalbidetuko duen minimo demokratikoen eskenatokia eraikitzen inplika daitezen.

Herri aktibazioa eta mobilizazioa eta indar-metaketa hil ala bizikoak dira egun EZetzaren blokean daudenak mugiarazteko. Eskenatoki aldaketak botere-maila garaziko dien beldur edota egun dituzten etekinak galtzeko beldur direlako egungo blokeo egoera mantendu nahi dutenak mugiarazi behar ditugu. Konponbidearen eskenatokian guztiok irabazten dugu.

Hau guztiagatik atxikitzen gara larunbateko deialdira eta euskal jendarte guztiari dei egiten diegu herritar talde batek larunbat honetarako deitu duen manifestazioan parte har dezan. Bilboko kaleak zabaldutako aukera aprobetxa dadin exijitzen duen aldarriaren bozgorailu izan behar dute, bake iraunkor eta juxtua ekarriko digun eskenatoki demokratikoa lortzeko guztioi ardura eta perspektiba eskatzen digun aldarriaren bozgorailu.

Larunbatean denok Bilbora!!!

ISIDRO GARALDE BEDIALAUNETA “MAMARRU”

turrune


Diñue espainiar estatuan ez ei da “cadena perpetua”. Nola demontre ulertu behar dugu ba MAMARRUaz egiten ari direna ba? Herritik 40 urte baño gexa diz ihes egitea tokatu zitzaiola. 25 urte darama espetxean jarraian, nahiz eta aurretik be egonaldi bat egiña zeukan. Orain PAROT deitzen den doktriña aplikatu diote eta 2020ko apirilaren 4an irtengo ote da. EZ AHAL DA NAHIKOA? Guk baietz uzten dugu. Horregaitik argi eta ozen esaten dugu, MAMARRRU ONDARRURA ORAIN!!!!!

GARRAXIKA taldea EUSKAL MEMORIAren 1.aldizkariaren zenbakian

turrune


Errepresioaren Ondarroako Biktimen Ahotsa da Garraxika; biktima sentitzen direnek osatzen duten elkartea
“Hainbat gara herrian noiz edo noiz errepresioa sufritu dugunak. Atxilotu, preso, iheslari zein isunen bat jaso
dutenak batzea bururatu zitzaigun, eta horretarako errepresaliatu guztien iritzia, aholkua zein babesa premiazkoa dira. Laurehun pertsonako zerrenda osatu dugu honez gero”. zioten Garraxika elkarteko bozeramaleek publikoki estreinakoz agertu ziren egunean.
Garraxika Errepresioaren Ondarroako Biktimen Ahotsa taldea sortu zuten Ondarroan. 2007. urtean izan zen taldearen aurkezpena, Alameda aurrean dagoen Gudarien Oroitarriaren inguruan.
Aurkezpenean, preso ohi, atxilotu eta errepresaliatuak batu ziren: “Azken finean, estatuaren errepresioaren biktima sentitzen garen guztiak.. Abestiak esaten duen modura, ez gara ez lapurrak, ez zakurrak… Gure helburua Euskal Herria askea lortzea izan da eta izango da”, esan zuten aurkezpenean. “Eta gure esfortzuaren ordainetan, kolpe frankista, errepresioa, kartzela…, azken finean sufrimendua jaso genuen”. Garraxika izena jartzearen arrazoiak honako hauek direla adierazi zuten: Atxilotuak izan zirenean “jasotako egurragatik egindako garraxiak” gogoratzeko; ukatu egiten delako torturatu egiten dela, eta presoen alde eta berauen eskubideen alde egiten duten garraxiaren erakusgarri. Helburua, garraxi bidez preso eta iheslarien egoeraren inguruan sentsibilizatzea da.
Elkartea bera zabala dela ere gehitzen dute. “Guztientzako dago irekia, atxilotu, erbesteratu, eta errepresioa jasan duten guztientzat. Biktima sentitzen diren guztientzako dago irekia Garraxika elkartea”.
Nortzuekin lan egiten duten azaltzerakoan errepresaliatuen senideak eta amnistiaren alde lan egiten duten talde ezberdinak aipatu zituzten. “Guztiok batera lan egin behar dugu, presoen egoera ez delako aldatu; txartu ere egin zaie: Aske egon behar zutenek preso jarraitzen dute, zigorraren bi herenak eginda dituztenek preso jarraitzen dute, gaixoak ez dituzte askatzen eta ez dira jipoiak eta zigorrak amaitu”.

Aldizkaria eta Garraxikari bruuzko artikulua osorik irakurtzeko sartu HEMEN

Lehena ezagutuz, geroa eraiki

turrune


Gure herriko paretetan agertu diren kartelak irakurriz bertan ondarroako historiazale taldeak antolatu dituen hitzaldi sortaren barri izan dugu. OHZ Ondarroan egiten ari den lana izugarria da herriko historia batu eta herritarrei azaleratzeko. Hortaz, guk, Ondarroako ezker abertzaleak, hitzaldi horietara agertzeko dei egiten dizu, oso interesgarriak izango direlakoan.

“ENEKO FOREVER”

turrune


Kartzelara zaramate sei urterako. E.T.A. kumea omen zara…kartzelaz zigortu zaituen iritziz eta aginduz.Baina zuk, Eneko, ez duzu armarik hartu zure eskuetan. Are gutxiago inor hil. Zu, gazte independentista borrokalari bat besterik ez zera (ez da gutxi bizi garan gizarte kontsumista eta egoista honetan!) Zorionez, ez zara zu bakarra. Ez horixe!
Hemen, zure Ondarroan, uzten dituzu, zure antzera eta zurekin batera, Euskal Herri honen independentziaren eta sozialismoaren alde borrokan ari diren hainbat gazte. Zure epetxeratzea dela eta, egun hauetan herrian burutzen ari diren mobida txapela kentzeko dugu. Zure lagunek ingelesa ere irakatsi didate niri ere! Eurokin batera niri ere: We are Eneko! Eneko forever!
Eneko gaztea! Harro eta buruz gora kartzelara! Inoiz ez ahaztu munduko askatzaile ospetsuenek ere kartzela ezagutu dutela.

Imanol Oruemazaga Baseta